YOHANES 4:14 - WUKE SUSI WATTI'U AL᷊AL᷊USASSA

¹⁴ “arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

YOHANES 4:14 Iomraidhean Croise

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YESAYA 55:1

Mawu nabbisara, “Wette i yamiu sarangkanambone apan marou, pa'inumpe, ua'e nasaddiate. Rantate i yamiu apan tawe uatahuanna roitta, panengkampe gandumma apan tawe bawaekke, wuṛṛu ante! Anggore wuṛṛu susu nasaddiate, sengkampe ringannu tawe bawaekke.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

YEHEZKIEL 47:9

Suapan tampa sal᷊ukka indi mangngelekka, isudde lai sarun asangkal᷊anna al᷊awo'u hatin inassa wuṛṛu winatangnga waine. Ua'en Tahal᷊oangnga Nate sarun olaanne mabbal᷊i maammi, wuṛṛu suapan tampa ua'e udde mangngelekka, isudde sarun pia pabbawiakka.

IMAMATTA 11:36

Tabbene'e al᷊imatan kua'e ara'e paṛṛihi, al᷊awo'a waine mabbal᷊i ma'arantinna amungkangngu aeṛṛetannu winal᷊unanna.

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

MATIUS 5:6

Lal᷊umanna'a su taumata apan sidutu ma'ola'a apulun Ruata; Ruata sarun manuungngu apulu mangitou!

YOHANES 10:10

Taṛṛa ta'o rumanta tumba'u manna'o, mamate, wuṛṛu manggohakka. Arawe i Ya'u nirumanta tadea'u taumata maasomba wiakka – wiakka apan tawe masue.

YOHANES 11:26

Wuṛṛu taumata wiakka apan mangngimanna si Ya'u sarangkal᷊o'engnge, i tou tawe mate. Mangngimannawe i'o su olangnge udde?”

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

YOHANES 4:11

Wawine udde nabbisara, “Mawu tawe sasia, wuṛṛu paṛṛihi indi tumanite mal᷊al᷊umma. Wuassuapa Mawu maasomba ua'e apan wiakka udde?

YOHANES 4:13

“Taumata apan ma'inumma ua'e indi sarun marou apia,” wisara Mawu Yesus,

YOHANES 4:36

Taumata apan mangitingnga manattakke manengkamma lal᷊antakke wuṛṛu mangammulu wuane ipadea'a wiakka tutune wuṛṛu saran mal᷊annu-l᷊annu. Ne taumata apan nangasi'a wuṛṛu taumata apan mangngitingnga wotongnge lumuassa su sambau.

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

YOHANES 6:35

“Ete i Ya'u roti apan mangonggolu wiakka,” unni Mawu Yesus si mangitou. “Taumata apan rumanta ringang-Ku tawe amal᷊unusanna sarangkal᷊o'engnge. Wuṛṛu taumata apan mangngimanna si ya'u tawe marou lai sarangkal᷊o'engnge.”

YOHANES 6:58

Ete indi roti apan niumonto'a wuassu surga: wal᷊ine ere roti apan niannu iupungngu al᷊amonanu. Ana waugu napawe niumanna roti udde, i mangitou nate lai. Arawe taumata apan umanna roti indi sarun mabbiakka sarangkal᷊o'engnge.”

YOHANES 7:37

Su allo panginsueannu ramea udde, eteudde allo apan apianne, Mawu Yesus dirumarisikka sulal᷊ummu Wal᷊e Mawu see nabbisara, “Taumata apan marou ṛinone rumanta ringang-Ku ma'inumma.

ROMA 5:21

Ne, i ite ṛinone mate ana waugu i ite ma'ola'a rosa. Arawe Ruata mandangngu si ite wuṛṛu nangonggolu lal᷊anne si ite mabelengnga apia ringanni Tou. Wuṛṛu ana waugu paa'aukki ite ringannu Ruata naola'e mapia, i Tou nangonggola apia wiakka tutune wuṛṛu saran mal᷊annu-l᷊annu si ite sulal᷊ummu Yesus Kristus Mawun kite.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

2 KORINTUS 1:22

Ana waugu udde Ruata suete nanga'u si ite maola'a pussa'a-Ne wuṛṛu mangonggolu Ghaṛṛaho-Ne sulal᷊ummu naungngi ite, apan maola'a sambau wataṛṛu manungku i Tou sarun mangonggolu si ite sarangkanambone apan suete pina'iren Tou.

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

SONDAPPA 7:16

I mangitou tate maapendama mal᷊unussa ara'e marou; matannallo ara'e paddisa mapal᷊atta tate maal᷊oso si mangitou,

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”