YOHANES 6:63 - WUKE SUSI WATTI'U AL᷊AL᷊USASSA

⁶³ Apan maawiakka taumata eteudde Ghaṛṛahon Ruata. Atatohassu taumata tawe gunane. Manga wisara apan niwisara-U si yamiu indi eteudde wisara Ghaṛṛahon Ruata wuṛṛu manga wisara apan mangngonggolu wiakka.

YOHANES 6:63 Iomraidhean Croise

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

DARALO 119:130

Napawe ital᷊a'a, al᷊aṛṛang-Ngu mangngonggolu asasemakka, mangonggolu pasasunna su taumata wiasa.

DARALO 119:50

Eteindi apan maal᷊imbatta si ya'u sulal᷊ummu asasusa'u manungku paaire-Nu udde mangngonggolu wiakka si ya'u.

DARALO 119:93

Sarangkal᷊o'enge i ya'u tawe mapanantangu parenta-Nu, ana waugu ringannu udde I'o namiakka si ya'u.

AMSAL 4:13

Paanaungete sidutu al᷊aṛṛa'a apan buatte nisengkammu wuassia'u. Pal᷊u'are udde mapia-pia, ana waugu ringannu al᷊aṛṛa'a udde pabbiaṛṛannu pia hessine.

YOHANES 5:21

Iamangnga udde mapaawangunnu taumata nate, wuṛṛu mangngonggolu wiakka tutune wuṛṛu mal᷊annu-l᷊annu; aroddi lai Ana'a mangngonggolu wiakka tawe panginsueanne su taumata apan maapulu onggol᷊annu wiakka.

YOHANES 6:68

“Mawu,” wisaran Simon Petrus si Tou, “ringanni sai yami sarun inai? Wisara Mawu mangngonggolu wiakka tutune wuṛṛu saran mal᷊annu-l᷊annu.

WATTI'U MANGA RASUL 5:20

“Roote darisikka su Wal᷊e Mawu wuṛṛu pasingkata'a su taumata su ola'u wiakka apan wakku indi.”

ROMA 10:17

Ana waugu udde manga taumata mangngimante ana waugu i mangitou naaringikke watti'a, wuṛṛu watti'a niaringiṛṛana ana waugu pia taumata apan namasingkata su ola'i Kristus.

ROMA 2:25

Amungkangngu i'o matuṛṛutta titan agama Yahudi, ne i'o apan buatte nissunatta udde pia gunane lai. Arawe amungkangngu i'o tawe ninumaramma tuttuṛṛutta manga inolaanna apan iradolokka sulal᷊ummu tita udde ne sunatta udde tawe gunane saran kadio'a.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

1 KORINTUS 15:45

Sulal᷊ummu Wuke Susi uawoṛṛetta arendi, “Taumata paarorone eteudde Adam, naola'a riadianna apan wiakka,” arawe Adam panginsueanne eteudde Ghaṛṛaho apan mangngonggolu wiakka.

GALATIA 5:25

Ghaṛṛahon Duata buatte nangonggola si ite wiakka apan wakku; ana waugu udde ete i Tou lai ṛinone mangatokku wiakki ite.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

GALATIA 6:15

Nisunatta ara'e tawe nisunatta udde tawe maola'a hatto. Apianne eteudde maola'a taumata wakku.

TAHIUL᷊E 32:47

Al᷊aṛṛa'a udde wal᷊inewe manga wisara wawahia, ewe'e udde maawiakka sio. Paatuṛṛutte su anambon parenta udde, tadea'u uukka mal᷊o'engnga su wanua apan tate mal᷊annu lai atanaanni yamiu su samba'an Sal᷊ukku Yordan.”

1 TESALONIKA 2:13

Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

1 PETRUS 1:23

Ana waugu wuassu ṛengetannu Ruata apan wiakka wuṛṛu awasa udde, i yamiu suete niola'a taumata wakku apan wal᷊ine inariadianne wuassu taumata, ewe'e wuassu Mawu Iamangnga apan awasa.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

1 PETRUS 3:21

Ne riadianna udde naola'a sambau sasumandinga wuassu sasaṛṛani apan orassa indi mannal᷊amatta si yamiu. Sasaṛṛani indi wal᷊ine sambau lal᷊agu ipammaresi wadanga wuassu anambon luhuda, ewe'e maola'a sambau paairenu su Ruata wuassu lal᷊ummu naungnga apan mapia. Sasaṛṛani udde mannal᷊amatta si yamiu ana waugu Yesus Kristus suete nabbiakka apia wuassu papate,