YOHANES 4:22 - WUKE SUSI WATTI'U AL᷊AL᷊USASSA

²² I yamiu taumatan Samaria massubba apa apan awagananni yamiu, arawe i yami taumatan Yahudi massubba si Tou apan asingkatanni yami, waugu asasal᷊amatta darantane wuassu taumatan Yahudi.

YOHANES 4:22 Iomraidhean Croise

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

EZRA 4:2

Ana waugu udde i mangitou niasasomban Zerubabel wuṛṛu manga tembonannu wawosoanna, ana see nangusulle, “Walaaewe i yami suadio'a ma'ola'a Wal᷊en Mawu udde, ana waugu i yami lai mattaṛṛamawu su Ruatan manga tuṛṛangnga, ere lai manga tuṛṛangnga sarangkanambone. I yami sidutu mangngonggollu sasamba si Tou ro'en tempon Esar-Hadon, ratun Asyur nangapiddi yami inawarendi.”

DARALO 147:19

I Tou namasingkattu tanata-Ne su al᷊aṛṛanang-Nge, parenta-Ne wuṛṛu tita-Ne su taumata apan nipile-Ne.

DARALO 68:20

Paddalote Mawu, ana waugu ete i Tou Ruata apan nanal᷊amatta si ite; wuassu allo maddatingu allo i Tou uapasanna winabbawan kite.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

WATTI'U MANGA RASUL 17:23

Ana waugu su tempo i ya'u u'amatta mammal᷊iwutta soa atatanaannu wuṛṛu mannutukka manga tampam pangal᷊iomanannu, i ya'u naasilo lai sambau tampa pangangadoannu sasamba; su tampa udde uawoṛṛetta, ‘Ionggola su Ruata apan awagananna.’ E, Ruata apan sassubbanni yamiu udde awagananna, ete i Tou apan iwabatti'u si yamiu.

WATTI'U MANGA RASUL 17:30

Tempon awawodong kite suete tinimbul᷊ianannu Ruata, arawe orassa indi i Tou nandolokku taumata su ahewallu runia tadea'u mawal᷊u wuassu manga rosa mangitou.

WATTI'U MANGA RASUL 3:26

Ana waugu udde Ruata namile Allang-Nge, see nandolokki Tou nirumanta ringanni yamiu paarorone, tadea'u i Tou mangal᷊amatta si yamiu. Olangnge i Tou mangal᷊amatta eteudde na'ola'a manga tuṛṛangnga sarangkanambone nawal᷊u wuassu ola'u wiakki yamiu apan lal᷊eo.”

ROMA 11:18

Ana waugu udde ariete i yamiu mangngadio'a si mangitou apan buatte nitonto ere ranna udde. I yamiu ṛinone mannaungnga manungku i yamiu tumba'u rannane. Wuṛṛu wal᷊ine ranna apan mangngonggolu anna su ṛamunne, ewe'e ṛamutta apan mangngonggolu anna su rannane.

IBRANI 7:14

Anambon taumata masingkata manungku Mawung kite niarantanne wuassu walahanni Yehuda; wuṛṛu i Musa tawe saram paassa nanaggom walahanna udde su tempo i tou mabbisara su ola'u manga imam.