YOHANES 5:16 - WUKE SUSI WATTI'U AL᷊AL᷊USASSA

¹⁶ Wuṛṛu ana waugu udde i mangitou mannattakke mapaasusa Mawu Yesus ana waugu i Tou mapaapian taumata su allon Sabatta.

YOHANES 5:16 Iomraidhean Croise

MATIUS 12:13

Wua'udde Mawu Yesus nabbisarate taumata apan limane lome samba'a udde, “Ul᷊uṛṛa'e limanu.” Taumata udde nangul᷊ukken limane, see lima udde napiate ere lai limane samba'a.

MARKUS 3:6

Ne manga taumatan Farisi nanantangken wal᷊em pattataṛṛamawuanna udde see mal᷊iha-l᷊ihakka na'ire ringannu sire pira taumatan Herodes, pandumanne mamate Mawu Yesus.

LUKAS 6:11

Arawe manga hurun agama wuṛṛu manga taumatan Farisi udde nasa'u atonna, wuṛṛu nanattakke ma'ire su ola'u apa apan wotongnge olaanni mangitou su Mawu Yesus.

YOHANES 1:19

Manga piaṛṛa'u Yahudi su Yerusalem nandolokku manga imam wuṛṛu manga taumatan Lewi inai ringanni Yohanes wuṛṛu naiwal᷊o si tou, “I'o indi isai?”

YOHANES 10:39

I mangitou maddea'a lai manametta Mawu Yesus, arawe i Tou naatal᷊angnga wuassi mangitou.

YOHANES 15:20

Paanaunge wisara apan suete niwal᷊o-U si yamiu, ‘Allangnga tawe magewal᷊anna wuassu mawune.’ Amungkangngu i mangitou suete mamate si Ya'u, i mangitou sarun mamate si yamiu lai. Amungkangngu i mangitou tuttuṛṛutta al᷊aṛṛa-U, i mangitou sarun tumuṛṛutta al᷊aṛṛangngu lai.

YOHANES 5:10

Ana waugu udde manga tembonannu Yahudi nabbisara taumata apan wakkute napia udde, “Allo indi allon Sabatta. I'o tawe wotongnge mallapu wilannu.”

YOHANES 5:13

Arawe taumata apan napiate udde wagga isai taumatane, ana waugu Mawu Yesus nattingkawul᷊ite su wallattu taumata nambo isudde.

YOHANES 5:15

Ne taumata udde napul᷊ete see namasingkatta su tembonannu Yahudi manungku ete Mawu Yesus napaapian tou.

YOHANES 5:17

Arawe Mawu Yesus nabbisara si mangitou, “Iamang-Ku sidutu mammanara sara orassa indi, wuṛṛu i Ya'u lai mammanara.”

YOHANES 5:18

Manga wisara udde naaola'a manga tembonannu Yahudi mangke maddea'a mamate si Tou. I mangitou na'ola'a aroddi, wal᷊ine tumba'u ana waugu i Tou nilumawanna Titan agama su ola'u allon Sabatta, arawe ana waugu i Tou lai nabbisara manungku Ruata udde Iamang-Nge; atappasanne i Tou mannul᷊ungngu watangan-Ne ringannu Ruata.

YOHANES 7:21

Mawu Yesus sinumimbakka, “Tumba'u sambau manara Ta'u olaanna su allon Sabatta, wuṛṛu naaherangnga si yamiu.

YOHANES 7:25

Wua'udde pia manga pira taumatan Yerusalem mabbisara, “Wal᷊inewe indi taumatane apan tantal᷊anna raddeaanna pateanna?