YOHANES 6:44 - WUKE SUSI WATTI'U AL᷊AL᷊USASSA

⁴⁴ Tawe saran sangkatou maaranta ringang-Ku, amungkangngu Iamangnga apan nandolo-U tawe mangapiddi tou ringang-Ku; wuṛṛu isai apan rumanta, sarun Ta'u iapaasengkengnga su Allong Kiamatta.

YOHANES 6:44 Iomraidhean Croise

ANTARI MAWANTUGA 1:4

Pandiahite i ite, ore ratu'u, apira'e i ya'u sulal᷊ummu wabbo'anu. Ana waugu I'o i yami sarangkanambone lullassa, wuṛṛu maddalo darangngunu nilumebbe wuassu anggore; naṛṛinote manga maṛṛuala maapulunu!

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

HOSEA 11:4

Ringannu al᷊awo'u darangngu-U, i Tou Ta'u niundani ringang-Ku. Al᷊awo'u asasusane Ta'u niapaṛṛanna, wuṛṛu ringannu awawawon naungngi tou Ta'u nionggol᷊annu anna.

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

YOHANES 12:32

Arawe i Ya'u indi, amungkangngu i Ya'u suete niruitta su wowon runia, i Ya'u sarun mamago anambon taumata rumanta ringang-Ku.”

YOHANES 5:44

Ereapa i yamiu wotongnge apangimananna, amungkangngu i yamiu maddea'a daralo wuassu sansul᷊ungngu taumata, wuṛṛu tawe mappandumma maddea'a daralo wuassu Ruata apan Tinggassa?

YOHANES 6:43

See Mawu Yesus nabbisara si mangitou, “Arie passawutulla.

YOHANES 6:45

Sulal᷊ummu Wuke Manga Nabi uawoṛṛetta arendi, ‘Anambon taumata sarun tantiroannu Ruata.’ Nariaddi anambon taumata apan madaringikka Iamangnga wuṛṛu mangngurumma wuassi Tou, rumanta ringang-Ku.

YOHANES 6:65

See Mawu Yesus nabbisara apia, “Ana waugu udde i Ya'u mamasingkatta si yamiu manungku tawe saran sangkatou apan maaranta ringang-Ku, amungkangngu Iamangnga tawe mamala.”

YOHANES 8:43

Anio i yamiu tawe maasunna apa iwabal᷊o-U? Ana waugu i yamiu tawe maataṛṛangnga maddaringikka al᷊aṛṛa-U.

FILIPI 1:29

Ana waugu Ruata suete nangonggolu al᷊amatta si yamiu, wal᷊ine tumba'u ipangimanna si Kristus, arawe lai matataṛṛangnga asasusa ana waugu Kristus.

KOLOSE 2:12

Ana waugu su tempo i yamiu nissaṛṛani, yamiu nilabbingnga su sambau ringanni Kristus; wuṛṛu ringannu sasaṛṛani udde lai yamiu niapaawiakka apia su sambau ringanni Kristus ana waugu i yamiu mangngimanna taṛṛinon Duata apan suete napaawiakki Kristus wuassu papate.