YOHANES 4:25 - WUKE SUSI WATTI'U AL᷊AL᷊USASSA

²⁵ Wawine udde nabbisara su Mawu Yesus, “I ya'u masingkatta Ratum Punnu Sal᷊amatta (apan isassago Kristus) sarun rumanta. Amungkangngu i Tou rumanta, i Tou sarun mamasingkattu al᷊awo'u watti'a si ite.”

YOHANES 4:25 Iomraidhean Croise

MATIUS 27:17

Nariaddi, su tempo taumata nambo na'ammulle, i Pilatus naiwal᷊o si mangitou, “Isai su apulun kamiu, ta'u ipallossa? Yesus Barabas ara'e Mawu Yesus apan isassaggo lai Kristus?”

MATIUS 27:22

“Amungkangngu aroddi, i ya'u ṛinone ma'ola'a apa su Mawu Yesus apan isassaggo Kristus?” aiwal᷊om Pilatus si mangitou. “Arussa'a i Tou!” sasimbakki mangitou sarangkanambone.

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

YOHANES 4:29

“Wette pa'ellega taumata apan suete namasingkatta si ya'u al᷊awo'u arariaddianna apan suete niola'u. Asinungka i Tou Ratum Punnu Sal᷊amatta?”

YOHANES 4:39

Manambo taumatan Samaria tumana'u soa udde nangimanna Mawu Yesus, ana waugu wawine udde nabbisara, “I Tou nabbatti'a si ya'u al᷊awo'u inolaanna apan suete ta'u inola'a.”

YOHANES 4:42

I mangitou nabbisara wawine udde, “Orassa indi yami mangngimanna, wal᷊inewe ana waugu wisaranu si yami, arawe ana waugu i yami sassane suete naaringikka si Tou, wuṛṛu masingkatta manungku i Tou atonna Punnu Sal᷊amattu Runia.”