YOHANES 7:23 - WUKE SUSI WATTI'U AL᷊AL᷊USASSA

²³ Amungkangngu i yamiu ma'ola'a udde tadea'u tawe lumawangnga atoranni Musa su ola'u sunatta, anio i yamiu mannaungnga lal᷊eo si Ya'u ana waugu mapaapian ahewallu wadangngu taumata su allon Sabatta?

YOHANES 7:23 Iomraidhean Croise

SASABANGNGA 31:14

Allon pangillol᷊oanna udde ṛinone addatanni yamiu maola'a sambau allo apan susi. I yamiu Ta'u nionggol᷊annu annummu allo ipammanara, arawe allo appitune eteudde allo wahewalla apan niṛṛae si Ya'u. Isai apan tawe mangaddata allo udde, arawe mammanara su allo udde ṛinone iṛṛuumanna pateanna.

MATIUS 12:10

Isudde pia sangkatou taumata limane lome samba'a. Manga pira taumata apan madea'a pasasal᷊a Mawu Yesus, naiwal᷊o si Tou, “Apa wotongnge mapaapian taumata su allon Sabatta?”

MATIUS 12:2

Su tempo manga taumatan Farisi naasilo udde, i mangitou nabbisara Mawu Yesus, “Pa'ellega! Manga mallal᷊aṛṛenggen-Nu lullawangnga titan agamang kite ringannu ma'ola'a inolaanna apan isassingada su allon Sabatta.”

MATIUS 12:5

Ara'e i yamiu taambe naawasa sulal᷊ummu tita Musa manungku suapan allon Sabatta manga imam apan mammanara su Wal᷊e Mawu, lullawangnga atorannu allon Sabatta, arawe tawe iapaasal᷊a?

YOHANES 5:10

Ana waugu udde manga tembonannu Yahudi nabbisara taumata apan wakkute napia udde, “Allo indi allon Sabatta. I'o tawe wotongnge mallapu wilannu.”

YOHANES 7:21

Mawu Yesus sinumimbakka, “Tumba'u sambau manara Ta'u olaanna su allon Sabatta, wuṛṛu naaherangnga si yamiu.

YOHANES 9:16

Manga pira su wallattu manga taumatan Farisi udde nabbisara, “Tawe mariaddi taumata na'ola'a indi darantane wuassu Ruata, ana waugu i Tou tawe mallaghun allon Sabatta.” Arawe taumata waine lai mabbisara, “Tawe mariaddi taumata marosa wotongnge maaola'a manga al᷊aṛṛindu'a ereindi?” See nasapputte patatatiakka su wallattu addapatti mangitou.