YOHANES 5:21 - WUKE SUSI WATTI'U AL᷊AL᷊USASSA

²¹ Iamangnga udde mapaawangunnu taumata nate, wuṛṛu mangngonggolu wiakka tutune wuṛṛu mal᷊annu-l᷊annu; aroddi lai Ana'a mangngonggolu wiakka tawe panginsueanne su taumata apan maapulu onggol᷊annu wiakka.

YOHANES 5:21 Iomraidhean Croise

1 MARARATU 17:21

Wua'udde paatallu i Elia nirumarammanga su ana'a udde, lapiddu u'al᷊iomanna, “Oh Mawu, Ruata'u, sal᷊andeanna pasangngoa'awe ana'a indi!”

2 MARARATU 5:7

Napawe ratun Israel naawasan suratta udde, i tou nanggesa'a launge ana waugu sussinggawanga, lapiddu nabbisara, “Nasilakate, anio ratun Siria udde madoronga i ya'u mangundamma taumata indi? I ya'u wal᷊ine Ruata apan uatahuanna taṛṛino mapawiakka ara'e mamate taumata! Asinungka ratun Siria udde tumba'u maddea'a ngal᷊e si ya'u!”

YOHANES 11:25

“Ete i Ya'u apan mangngonggolu wiakka wuṛṛu mapaawangunnu taumata nate,” wisara Mawu Yesus si Marta. “Taumata apan mangngimanna si Ya'u sarun mabbiakka, salaiwe i tou natete.

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

YOHANES 6:63

Apan maawiakka taumata eteudde Ghaṛṛahon Ruata. Atatohassu taumata tawe gunane. Manga wisara apan niwisara-U si yamiu indi eteudde wisara Ghaṛṛahon Ruata wuṛṛu manga wisara apan mangngonggolu wiakka.

WATTI'U MANGA RASUL 26:8

Anio manga tuṛṛangnga manga taumatan Yahudi tawe mangngimanna manungku Ruata mapaawiakku taumata nate apia?

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

1 KORINTUS 15:45

Sulal᷊ummu Wuke Susi uawoṛṛetta arendi, “Taumata paarorone eteudde Adam, naola'a riadianna apan wiakka,” arawe Adam panginsueanne eteudde Ghaṛṛaho apan mangngonggolu wiakka.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.