YOHANES 4:34 - WUKE SUSI WATTI'U AL᷊AL᷊USASSA

³⁴ See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.

YOHANES 4:34 Iomraidhean Croise

AYUB 23:12

Manga parentan Duata sidutu tattuṛṛutangku, apulu-Ne daringiṛṛangku, wuṛṛu wal᷊ine apulu'u sassane.

DARALO 40:8

Ana see i ya'u nabbisara, “Indete i ya'u, sulal᷊ummu lul᷊unnu wuke niwoṛetta si ya'u.

MATIUS 26:39

Wua'udde Mawu Yesus inaite marau addio'a, see i Tou inumal᷊intuda su leta'a wuṛṛu inumal᷊iomanna. “Iamangnga,” wisara-Ne, “amungkangngu wotongnge, paaraua'a wuassia'u asasusa apan maṛṛia'a si Ya'u indi. Arawe arie tumuṛṛuttu apulu-U, arawe tumuṛṛuttu apulun Iamangnga sassane.”

MATIUS 3:15

Arawe Mawu Yesus nisumimbakka, “Wala'e aroddi su orassa indi. Ana waugu ringannu aroddi i ite ma'ola'a al᷊awo'u apa apan ipaapulun Ruata.” Nariaddi Yohanes nanaṛṛanite Mawu Yesus.

MATIUS 9:19

Mawu Yesus dirumarisikke wuṛṛu inaite su sampunna ringannu mallal᷊aṛṛenggen-Ne mattuddan taumata udde.

LUKAS 15:10

Aroddi lai mala'ekattu Ruata lulluassa napawe pia sangkatou taumata lal᷊eo nawal᷊u wuassu manga rosane. Pangimante!”

LUKAS 19:10

Ana'u Taumata nirumanta maddea'a wuṛṛu manal᷊amatta taumata apan nial᷊iwune.”

LUKAS 2:49

Mawu Yesus sinumimbakka, “Anio iamangnga wuṛṛu inangnga maddea'a si Ya'u? Iamangnga wuṛṛu inangnga wagga manungku i Ya'u ṛinone su wal᷊en Iamang-Ku?”

YOHANES 17:4

I Ya'u suete namantuga Iamangnga su wowon dunia indi ringannu nanginsue manara apan nirolokku Iamangnga si Ya'u.

YOHANES 19:28

Mawu Yesus masingkatta manungku orassa udde sarangkanambone natipusse, wuṛṛu tadea'u apa apan uawoṛṛetta sulal᷊ummu Wuke Susi wotongngete mariaddi, i Tou nabbisara, “I Ya'u marou.”

YOHANES 19:30

Mawu Yesus naattemma ua'en anggore udde see nabbisara, “Nia'omante!” See nal᷊apute pua-Ne wuṛṛu natete.

YOHANES 4:32

Arawe Mawu Yesus sinumimbakka, “I Ya'u pia anna, apan awagananni yamiu.”

YOHANES 5:30

“I Ya'u tawe mapa'ola'a manga apa wuassu apulu-U sassane. I Ya'u tumba'u makkuungnga wuassu parentan Ruata. Wuṛṛu i Ya'u maṛṛawessa tawe sal᷊ane, ana waugu i Ya'u tawe tumuṛṛutta apulu-U sassane, arawe apulun Iamangnga apan nandolo-U.

YOHANES 5:36

Arawe tatiala-U magewal᷊anna wuassu tatialan Yohanes. Apa apan niola-U orassa indi, eteudde manara apan nianggillu Iamangnga si Ya'u, mattiala manungku Iamangnga suete nandolo-U.

YOHANES 6:33

Ana waugu roti apan nionggolu Ruata eteudde i Tou apan nirumanta wuassu surga wuṛṛu nangonggolu wiakku taumata su runia.”

YOHANES 6:38

Ana waugu i Ya'u nirumanta wuassu surga, wal᷊ine ma'ola'a apulu-U sassane, ewe'e apulun Tou apan nandolo-U.

YOHANES 8:29

Wuṛṛu i Tou apan nandolo-U indi su sambau ringang-Ku. I Tou tawe mamala-U sassane, ana waugu i Ya'u sidutu ma'ola'a inolaanna apan maal᷊uassa naung-Nge.”

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.