YOHANES 4:5 - WUKE SUSI WATTI'U AL᷊AL᷊USASSA

⁵ Ne na'omate Mawu Yesus su sambau soa su Samaria aranne Sikhar, tawe marau wuassu leta'a apan paarorone nionggolli Yakub su anangnge Yusuf.

YOHANES 4:5 Iomraidhean Croise

PANDARIADDI 33:19

Wadda'a tampan paddasananne udde niwallianne wuassu papapulunni Hemor, iamangngi Sikhem, ringannu arega maṛṛasutta roitta sal᷊a'a.

PANDARIADDI 48:22

Ete si'o, wuṛṛu wal᷊ine su manga tuṛṛangngu, i ya'u mangonggolu Sikhem, leta'a masuwukka udde apan buatte ta'u niaṛṛo wuassu taumatan Amori ringannu hal᷊ele wuṛṛu anaangku.”

1 MARARATU 13:32

Apa apan buatte niwisarane wuassu parentan Mawu su saruannu mezbah su Betel udde wuṛṛu su saruannu anambon tampa patataṛṛamawuanna su manga soan Samaria atonna sarun matipussa.”

LUKAS 9:52

Ne i Tou nandolokku taumata inai malliu ṛoro si Tou. Manga taumata apan nirolokka udde inaite, see sinumuttate su sambau ampungnga su Samaria tadea'u manaddia manga al᷊awo'a huna Mawu Yesus.

YOHANES 4:12

I Yakub, iamangngi yami al᷊amona, nanantillu paṛṛihi indi si yami. I tou sassane mangngal᷊appa ua'e wua isindi; aroddi lai manga al᷊aṛṛanangnge see manga winatangnge. Apa Mawu massunna manungku Mawu magewal᷊anna wuassi Yakub?”

YOHANES 4:39

Manambo taumatan Samaria tumana'u soa udde nangimanna Mawu Yesus, ana waugu wawine udde nabbisara, “I Tou nabbatti'a si ya'u al᷊awo'u inolaanna apan suete ta'u inola'a.”

YOHANES 4:6

Isudde pia paṛṛihin Yakub. Mawu Yesus nal᷊ol᷊ote u'amatta, ana waugu udde i Tou inuma'ianna su winggim paṛṛihi. Tempo udde iraṛṛangngo puulla mapul᷊o dua allattune,

YOSUA 24:32

Winal᷊unanni Yusuf apan niapiddu ṛuangannu Israel wuassu Mesir, nilabingnga su Sikhem su leta'a apan buatte niwallianni Yakub, aregane maṛṛasutta roitta sal᷊a'a wuassu al᷊aṛana'i Hemor, iamangngi Sikhem. Leta'a udde tinantilla su papapulunni Yusuf.