YOHANES 7:31 - WUKE SUSI WATTI'U AL᷊AL᷊USASSA

³¹ Manambo su wallattu manga taumata udde mannattakke mangngimanna si Tou, wuṛṛu mabbisara, “Amungkangngu Ratum Punnu Sal᷊amatta udde rumanta, apa i Tou wotongnge maaola'a mannamboanna al᷊aṛṛindu'a wuassu taumata indi?”

YOHANES 7:31 Iomraidhean Croise

MATIUS 12:23

Anambon taumata naherangnga wuṛṛu nabbisara, “Asinungka i Tou indi Ana'i Daud apan suete pina'ire udde?”

LUKAS 8:13

Wualanna apan nanawo su leta'a pia batune isassumandingnga su taumata napawe naaringikka watti'a udde, nanengkamma ringannu naungnge mal᷊uassa. Arawe watti'a udde tawe naṛṛamutta sulal᷊ummu naungnge. I mangitou mangngimanna tal᷊ang kadio'a, wuṛṛu napawe wawono'a nirumanta, i mangitou nassinaada.

YOHANES 11:45

Manambo manga taumatan Yahudi nirumanta mattembo si Maria, nangimanna Mawu Yesus su tempo i mangitou naasilo arariaddianna udde.

YOHANES 12:11

ana waugu ete i tou naanambo taumatan Yahudi nanantangngi mangitou, wuṛṛu nangimanna Mawu Yesus.

YOHANES 12:42

Salaiwe aroddi, manambo taumata, ewe'e lai su wallattu tembonannu Yahudi lai mangngimanna Mawu Yesus. Arawe i mangitou tawe waṛṛani manga'u udde ringannu uahahati, ana waugu i mangitou matta'utta aṛṛengenne taumatan Farisi maningaddi mangitou sumutta su wal᷊em pattataṛṛamawuanna.

YOHANES 2:11

Eteudde al᷊aṛṛindu'a paarorone apan niola'u Mawu Yesus. I Tou na'ola'a udde su wanua Kana su Galilea. Ringannu tanda udde i Tou mapaal᷊iatta'u awawantu-Ge. Ne mallal᷊aṛṛenggen-Ne nangimante si Tou.

YOHANES 3:2

Su sambau ṛabbi i tou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga nirolokku Ruata. Ana waugu tawe saran sangkatou apan wotongnge ma'aola'a tanda ma'aṛṛindu'a ere niola'u Iamangnga, amungkangngu Ruata tawe uaṛṛundinganna si tou.”

YOHANES 4:29

“Wette pa'ellega taumata apan suete namasingkatta si ya'u al᷊awo'u arariaddianna apan suete niola'u. Asinungka i Tou Ratum Punnu Sal᷊amatta?”

YOHANES 4:39

Manambo taumatan Samaria tumana'u soa udde nangimanna Mawu Yesus, ana waugu wawine udde nabbisara, “I Tou nabbatti'a si ya'u al᷊awo'u inolaanna apan suete ta'u inola'a.”

YOHANES 6:2

Napawe na'omate poiaroddi, manambote taumata uatantalongnga si Tou ana waugu i mangitou suete naasilo manga al᷊aṛṛindu'a apan niolang-Nge ringannu napaapian taumata marada'a.

YOHANES 7:26

Pa'ellege i Tou mabbisara tawe singgawangnge su saruannu awada'alla, wuṛṛu tawe saran sangkatou apan mabbisaran apa-apa si Tou! Asinungka manga tembonanni ite naatutukke manungku i Tou indi Ratum Punnu Sal᷊amatta?

YOHANES 9:16

Manga pira su wallattu manga taumatan Farisi udde nabbisara, “Tawe mariaddi taumata na'ola'a indi darantane wuassu Ruata, ana waugu i Tou tawe mallaghun allon Sabatta.” Arawe taumata waine lai mabbisara, “Tawe mariaddi taumata marosa wotongnge maaola'a manga al᷊aṛṛindu'a ereindi?” See nasapputte patatatiakka su wallattu addapatti mangitou.

WATTI'U MANGA RASUL 8:13

I Simon sassane lai nangngimanna. Wuṛṛu napawe suete nissaṛṛani, i tou sidutu uatantalongnga si Filipus. Manga al᷊aṛṛindu'a apan suete nariaddi udde, mangke ma'atiangnga si Simon.

YAKOBUS 2:26

Ne, su ereapa wadangnga ringannu tawe ghaṛṛaho, udde wadangnga nate, aroddi lai pangangimanna tawe pallal᷊agu, udde pangangimanna apan nate.