YOHANES 5:19 - WUKE SUSI WATTI'U AL᷊AL᷊USASSA

¹⁹ Mawu Yesus sinumimbakka su manga taumata udde arendi, “Pangimante, Ana'a tawe mapa'ola'a al᷊awo'u inolaanna ringannu taṛṛino-Ne sassane. I Tou tumba'u maaola'a apa apan niasiloanni Tou niola'u Iamang-Nge. Ana waugu apa apan niola'u Iamangnga, udde lai a'olaannu Ana'a.

YOHANES 5:19 Iomraidhean Croise

PANDARIADDI 1:1

Su al᷊amonane, su tempo Ruata nanattakke mandiaddi ul᷊ilin pati'uppa,

PANDARIADDI 1:26

Wua'udde Ruata nabbisara, “Orassa indi i ate ma'ola'a taumata ere lihiddi Ite wuṛṛu nassul᷊ungngi Ite. I mangitou sarun uataṛṛino manga inassa, manga manu'u winalanganna, wuṛṛu al᷊awo'u winatangnga waine, mawae ete maṛṛaro aroddi lai matengnga, mapia ete wahewalla aroddi lai maradio'a.”

DARALO 138:3

Sutempo i ya'u sussal᷊ande Si'o, I'o sinumimbakka, I'o nanohassa naungku na'oman sara i ya'u nabbal᷊i waṛṛani.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

DARALO 50:6

Langitta mammasingkatta manungku Ruata nakkuungngu al᷊aṛṛanang-Nge, wuṛṛu manungku i Tou sassane mallaṛuungnge.

SASABANGNGA 4:11

Mawu nabbisara si tou, “Isai apan nagonggolu moṛṛongnga su taumata? Isai apan na'ola'a si tou mou ara'e wengella? Isai na'ola'a si tou alla ara'e wuta? Wal᷊inewe i Ya'u, Mawu?

AMSAL 2:6

Tumba'u Mawu apan mangonggollu asingkatta; ete wuassi Tou taumata maasomba apande wuṛṛu pasasunna.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

MATIUS 26:39

Wua'udde Mawu Yesus inaite marau addio'a, see i Tou inumal᷊intuda su leta'a wuṛṛu inumal᷊iomanna. “Iamangnga,” wisara-Ne, “amungkangngu wotongnge, paaraua'a wuassia'u asasusa apan maṛṛia'a si Ya'u indi. Arawe arie tumuṛṛuttu apulu-U, arawe tumuṛṛuttu apulun Iamangnga sassane.”

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

YOHANES 10:18

Tawe saran sangkatou wotongnge mangaṛṛo wuassia-U. I Ya'u manantilla wuassu apulu-U sassane. I Ya'u uataṛṛino manantilla, wuṛṛu uataṛṛino mangul᷊e apia. Eteudde manara apan Ta'u sinengkakama wuassu Iamang-Ku.”

YOHANES 12:49

Ana waugu i Ya'u tawe mabbisara wuassu apulu-U sassane; Iamangnga apan nanadolo-U, ete i Tou apan namarenta si Ya'u apa apan Ta'u iwisara wuṛṛu iapaasingkatta.

YOHANES 12:50

Wuṛṛu i Ya'u masingkatta manungku parenta-Ne udde mangngonggolu wiakka tutune wuṛṛu saran mal᷊annu-l᷊annu. Ne i Ya'u lai namasingkatta ere lai niaṛṛa'u Iamangnga si Ya'u.”

YOHANES 14:10

Filipus! I'o tawe mangngimanna, manungku i Ya'u su sambau ringannu Iamangnga, wuṛṛu Iamangnga su sambau ringang-Ku? Apa niwisara-U si'o, tawe niwisara-U wuassu wadang-Ku sassane. Iamangnga apan sidutu su sambau ringang-Ku ete i Tou apan nammanara sarangkanambone udde.

YOHANES 2:19

Mawu Yesus sinumimbakka, “Hohaṛṛa'a Wal᷊e indi, wuṛṛu sulal᷊ummu tallu allo i Ya'u sarun mapararisikka apia.”

YOHANES 3:3

Mawu Yesus sinumimbakka, “Pangimante, tawe saran sangkatou apan botongnge maola'a lal᷊oṛṛon araratuannu Ruata, amungkangngu i tou tawe iasungkangnga apia.”

YOHANES 5:21

Iamangnga udde mapaawangunnu taumata nate, wuṛṛu mangngonggolu wiakka tutune wuṛṛu mal᷊annu-l᷊annu; aroddi lai Ana'a mangngonggolu wiakka tawe panginsueanne su taumata apan maapulu onggol᷊annu wiakka.

YOHANES 6:38

Ana waugu i Ya'u nirumanta wuassu surga, wal᷊ine ma'ola'a apulu-U sassane, ewe'e apulun Tou apan nandolo-U.

YOHANES 8:28

Ana waugu udde Mawu Yesus nabbisara si mangitou, “Ṛaddoi amungkangngu i yamiu suete nanduittu Ana'u Taumata, i yamiu sarun maasingkatta manungku ‘ete i Ya'u i Tou apan isassago I YA'U INDI’, wuṛṛu i yamiu sarun maasingkatta manungku tawe saran sambau apan a'olaang-Ku wuassu riri-U sassane. I Ya'u tumba'u mamasingkattu apa apan niaṛṛa'u Iamangnga si Ya'u.

YOHANES 9:4

Tantal᷊anna ta'e allo, i ite ṛinone mammanara manaran Tou apan nandolo-U. Ṛabbi sarun dumanta, wuṛṛu tawe saran sangkatou apan wotongnge maapammanara.

WATTI'U MANGA RASUL 2:24

Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate.

ROMA 6:4

Ringannu sasaṛṛani udde i ite nilabingnga su sambau ringanni Kristus wuṛṛu nate suadio'a ringanni Tou, tadea'u su ereapa Kristus niapaawiakka wuassu papate, wuassu taṛṛinon Iamangnga apan mawantuga, aroddi lai i ite wotongnge maapendama wiakka apan wakku.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

1 KORINTUS 15:12

Amungkangngu iwabbatti'i yami eteudde manungku Kristus buatte niapaawiakka wuassu papate, anio pia wuassu wallatti yamiu mabbisara manungku taumata nate tawe iapaawiakka apia?

2 KORINTUS 4:14

I yami pia antimma manungku Ruata apan buatte napaawiakku Mawu Yesus, sarun mapaawiakki yami lai ringannu Mawu Yesus, wuṛṛu mangapiddi yamiu wuṛṛu i yami su saruan-Ne.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

EFESUS 2:5

na'oman sara su tempo i ite ta'e nate sulal᷊ummu ghaṛṛaho ana waugu manga lal᷊awangngi ite, i Tou napaawiakki ite apia su sambau ringanni Kristus. Nariaddi tumba'u apapia naungngu Ruata i yamiu naasomba asasal᷊amatta.

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

FILIPI 3:21

Wadangngi ite apan lome wuṛṛu wotongnge maṛṛenessa indi, sarun wal᷊uanni Kristus maola'a ere wadang-Nge sassane apan mawantuga. I Tou wotongnge ma'ola'a udde ana waugu I Tou uatahuanna taṛṛino mapassuṛṛubawan sarangkanambone.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

KOLOSE 1:11

Doronganna ringannu taṛṛinon Duata apan mawantuga, i yamiu tohasanna ma'oman sara i yamiu wotongnge matataṛṛanga ringannu sabbare wuṛṛu naungnga mal᷊uassa

KOLOSE 1:16

Ana waugu ete sulal᷊ummi Tou Ruata nandiaddi al᷊awo'u manga apa su surga wuṛṛu su wowon dunia, al᷊awo'u apa apan aasiloanna wuṛṛu apa apan tawe asiloanna, nasutta lai alawo'u ghaṛṛaho apan uataṛṛino wuṛṛu uaparenta. Ahewallu runia indi niola'a sulal᷊ummi Kristus wuṛṛu hunane si Kristus.

1 TESALONIKA 4:14

I ite mangngimanna manungku Mawu Yesus suete nate wuṛṛu nabbiakka apia. Ana waugu udde i ite mangngimanna lai manungku Ruata sarun mapaawiakku apia anambon taumata apan mangngimanna Mawu Yesus wuṛṛu apan natete, tadea'u i mangitou mabbiakka su sampunna ringanni Tou.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.