YOHANES 5:26 - WUKE SUSI WATTI'U AL᷊AL᷊USASSA

²⁶ Ere lai Iamangnga sassane punnu wiakka, i Tou na'ola'a Anang-Nge lai punnu wiakka.

YOHANES 5:26 Iomraidhean Croise

DARALO 36:9

I mangitou nal᷊aiddu anna su Wal᷊en-Nu, ringannu ua'e wuassu sal᷊ukku Mawu apan maatohassa.

DARALO 90:2

Ro'en manga wowone taambe niola'a, ro'en leta'a wuṛṛu runia taambe niriaddi-Nu, ete I'o Ruata apan sarangkal᷊o'engnge, tawe panattaṛṛanne wuṛṛu tawe pangudusanne.

SASABANGNGA 3:14

Unnu Ruata, “I Ya'u eteudde I YA'U INDI. Eteindi apan iwisaranu su balahannu Israel, i Tou apan isassaggo I YA'U INDI, buatte nandolo'u ringanni yamiu.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

YOHANES 1:4

Ṛengetanna udde punnu wiakka, wuṛṛu wiakka udde mannemakka taumata.

YOHANES 10:18

Tawe saran sangkatou wotongnge mangaṛṛo wuassia-U. I Ya'u manantilla wuassu apulu-U sassane. I Ya'u uataṛṛino manantilla, wuṛṛu uataṛṛino mangul᷊e apia. Eteudde manara apan Ta'u sinengkakama wuassu Iamang-Ku.”

YOHANES 11:25

“Ete i Ya'u apan mangngonggolu wiakka wuṛṛu mapaawangunnu taumata nate,” wisara Mawu Yesus si Marta. “Taumata apan mangngimanna si Ya'u sarun mabbiakka, salaiwe i tou natete.

YOHANES 11:26

Wuṛṛu taumata wiakka apan mangngimanna si Ya'u sarangkal᷊o'engnge, i tou tawe mate. Mangngimannawe i'o su olangnge udde?”

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

YOHANES 6:57

Iamangnga apan wiakka udde, nandolo-U wuṛṛu i Ya'u lai mabbiakka sulal᷊ummu Iamangnga. Aroddi lai taumata apan umanna ṛeme-U sarun mabbiakka wuassia-U.

YOHANES 8:51

Mangke atonna wisara-U indi, taumata apan tuttuṛṛutta wisara-U, tawe mate saran mal᷊annu-l᷊annu.”

WATTI'U MANGA RASUL 17:25

I Tou lai tawe madorongnga tul᷊unganna su taumata, ana waugu ete i Tou apan mangngonggolu wiakka wuṛṛu sasangngo wuṛṛu manga al᷊awo'a su taumata.

1 KORINTUS 15:45

Sulal᷊ummu Wuke Susi uawoṛṛetta arendi, “Taumata paarorone eteudde Adam, naola'a riadianna apan wiakka,” arawe Adam panginsueanne eteudde Ghaṛṛaho apan mangngonggolu wiakka.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

SONDAPPA 22:1

Mala'ekatta udde namantingida si ya'u sal᷊ukka apan ua'ene mangngonggolu wiakka. Sal᷊ukka udde sussal᷊endapa naal᷊ihidda kristal wuṛṛu mangngelekka wuassu adderan araratuannu Ruata wuṛṛu Ana'u Domba udde,

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”