YOHANES 7:12 - WUKE SUSI WATTI'U AL᷊AL᷊USASSA

¹² Manambo taumata mannattake uasasal᷊imburungnga su ola'i Tou. Piaddu mabbisara, “I Tou taumata mapia.” Piaddu lai mabbisara, “Tawe! I Tou mangngal᷊iwun taumata nambo.”

YOHANES 7:12 Iomraidhean Croise

MATIUS 10:25

Naṛṛinote amungkangngu sangkatou ana'a si'ol᷊a maola'a ere hurune, wuṛṛu sangkatou mangangimbe maola'a ere mawune. Amungkangngu pa'ihaguranganna su wal᷊e aranne ete nisaggo Beelzebul, lembonete lal᷊oṛṛon bal᷊ene. I mangitou sarun onggol᷊annu aranna aral᷊eoane lai!”

MATIUS 21:46

Nariaddi i mangitou mangke mappandumma manametta si Tou. Arawe i mangitou matta'uttu taumata nambo, ana waugu taumata nambo udde ma'ellega manungku Mawu Yesus ere sangkatou nabi.

MATIUS 27:63

wuṛṛu nabbisara, “Mawu, i yami maanaungnga su tempo taṛṛa awusu udde ta'e wiakka, i Tou suete nabbisara, ‘Napawe tallute allo i Ya'u sarun mabangunna apia.’

LUKAS 18:19

“Anio i'o nabbisara i Ya'u mapia?” unnu Mawu Yesus. “Tawedu apa apan mapia tumba'u Ruata sassane.

LUKAS 23:47

Napawe tembonannu tantara naasilo apa apan suete nariaddi, i tou nadalote Ruata. See i tou nabbisara, “Atonna-tonna, i Tou indi tawe sal᷊ane!”

LUKAS 23:50

Pia sangkatou aranne i Yusuf, wuassu soa Arimatea su wanua Yudea. I tou sangkatou mapia apan aaddatannu taumata, wuṛṛu nareengnga taumata apan sidutu uaraṛṛaddo tempone Ruata mamarenta ere sangkatou Ratu. Salaiwe i tou nareengnga su wageangngu Mallaṛṛuungngu Agama, i tou maddirin ṛuumanna udde wuṛṛu inolaannu manga mallaṛṛuungnga udde.

LUKAS 6:45

Taumata mapia mapasabangngu pallal᷊agu mapia ana waugu naungnge napenen apapia. Taumata pallal᷊agune lal᷊eo mapasabangngu inolaanne lal᷊eo ana waugu naungnge napenen al᷊al᷊eo. Ana waugu apa apan suete niwisara moṛṛongnga udde sinabanganne wuassu naungnga.”

LUKAS 7:16

Anambon taumata nata'utta wuṛṛu nanattakke maddalo Ruata. I mangitou mabbisara, “Sangkatou nabi apan wahewa suete nirumanta su wallatti ite! Ruata nirumantate manal᷊amatta pabbawalage!”

YOHANES 6:14

Napawe taumata nambo udde naasilo al᷊aṛṛindu'a apan niola'u Mawu Yesus, i mangitou nabbisara, “Atonna, ete indi Nabi apan a'antimanna rumanta su runia!”

YOHANES 7:32

Manga taumatam Farisi naaringikka ereapa taumata nambo udde uasasal᷊imburungnga su ola'u Mawu Yesus. Ana waugu udde su sampunna ringannu manga imam tembonanne, i mangitou nandolokku manga pira mandariaga Wal᷊e Mawu inai manametta Mawu Yesus.

YOHANES 7:47

“Apa i yamiu lai suete nial᷊iwu-Ne?” unnu manga taumatan Farisi udde.

YOHANES 7:52

“Apa i'o lai wuassu Galilea?” sasimbakki mangitou, “Pamarikisse Wuke Susi! I'o sarun maasingkatta manungku tawe sangkatou nabi apan asapputanne wuassu Galilea!” [

YOHANES 9:16

Manga pira su wallattu manga taumatan Farisi udde nabbisara, “Tawe mariaddi taumata na'ola'a indi darantane wuassu Ruata, ana waugu i Tou tawe mallaghun allon Sabatta.” Arawe taumata waine lai mabbisara, “Tawe mariaddi taumata marosa wotongnge maaola'a manga al᷊aṛṛindu'a ereindi?” See nasapputte patatatiakka su wallattu addapatti mangitou.

WATTI'U MANGA RASUL 11:24

I Barnabas indi sangkatou taumata apan mapia naungnge wuṛṛu pia taṛṛinon Ghaṛṛahon Ruata see lai lembo mangngimanna Mawu na'oman sara taumata nambo tinumantalongnga Mawu.

ROMA 5:7

Su sangkatou taumata apan matul᷊ida lai taumata maddiri mate. Asinungka hunane tumba'u su sangkatou apan mapia, piaddu lai maapulu mate.

FILIPI 2:14

Manarate al᷊awo'u manara ringannu tawe sumungkuta ara'e matatiakka.