YOHANES 4:9 - WUKE SUSI WATTI'U AL᷊AL᷊USASSA

⁹ Wawinen Samaria udde sinumimbakka, “Mawu taumatan Yahudi, i ya'u taumatan Samaria; anio Mawu madorongnga ma'inumma ua'e wuassia'u?” (Ana waugu taumatan Yahudi tawe padaramene su taumatan Samaria.)

YOHANES 4:9 Iomraidhean Croise

MATIUS 10:5

Sire mapul᷊o dua rasulle udde nirolokke Mawu Yesus ringannu tatantiro ereindi, “Imbaṛṛangnga inai su wageangngu leta'u manga taumata apan bal᷊ine Yahudi. Arie lai inai su manga soa taumatan Samaria.

LUKAS 10:33

Arawe wua'udde sangkatou taumata Samaria apan tantal᷊anna u'amatta, sinumabbi isudde. Napawe i tou naasilo taumata udde, naungnge nasusa wuṛṛu inumakkanna.

YOHANES 4:27

Su tempo udde manga mallal᷊aṛṛenggennu Mawu Yesus nabelengke. I mangitou tinumiangnga naasilo Mawu Yesus uahahatton sangkatou bawine. Arawe tawe saran sangkatou wuassu wallati mangitou apan naiwal᷊o wawine udde, “Inangnga mappandumma apa?” ara'e maiwal᷊o Mawu Yesus, “Anio Iamangnga uahahattom bawine udde?”

YOHANES 8:48

Manga taumatan Yahudi udde sinumimbakka Mawu Yesus, “Wal᷊inewe atonna wisarang kami manungku I'o taumatan Samaria apan niasuttannu setanna?”

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

WATTI'U MANGA RASUL 10:28

See i tou nabbisara si mangitou, “Manga tuṛṛangnga sassane masingkatta manungku taumatan Yahudi isassingadu agamane mattembo ara'e ma'ammulu manga taumata wuassu walahanna waine. Arawe Ruata suete namasingkatta si ya'u manungku i ya'u tawe wotongnge massunna taumata waine lal᷊eo wuṛṛu ipapalli.

WATTI'U MANGA RASUL 10:32

Nariaddi pandolokken taumata watukku Yope pamaggo taumata aranne i Simon Petrus, i tou tantal᷊anna uaintal᷊a su wal᷊en sangkatou mallal᷊aha pisi arannen Simon; wal᷊e udde su winggin tahal᷊oangnga.’