YOHANES 7:15 - WUKE SUSI WATTI'U AL᷊AL᷊USASSA

¹⁵ Manga tembonannu Yahudi naherangnga wuṛṛu nabbisara, “Ereapa taumata indi asingkanne aroddi anambone, sumbal᷊i I Tou tawe nassi'ol᷊a?”

YOHANES 7:15 Iomraidhean Croise

YESAYA 29:12

Napawe iapidda ringannu taumata apan wuta huruppa, i tou sarun sumimbakka manungku i tou tawe maawasa.

MATIUS 13:54

see nabelengke su wanua-Ne. Poi sindi i Tou mangngaṛṛa'a su wal᷊em pattataṛṛamawuanna, wuṛṛu manga taumata apan maddaringikka si Tou isudde, mangke naherangnga. I mangitou nabbisara, “Wuassu apa taumata indi naasomba apande ereudde? Wuṛṛu wuassu apa i Tou naasomba taṛṛino ma'ola'a al᷊aṛṛindu'a udde?

MATIUS 22:22

Su tempo i mangitou naaringikka tal᷊aane aroddi, i mangitou mangke naherangnga. Ne i mangitou inaite nanantangngu Mawu Yesus.

MATIUS 22:33

Napawe taumata nambo udde naaringikka tal᷊a'a Mawu Yesus, i mangitou mangke naherangngu al᷊aṛṛang-Nge udde.

LUKAS 2:47

Anambon taumata apan naaringikka si Tou naherangnga ana waugu manga sasimbak-Ke apan masiṛṛongnga.

LUKAS 4:22

Manga wisara apan niwisara-Ne mapia atonna, na'oman sara i mangitou naherangnga wuṛṛu lapiddu nanamba'a si Tou. I mangitou nabbisara, “Wal᷊inewe i Tou indi ana'i Yusuf?”

YOHANES 1:19

Manga piaṛṛa'u Yahudi su Yerusalem nandolokku manga imam wuṛṛu manga taumatan Lewi inai ringanni Yohanes wuṛṛu naiwal᷊o si tou, “I'o indi isai?”

YOHANES 7:11

Su al᷊annun ramea udde, manga tembonannu Yahudi maddea'a si Tou wuṛṛu uaaiwal᷊o, “Suapa i Tou?”

YOHANES 7:13

Arawe tawe saran sangkatou waṛṛani mabbisara uasasaruanna su ola'i Tou ana waugu i mangitou matta'uttu manga tembonannu Yahudi.

YOHANES 7:46

Manga mandariaga udde sinumimbakka, “Ah, taambe saran paassa pia taumata mabbisara naal᷊ihida ere i Tou!”

WATTI'U MANGA RASUL 26:24

Tantal᷊anna i Paulus massinaukka, i Festus niumui, “I'o nabewate Paulus! Apapandenu apan manambo udde naawewate si'o!”

WATTI'U MANGA RASUL 4:13

Manga wageangngu ammul᷊annu Mamamarikissa udde naherangnga naasilo awawaṛṛanin Petrus wuṛṛu i Yohanes, see lai i mangitou masingkatta manungku rasul darua udde taumata wiasa apan tawe si'ol᷊ane. See i mangitou naatutukke manungku rasul darua eteudde manga taumata apan uatantalongnga Mawu Yesus.

1 SAMUEL 10:11

Manga taumata apan masingkatti tou ro'en dorone, naasilo pallal᷊agune udde, ana see i mangitou ua'aiwal᷊ote, “Apate apan buatte nariaddi su ana'i Kish udde? Apa i Saul naola'a lai nabi?”