YOHANES 5:30 - WUKE SUSI WATTI'U AL᷊AL᷊USASSA

³⁰ “I Ya'u tawe mapa'ola'a manga apa wuassu apulu-U sassane. I Ya'u tumba'u makkuungnga wuassu parentan Ruata. Wuṛṛu i Ya'u maṛṛawessa tawe sal᷊ane, ana waugu i Ya'u tawe tumuṛṛutta apulu-U sassane, arawe apulun Iamangnga apan nandolo-U.

YOHANES 5:30 Iomraidhean Croise

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

DARALO 96:13

Ana waugu Mawu rumanta mamarenta su runia, i Tou sarun makkuungngu manga walahanna ringannu atatul᷊idda tawe mangempe.

YESAYA 28:6

Mawu sarun mangonggollu apendamma matul᷊idda su manga mallaṛṛuungnga, wuṛṛu awawaṛṛani su manga taumata apan uamanara mandiaga soa wuassu pangalo.

ZEFANYA 3:15

Ana waugu Mawu nangillol᷊ote makkuumanni yamiu; i Tou buatte nallimbuakka al᷊awo'u seennu. I yamiu lal᷊u'arannu ratun Israel, Mawunu sassane. Orassa indi i yamiu ariete mata'utta apia.

MATIUS 26:39

Wua'udde Mawu Yesus inaite marau addio'a, see i Tou inumal᷊intuda su leta'a wuṛṛu inumal᷊iomanna. “Iamangnga,” wisara-Ne, “amungkangngu wotongnge, paaraua'a wuassia'u asasusa apan maṛṛia'a si Ya'u indi. Arawe arie tumuṛṛuttu apulu-U, arawe tumuṛṛuttu apulun Iamangnga sassane.”

YOHANES 14:10

Filipus! I'o tawe mangngimanna, manungku i Ya'u su sambau ringannu Iamangnga, wuṛṛu Iamangnga su sambau ringang-Ku? Apa niwisara-U si'o, tawe niwisara-U wuassu wadang-Ku sassane. Iamangnga apan sidutu su sambau ringang-Ku ete i Tou apan nammanara sarangkanambone udde.

YOHANES 17:4

I Ya'u suete namantuga Iamangnga su wowon dunia indi ringannu nanginsue manara apan nirolokku Iamangnga si Ya'u.

YOHANES 18:11

Ne Mawu Yesus nabbisara si Petrus, “Sutta'a apia hal᷊elenu su romane! Apa i'o maṛṛingidda i Ya'u tawe maainumma ua'en asasusa apan nionggolu Iamangnga si Ya'u?”

YOHANES 4:34

See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.

YOHANES 5:19

Mawu Yesus sinumimbakka su manga taumata udde arendi, “Pangimante, Ana'a tawe mapa'ola'a al᷊awo'u inolaanna ringannu taṛṛino-Ne sassane. I Tou tumba'u maaola'a apa apan niasiloanni Tou niola'u Iamang-Nge. Ana waugu apa apan niola'u Iamangnga, udde lai a'olaannu Ana'a.

YOHANES 6:38

Ana waugu i Ya'u nirumanta wuassu surga, wal᷊ine ma'ola'a apulu-U sassane, ewe'e apulun Tou apan nandolo-U.

YOHANES 8:28

Ana waugu udde Mawu Yesus nabbisara si mangitou, “Ṛaddoi amungkangngu i yamiu suete nanduittu Ana'u Taumata, i yamiu sarun maasingkatta manungku ‘ete i Ya'u i Tou apan isassago I YA'U INDI’, wuṛṛu i yamiu sarun maasingkatta manungku tawe saran sambau apan a'olaang-Ku wuassu riri-U sassane. I Ya'u tumba'u mamasingkattu apa apan niaṛṛa'u Iamangnga si Ya'u.

YOHANES 8:42

See Mawu Yesus nabbisara si mangitou, “Unnu wisara Ruata udde Iamangngu, i yamiu sarun mandangngu si Ya'u, ana waugu i Ya'u nirumanta wuassu Ruata. I Ya'u tawe nirumanta ringannu apulu-U sassane, arawe ete i Tou apan nanadolo-U.

YOHANES 8:50

I Ya'u tawe maddea'a awawantugu riri-U sassane. Pia sangkatou apan maddea'a awawantu-U, wuṛṛu tumba'u i Tou apan mammarikissa.

ROMA 15:3

Ana waugu Kristus lai tawe maṛṛingiddu al᷊al᷊uassu riri-Ne sassane. Sulal᷊ummu Wuke Susi uawoṛṛetta arendi, “Al᷊awo'u al᷊uandaga apan nipangal᷊uandaga si'o, naṛṛia'e si ya'u.”

ROMA 2:2

I ite masingkata manungku amungkangngu Ruata maṛṛuumannu manga taumata apan inolaanne ereudde, apan niola'u Ruata udde tawe sal᷊ane.

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.