YOHANES 7:28 - WUKE SUSI WATTI'U AL᷊AL᷊USASSA

²⁸ Wua'udde, tantal᷊anna Mawu Yesus mangngaṛṛa'a su Wal᷊e Mawu, i Tou nangintul᷊i ringannu tingikka ma'ikkatta, “Nariaddi yamiu masingkatta isai i Ya'u indi, wuṛṛu wuassuapa i Ya'u nirumanta? I Ya'u tawe nirumanta ana waugu apulu-U sassane. I Ya'u nirolokki Tou apan pia taṛṛino wotongnge mandolo-U, wuṛṛu i Tou wotongnge apangimananna. Arawe i yamiu tawe maaillal᷊a si Tou.

YOHANES 7:28 Iomraidhean Croise

DARALO 9:10

Mawu udde tampa pattillummannu taumata apan aumpisananna, tampa passirunganna sutempon asasusa.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

HOSEA 5:4

Al᷊al᷊eo apan niola'u taumatan Israel pangillul᷊eanne i mangitou tate mapabbelengnga ringannu Ruatan mangitou. I mangitou tataṛṛinoante pasasubba paal᷊uanna, na'oman sara i mangitou tate maddaringikka Mawu.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

MATIUS 2:23

Isudde i tou natana'a su soa aranne Nazaret. Ringannu aroddi nariaddite apa apan niwatti'u manga nabi su ola'u Ana'a udde: “I tou sarun isaggo taumata Nazaret.”

MATIUS 26:55

See Mawu Yesus nabbisara su taumata manambo udde, “Apa i Ya'u indi taumata lal᷊eo, na'oman sara i yamiu nirumanta ringannu uaapiddu hal᷊ele wuṛṛu papuulla ipanametta si Ya'u? Miallo-miallo i Ya'u mangngaṛṛa'a su Wal᷊e Mawu, arawe i yamiu tawe manametta si Ya'u.

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

LUKAS 2:39

Napawe i Yusuf wuṛṛu i Maria suete na'ola'a sarangkanambone apan niatokku tita Mawu, i mangitou napul᷊ete watukku Nazaret su Galilea.

LUKAS 2:4

I Yusuf inaite wuassu Nazaret su Galilea, watukku Betlehem su Yudea, su soa inasungkanganni Ratu Daud; ana waugu i Yusuf wuassu papapulunni Daud.

LUKAS 2:51

Wua'udde Mawu Yesus napul᷊ete su sampunna ringanni mangitou watukku Nazaret, wuṛṛu uararingikka si mangitou. Anambon inolaanna udde sasahipunannu inangnge sulal᷊ummu naungnge.

YOHANES 1:46

Arawe i Natanael sinumimbakka, “Wotongngewe sambau apapia rumanta wuassu Nazaret?” “Wette pa'ellega sassane,” sasimbakki Filipus.

YOHANES 10:36

anio i yamiu mabbisara si Ya'u mangngadio'a Ruata ana waugu nabbisara i Ya'u Ana'u Ruata? Sumbal᷊i Ya'u nipilen Ruata wuṛṛu nirolokka watukku runia.

YOHANES 12:49

Ana waugu i Ya'u tawe mabbisara wuassu apulu-U sassane; Iamangnga apan nanadolo-U, ete i Tou apan namarenta si Ya'u apa apan Ta'u iwisara wuṛṛu iapaasingkatta.

YOHANES 14:10

Filipus! I'o tawe mangngimanna, manungku i Ya'u su sambau ringannu Iamangnga, wuṛṛu Iamangnga su sambau ringang-Ku? Apa niwisara-U si'o, tawe niwisara-U wuassu wadang-Ku sassane. Iamangnga apan sidutu su sambau ringang-Ku ete i Tou apan nammanara sarangkanambone udde.

YOHANES 14:31

Arawe sarangkanambone udde sarun mariaddi tadea'u runia maatutukka manungku i Ya'u marangngu Iamangnga wuṛṛu tuttuṛṛutta al᷊awo'u apa apan nirolokku Iamangnga si Ya'u. Ne, wette i ite inaite mangingkatta wua isindi.”

YOHANES 16:3

I mangitou ma'ola'a udde si yamiu ana waugu i mangitou taambe naaillal᷊a Iamangnga aroddi lai si Ya'u.

YOHANES 17:25

Iamangnga apan matul᷊idda! Runia tawe maaillal᷊a Iamangnga, arawe i Ya'u maaillal᷊a Iamangnga; wuṛṛu manga taumata indi masingkatta manungku ete Iamangnga, apan nandolo-U.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YOHANES 3:2

Su sambau ṛabbi i tou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga nirolokku Ruata. Ana waugu tawe saran sangkatou apan wotongnge ma'aola'a tanda ma'aṛṛindu'a ere niola'u Iamangnga, amungkangngu Ruata tawe uaṛṛundinganna si tou.”

YOHANES 3:33

Taumata apan mangngimanna tatiala-Ne udde, mangnga'u manungku Ruata udde atonna.

YOHANES 5:32

Arawe pia taumata waine apan mangngagillu tatiala su ola'u riri-U, wuṛṛu i Ya'u masingkatta manungku tatialane udde atonna.

YOHANES 5:43

I Ya'u nirumanta ringannu taṛṛinon Iamang-Ku, arawe i yamiu maddiri manarimma-U. Arawe amungkangngu taumata waine rumanta ringannu taṛṛinone sassane, i yamiu maapulu manarimmatti tou.

YOHANES 6:42

I mangitou nabbisara, “Wal᷊inewe indi Yesus ana'i Yusuf? I yami masingkattu inangnga iamangnge! Ereapa i Tou wotongnge mabbisara i Tou niumonto'a wuassu surga?”

YOHANES 7:14

Mattangngan ramea, Mawu Yesus sinumutta sulal᷊ummu Wal᷊e Mawu, see nanattakke mangngaṛṛa'a.

YOHANES 8:14

Mawu Yesus sinumimbakka, “Salaiwe i Ya'u mangngonggolu tatiala su ola'u riri-U sassane, tatiala-U udde atonna; ana waugu i Ya'u masingkatta wuassuapa i Ya'u nirumanta wuṛṛu watukku apa i Ya'u inai. I yamiu wagga wuassuapa i Ya'u nirumanta wuṛṛu watukku apa i Ya'u inai.

YOHANES 8:16

Arawe unnu wisara i Ya'u mamarikissa taumata, i Ya'u maṛṛawessa udde matul᷊ida, ana waugu i Ya'u tawe sassane; Iamangnga apan nandolo-U su sambau lai ringang-Ku.

YOHANES 8:19

“Iamangngu udde suapa?” aiwal᷊o mangitou. Mawu Yesus sinumimbakka, “I yamiu tawe maaillal᷊a si Ya'u aroddi lai Iamang-Ku. Unnu wisara i yamiu maaillal᷊a si Ya'u, i yamiu lai sarun maaillal᷊a Iamang-Ku.”

YOHANES 8:26

Ta'e manambo lai hatto su ola'i yamiu apan Ta'u iwisara wuṛṛu ipamarikissa. Arawe i Tou apan nandolo-U wotongnge apangimananna. Wuṛṛu i Ya'u mamasingkatta su runia apa apan Ta'u niaringiṛṛanna wuassi Tou.”

YOHANES 8:42

See Mawu Yesus nabbisara si mangitou, “Unnu wisara Ruata udde Iamangngu, i yamiu sarun mandangngu si Ya'u, ana waugu i Ya'u nirumanta wuassu Ruata. I Ya'u tawe nirumanta ringannu apulu-U sassane, arawe ete i Tou apan nanadolo-U.

YOHANES 9:29

I yami masingkatta manungku Ruata suete nabbisara si Musa. Arawe su ola'u taumata udde, i yami wagga wuassuapa inarantan-Ne.”

WATTI'U MANGA RASUL 17:23

Ana waugu su tempo i ya'u u'amatta mammal᷊iwutta soa atatanaannu wuṛṛu mannutukka manga tampam pangal᷊iomanannu, i ya'u naasilo lai sambau tampa pangangadoannu sasamba; su tampa udde uawoṛṛetta, ‘Ionggola su Ruata apan awagananna.’ E, Ruata apan sassubbanni yamiu udde awagananna, ete i Tou apan iwabatti'u si yamiu.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

ROMA 3:4

Natantuna tawe! Ana waugu nasemakke manungku Ruata sidutu atonna, salaiwe al᷊awo'u taumata mammahia. Sulal᷊ummu Wuke Susi uawoṛṛetta, “Ṛinone i'o aatialanna atonna sulal᷊ummu apa apan iwabbisaranu, wuṛṛu i'o maauntungnga su tempo i'o parikisanna.”

2 KORINTUS 1:18

Ringannu arannu Ruata apan apangngimananna, paaire'u si yamiu wal᷊inewe “Ore” wuṛṛu “Tawe”.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

1 YOHANES 5:10

Ana waugu udde, taumata apan mangngimanna su Ana'u Ruata, suete nanengkamma tatiala udde sulal᷊ummu naungnge; arawe taumata apan tawe mangngimanna Ruata, nassunnate manungku Ruata taṛṛa wahia, ana waugu i tou tawe mangngimanna apa apan iwabal᷊on Duata su ola'u Anang-Nge.

1 SAMUEL 2:12

Al᷊aṛṛana'i Eli tumaniten dal᷊eo atonna. I mangitou tawe maddaringikka Mawu