YOHANES 4:32 - WUKE SUSI WATTI'U AL᷊AL᷊USASSA

³² Arawe Mawu Yesus sinumimbakka, “I Ya'u pia anna, apan awagananni yamiu.”

YOHANES 4:32 Iomraidhean Croise

AYUB 23:12

Manga parentan Duata sidutu tattuṛṛutangku, apulu-Ne daringiṛṛangku, wuṛṛu wal᷊ine apulu'u sassane.

DARALO 119:103

Atemangngawe eteapa wisara-Nu, pendamanna mattemanganna wuassu pul᷊a!

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

DARALO 63:5

Su al᷊o'engngu pabbiaṛṛangku i ya'u maadiangkamanna Si'o; lima'u niwatte Si'o lapiddu u'al᷊iomanna.

AMSAL 14:10

Al᷊al᷊uassa ara'e asasusa sasahipunanna sulal᷊ummu naungnga; taumata waine tawe mamendamma su sampunna.

AMSAL 18:20

Su manga wisara apan buatte niwisara pia pangillul᷊eanna apan apendamanna.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

YOHANES 4:31

Tantal᷊anna udde manga mallal᷊aṛṛenggen-Ne nangahe Mawu Yesus umanna. “Iamangnga Huru,” unni mangitou, “sal᷊amatte umanna.”

YOHANES 4:33

Ne manga mallal᷊aṛṛenggen-Ne mannattake uaaiwal᷊o, “Apa pia taumata uaapiddu anni Tou?”

YOHANES 4:34

See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”