YOHANES 6:26 - WUKE SUSI WATTI'U AL᷊AL᷊USASSA

²⁶ Mawu Yesus sinumimbakka, “Atonna i yamiu madde'a si Ya'u wal᷊inewe ana waugu i yamiu naasunnate pandumannu manga al᷊arindu'a apan Ta'u niola'a, arawe ana waugu i yamiu suete inumanna na'oman sara nal᷊aidda.

YOHANES 6:26 Iomraidhean Croise

DARALO 78:37

I mangitou tawe tumuṛutta si Tou, wuṛṛu tawe uaagassa su paaire-Ne.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

YOHANES 3:3

Mawu Yesus sinumimbakka, “Pangimante, tawe saran sangkatou apan botongnge maola'a lal᷊oṛṛon araratuannu Ruata, amungkangngu i tou tawe iasungkangnga apia.”

YOHANES 3:5

Mawu Yesus sinumimbakka, “Atonna-tonna wisara'U indi: amungkangngu taumata tawe iasungkangnga wuassu ua'e wuṛṛu Ghaṛṛahon Ruata, taumata udde tawe mawal᷊i su reengannu walahannu Ruata.

YOHANES 6:14

Napawe taumata nambo udde naasilo al᷊aṛṛindu'a apan niola'u Mawu Yesus, i mangitou nabbisara, “Atonna, ete indi Nabi apan a'antimanna rumanta su runia!”

YOHANES 6:15

Mawu Yesus masingkatte i mangitou nirumanta tuddane mamata'i Tou maola'a ratu mangitou. Ana waugu udde i Tou inaite nassal᷊iu watukku wageangnge pia wuidda.

YOHANES 6:2

Napawe na'omate poiaroddi, manambote taumata uatantalongnga si Tou ana waugu i mangitou suete naasilo manga al᷊aṛṛindu'a apan niolang-Nge ringannu napaapian taumata marada'a.

YOHANES 6:24

Napawe taumata nambo udde naasilo manungku mawae Mawu Yesus ara'e mallal᷊aṛṛenggen-Ne tawe isudde, i mangitou sinuma'ete manga salaanna udde wuṛṛu inaite watukku Kapernaum maddea'a Mawu Yesus.

YOHANES 6:30

“Amungkangngu aroddi,” unni mangitou, “tatiala apa apan ionggolli Iamangnga tadea'u i yami maasilo wuṛṛu mangngimanna Iamangnga? Apa apan sarun olaannu Iamangnga?

YOHANES 6:36

“Arawe ere sueten Ta'u niapaasingkatta si yamiu, salaiwe i yamiu suete naasilo si Ya'u, i yamiu tawe mangngimanna.

YOHANES 6:47

Paanaunge: Taumata apan mangngimanna, maatahuanna wiakka tutune wuṛṛu saran mal᷊annu-l᷊annu.

YOHANES 6:53

See Mawu Yesus nabbisara si mangitou, “Pangimante: Amungkangngu i yamiu tawe umanna ṛemessu Ana'u Taumata wuṛṛu ma'inumma raṛṛa-Ne, i yamiu atonna-tonna tawe mabbiakka.

YOHANES 6:64

Arawe pia lai su wallatti yamiu apan tawe mangngimanna.” (Mawu Yesus massingkatte ro'en paarorone isai-sai apan tawe mangngimanna wuṛṛu isai-sai sarun mamate si Tou.)

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

FILIPI 2:21

Sarangkanambone apan waine tumba'u maṛṛingiddu watanganne sassane, wal᷊ine hunan Yesus Kristus.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

1 TIMOTIUS 6:5

wuṛṛu pasase'etta apan tawe masue. Lal᷊annu ṛingiddu manga taumata udde nial᷊iwunete wuṛṛu nassal᷊ate. I mangitou massunna manungku wotongnge maala wuassu agama.