YOHANES 6:22 - WUKE SUSI WATTI'U AL᷊AL᷊USASSA

²² Su allo tiṛṛabbine taumata nambo apan ta'e uatana'a su samba'an rano, natutukka manungku tanginna tumba'u pia sangngassa saalanna poiaroddi. I mangitou masingkatta manungku manga mallal᷊aṛṛenggennu Mawu Yesus nassenggotte ringannu saalanna udde, arawe Mawu Yesus tawe naṛṛundinganna.

YOHANES 6:22 Iomraidhean Croise

MATIUS 14:22

Wua'udde Mawu Yesus nandolokku manga mallal᷊aṛṛenggen-Ne sinuma'e saalanna wuṛṛu malliu ṛoro su samba'an dano, tantal᷊anna udde i Tou nandolokku taumata nambo udde niapaapul᷊e.

MARKUS 6:45

Wua'udde ringannu mal᷊ihakka Mawu Yesus nandolokku mallal᷊aṛṛenggen-Ne nassenggotte ringannu saalanna malliu ṛoro si Tou su Betsaida su samba'an dano, tantal᷊anna i Tou nandolokku taumata nambo udde niapaapul᷊e.

YOHANES 6:2

Napawe na'omate poiaroddi, manambote taumata uatantalongnga si Tou ana waugu i mangitou suete naasilo manga al᷊aṛṛindu'a apan niolang-Nge ringannu napaapian taumata marada'a.