YOHANES 6:28 - WUKE SUSI WATTI'U AL᷊AL᷊USASSA

²⁸ See i mangitou naiwal᷊o si Tou, “I yami ṛinone ma'ola'a apa tadea'u maatuṛṛutta apulun Ruata?”

YOHANES 6:28 Iomraidhean Croise

YEREMIA 42:20

manungku i yamiu buatte na'ola'a sambau pasasal᷊a apan wahewalla. I yamiu sussal᷊ande tadea'u i ya'u umal᷊iomanna su Mawu Ruatang kite hunang kamiu, wuṛṛu i yamiu naddiandi mapaamattu sarangkanambone apan niwisara Mawu.

MATIUS 19:16

Su sambau allo sangkatou esakka nirumanta ringannu Mawu Yesus, “Iamangnga Huru,” unni tou, “pallal᷊agu mapia ereapa sarun ta'u olaanna tadea'u maatarimmattu wiakka tutune wuṛṛu ma'oman sara mal᷊annu-l᷊annu?”

LUKAS 10:25

Wua'udde sangkatou hurun agama nirumanta maddea'a mapaasal᷊a Mawu Yesus. I tou naiwal᷊o, “Iamangnga Huru, apa sarun ta'u manaranna tadea'u wotongnge maasengkamma wiakka tutune wuṛṛu mal᷊annu-l᷊annu?”

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

YOHANES 6:29

Mawu Yesus sinumimbakka, “Ete indi apan ipa'apulun Ruata wuassi yamiu: pangimante si Tou apan nirolokku Ruata.”

WATTI'U MANGA RASUL 16:30

Wua'udde i tou nangapiddi tarua sinumabangnga wuṛṛu nabbisara, “Manga mawu, apa ṛinone ta'u olaanna tadea'u i ya'u masal᷊amatta?”

WATTI'U MANGA RASUL 2:37

Napawe manga taumata udde naaringikka olangnge udde, naungngi mangitou u'ambul᷊isada. See i mangitou naiwal᷊o si Petrus wuṛṛu manga rasul apan baine, “Manga tuṛṛangnga apa ṛinone olaanni yami?”

WATTI'U MANGA RASUL 9:6

Arawe orassa indi darisikke wuṛṛu suttate su soa. Isudde sarun iapaasingkatta si'o apa apan sarun manarannu.”

TAHIUL᷊E 5:27

Ana waugu udde, roote Musa, daringiṛṛete al᷊awo'u wisaran Mawu Ruatan kite, ana see pasingkata'e si yami wisara apan niapasingkatu Mawu udde si'o. Yami sarun maddaringikka wuṛṛu tumuṛṛutta.’