YOHANES 6:2 - WUKE SUSI WATTI'U AL᷊AL᷊USASSA

² Napawe na'omate poiaroddi, manambote taumata uatantalongnga si Tou ana waugu i mangitou suete naasilo manga al᷊aṛṛindu'a apan niolang-Nge ringannu napaapian taumata marada'a.

YOHANES 6:2 Iomraidhean Croise

MATIUS 12:15

Mawu Yesus masingkatte manungku manga taumatan Farisi udde pia ṛingiṛṛanna lal᷊eo su ririn i Tou. Nariaddi Tou inaite wuassu tampa udde wuṛṛu manambo taumata uatantalongnga si Tou. See i Tou napaapia manga taumata apan maradda'a.

MATIUS 13:2

Manambo atonna taumata uaammulla mamal᷊iwutta Mawu Yesus, ana waugu udde i Tou inaite inuma'ianna su saalanna, arawe taumata nambo udde pasirarisikka su apanne.

MATIUS 14:14

Su tempo Mawu Yesus nilumintukka wuassu saalanna wuṛṛu naasilote taumata manambo udde, i Tou inumakkanni mangitou. See i Tou napaapian manga taumata maradda'a su wallatti mangitou.

MATIUS 8:1

Mawu Yesus sinumossokke wuassu wuidda, wuṛṛu manambo taumata uatantalongnga si Tou.

MARKUS 1:45

Arawe taumata udde inaite, wuṛṛu mangke tawe illol᷊one mabatti'u inolaanna udde su al᷊awo'u tampa, na'oman sara Mawu Yesus tate naasutta su soa ringannu mal᷊uassa. I Tou tumba'u uatana'a su liuddu soa su tampa apan mal᷊annaba. Arawe taumata sidutu lai rudanta ringanni Tou wuassu al᷊awo'u tampa.

MARKUS 6:33

Arawe manambo taumata naasilo si mangitou nanantangngu tampa udde, wuṛṛu masingkatta lai isai i mangitou. Nariaddi, wuassu al᷊awo'u soa su wageangngu leta'a udde, manga taumata tuttal᷊angnga wuassu ammaranne malliu ṛoro Mawu Yesus wuṛṛu mallal᷊aṛṛenggen-Ne.

YOHANES 11:47

Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!

YOHANES 12:18

Ana waugu udde taumata nambo inaite ringannu Mawu Yesus ana waugu i mangitou naaringikka manungku ete i Tou apan na'ola'a al᷊aṛṛindu'a udde.

YOHANES 12:37

Salaiwe manambote al᷊aṛṛindu'a apan niola'u Mawu Yesus su saruanni mangitou, i mangitou tawe lai mangngimanna si Tou.

YOHANES 2:11

Eteudde al᷊aṛṛindu'a paarorone apan niola'u Mawu Yesus. I Tou na'ola'a udde su wanua Kana su Galilea. Ringannu tanda udde i Tou mapaal᷊iatta'u awawantu-Ge. Ne mallal᷊aṛṛenggen-Ne nangimante si Tou.

YOHANES 2:23

Tantal᷊anna Mawu Yesus ta'e su Yerusalem, su tempon Rameam Paskah, manambo taumata mangngimanna si Tou ana waugu manga al᷊aṛṛindu'a apan suete niolang-Nge.

YOHANES 20:30

Ta'e manambo lai manga al᷊aṛṛindu'a waine apan suete niola'u Mawu Yesus su saruannu manga mallal᷊aṛṛenggen-Ne, arawe tate nawoṛṛeta sulal᷊ummu wuke indi.

YOHANES 3:2

Su sambau ṛabbi i tou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga nirolokku Ruata. Ana waugu tawe saran sangkatou apan wotongnge ma'aola'a tanda ma'aṛṛindu'a ere niola'u Iamangnga, amungkangngu Ruata tawe uaṛṛundinganna si tou.”

YOHANES 6:14

Napawe taumata nambo udde naasilo al᷊aṛṛindu'a apan niola'u Mawu Yesus, i mangitou nabbisara, “Atonna, ete indi Nabi apan a'antimanna rumanta su runia!”

YOHANES 6:22

Su allo tiṛṛabbine taumata nambo apan ta'e uatana'a su samba'an rano, natutukka manungku tanginna tumba'u pia sangngassa saalanna poiaroddi. I mangitou masingkatta manungku manga mallal᷊aṛṛenggennu Mawu Yesus nassenggotte ringannu saalanna udde, arawe Mawu Yesus tawe naṛṛundinganna.

YOHANES 6:26

Mawu Yesus sinumimbakka, “Atonna i yamiu madde'a si Ya'u wal᷊inewe ana waugu i yamiu naasunnate pandumannu manga al᷊arindu'a apan Ta'u niola'a, arawe ana waugu i yamiu suete inumanna na'oman sara nal᷊aidda.

YOHANES 6:30

“Amungkangngu aroddi,” unni mangitou, “tatiala apa apan ionggolli Iamangnga tadea'u i yami maasilo wuṛṛu mangngimanna Iamangnga? Apa apan sarun olaannu Iamangnga?