YOHANES 7:14 - WUKE SUSI WATTI'U AL᷊AL᷊USASSA

¹⁴ Mattangngan ramea, Mawu Yesus sinumutta sulal᷊ummu Wal᷊e Mawu, see nanattakke mangngaṛṛa'a.

YOHANES 7:14 Iomraidhean Croise

MALEAKHI 3:1

Mawu Apan Lembontaṛṛino sinumimbakka, “Ya'u sarun mandolokku daroloṛṛang-Ku iapasaddia lal᷊ang-Ku. Ne ringannu inaṛṛombanganne i Ya'u, Mawu apan raddeaanni yamiu, sarun dumanta su Wal᷊e-U. Daroloṛṛang-Ku apan aantimanni yamiu udde sarun dumanta wuṛṛu umal᷊iatan paaire-U.”

REENGANNA 29:17

Su allo aruane onggol᷊a'e lai mapul᷊o dua sapi esakka saṛṛentumuwo, darua domba esakka, wuṛṛu mapul᷊o dua ana'u domba esakka uukke santonna, sambau-sambau tawe sangkule.

REENGANNA 29:20

Su allo atallune onggol᷊a'e mapul᷊o assa sapi esakka saṛṛentumuwo, darua domba esakka, wuṛṛu mapul᷊o appata ana'u domba esakka uukke santonna, sambau-sambau tawe sangkule.

MATIUS 21:12

Wua'udde Mawu Yesus sinumuttate su Wal᷊e Mawu wuṛṛu nallimbuakka manga taumata apan uawawalli isudde. I Tou namal᷊insuangngu manga meddam pananu'aranna roitta, wuṛṛu manga wangko mabawal᷊u'u merpati.

MATIUS 26:55

See Mawu Yesus nabbisara su taumata manambo udde, “Apa i Ya'u indi taumata lal᷊eo, na'oman sara i yamiu nirumanta ringannu uaapiddu hal᷊ele wuṛṛu papuulla ipanametta si Ya'u? Miallo-miallo i Ya'u mangngaṛṛa'a su Wal᷊e Mawu, arawe i yamiu tawe manametta si Ya'u.

LUKAS 19:47

Miallo-miallo Mawu Yesus mangngaṛṛa'a su Wal᷊e Mawu. Manga tembonannu imam wuṛṛu manga hurun agama, see manga piaṛṛa'u taumatan Yahudi maapulu mamate si Tou,

YOHANES 18:20

Mawu Yesus sinumimbakka, “I Ya'u sidutu mabbisara ringannu uahahati su saruannu awadaalla. I Ya'u sidutu mangngaṛṛa'a su manga wal᷊em pattataṛṛamawuanna wuṛṛu su Wal᷊e Ruata, su tampan taumatan Yahudi wiasane maammula. Taambe saran paassa i Ya'u mabbisara ringannu itattullampingnga.

YOHANES 5:14

Wua'udde Mawu Yesus nassomban taumata udde sulal᷊ummu Wal᷊e Mawu, wuṛṛu nabbisara si tou, “Orassa indi i'o napiate. Arie pa'ola'a rosa apia, tadea'u tawe mamendamma rada'a lembon aral᷊eoanne.”

YOHANES 7:2

Su tempo udde maranite Allo Wahewa Rasannu Rongnga.

YOHANES 7:28

Wua'udde, tantal᷊anna Mawu Yesus mangngaṛṛa'a su Wal᷊e Mawu, i Tou nangintul᷊i ringannu tingikka ma'ikkatta, “Nariaddi yamiu masingkatta isai i Ya'u indi, wuṛṛu wuassuapa i Ya'u nirumanta? I Ya'u tawe nirumanta ana waugu apulu-U sassane. I Ya'u nirolokki Tou apan pia taṛṛino wotongnge mandolo-U, wuṛṛu i Tou wotongnge apangimananna. Arawe i yamiu tawe maaillal᷊a si Tou.

YOHANES 7:37

Su allo panginsueannu ramea udde, eteudde allo apan apianne, Mawu Yesus dirumarisikka sulal᷊ummu Wal᷊e Mawu see nabbisara, “Taumata apan marou ṛinone rumanta ringang-Ku ma'inumma.

YOHANES 8:2

Tiṛṛabbine rua'allo maṛṛanggapa i Tou inaite lai su Wal᷊e Mawu, wuṛṛu manambo taumata nirumanta ringanni Tou. Mawu Yesus inuma'ianna see nanattakke mangngaṛṛa'a si mangitou.

YOHANES 8:20

Sarangkanambone udde niwisara Mawu Yesus su tempo i Tou tantal᷊anna mangngaṛṛa'a su Wal᷊e Mawu marani manga pangangadoannu roitta sasamba. Arawe tawe saran sangkatou apan nanametta si Tou, ana waugu taambe nia'omanna tempone.