YOHANES 6:68 - WUKE SUSI WATTI'U AL᷊AL᷊USASSA

⁶⁸ “Mawu,” wisaran Simon Petrus si Tou, “ringanni sai yami sarun inai? Wisara Mawu mangngonggolu wiakka tutune wuṛṛu saran mal᷊annu-l᷊annu.

YOHANES 6:68 Iomraidhean Croise

DARALO 73:25

Isai apan tatahuanangku su surga tumba'u I'o? Wal᷊ine wuassu Mawu taweddu ta'u ipaapulu su runia.

MATIUS 16:16

I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”

MARKUS 8:29

“Arawe tumuṛṛutti yamiu sassane, i Ya'u indi isai?” aiwal᷊o Mawu Yesus. I Petrus sinumimbakka, “Iamangnga eteudde Ratum Punnu Sal᷊amatta!”

LUKAS 9:20

“Arawe tumuṛṛutta si yamiu sassane, i Ya'u indi isai?” aiwal᷊o Mawu Yesus. I Petrus sinumimbakka, “Iamangnga eteudde Ratu Punnu Sal᷊amatta apan pina'iren Ruata.”

YOHANES 12:49

Ana waugu i Ya'u tawe mabbisara wuassu apulu-U sassane; Iamangnga apan nanadolo-U, ete i Tou apan namarenta si Ya'u apa apan Ta'u iwisara wuṛṛu iapaasingkatta.

YOHANES 12:50

Wuṛṛu i Ya'u masingkatta manungku parenta-Ne udde mangngonggolu wiakka tutune wuṛṛu saran mal᷊annu-l᷊annu. Ne i Ya'u lai namasingkatta ere lai niaṛṛa'u Iamangnga si Ya'u.”

YOHANES 17:8

Suete Ta'u niapaasingkatta si mangitou wisaran Iamangnga apan nionggolu Iamangnga si Ya'u; wuṛṛu suete nisengkammi mangitou. I mangitou masingkatta manungku i Ya'u atonna-tonna nirumanta wuassu Iamangnga wuṛṛu i mangitou lai mangngimanna manungku ete Iamangnga apan nandolo-U.

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

YOHANES 6:63

Apan maawiakka taumata eteudde Ghaṛṛahon Ruata. Atatohassu taumata tawe gunane. Manga wisara apan niwisara-U si yamiu indi eteudde wisara Ghaṛṛahon Ruata wuṛṛu manga wisara apan mangngonggolu wiakka.

WATTI'U MANGA RASUL 13:26

Manga tuṛṛangnga papapulunni Abraham, wuṛṛu manga tuṛṛangnga waine apan isindi apan tuttuṛṛutta Ruata! Ruata suete nangonggolu Watti'u Asasal᷊amatta udde si ite;

WATTI'U MANGA RASUL 4:12

Tumba'u sulal᷊ummu Mawu Yesus sassane taumata masal᷊amatta. Ana waugu su ahewallu runia indi su wallattu taumata tawe saran sangkatou taumata waine maasomba taṛṛino wuassu Ruata ipanal᷊amatta si ite.”

WATTI'U MANGA RASUL 5:20

“Roote darisikka su Wal᷊e Mawu wuṛṛu pasingkata'a su taumata su ola'u wiakka apan wakku indi.”

WATTI'U MANGA RASUL 7:38

Ete i Musa lai apan su pattangngannu walahannu Israel su wadda'a, naola'a uatangnga mala'ekatta apan mabbisara si tou su Wowon Sinai ringannu iupungngu al᷊amonang kite. Ete i tou apan nanengkamma watti'a apan wiakka wuassu Ruata niapaasingkatta si ite.

WATTI'U MANGA RASUL 8:37

I Filipus nabbisara, “Amungkangngu i Tuangnga mangngimanna ringannu naungnga atonna, i Tuangnga wotongnge saṛṛanianna.” “I Ya'u mangngimanna manungku Mawu Yesus Kristus eteudde Ana'u Ruata,” unnu tembonanne wuassu Etiopia udde.]