YOHANES 3:33 - WUKE SUSI WATTI'U AL᷊AL᷊USASSA

³³ Taumata apan mangngimanna tatiala-Ne udde, mangnga'u manungku Ruata udde atonna.

YOHANES 3:33 Iomraidhean Croise

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

YOHANES 8:26

Ta'e manambo lai hatto su ola'i yamiu apan Ta'u iwisara wuṛṛu ipamarikissa. Arawe i Tou apan nandolo-U wotongnge apangimananna. Wuṛṛu i Ya'u mamasingkatta su runia apa apan Ta'u niaringiṛṛanna wuassi Tou.”

ROMA 15:28

Amungkangngu i ya'u buatte nanginsue manara'u indi, wuṛṛu manantilla si mangitou apan uatana'a su Yerusalem sasumbala apan buatte niammulla udde, ne i ya'u inaite watukku Spanyol sumabbi soa atatanaannu.

ROMA 4:11

I tou nisunatta murine, wuṛṛu sunatti tou tumba'u maola'a sambau tatiala manungku Ruata buatte nanengkamma si tou maola'a taumata apan maal᷊uassa naungngu Ruata. I tou tinarimmattu Ruata su tempo i tou taambe tinumuṛṛutta atorannu sunatta. Wuṛṛu Abraham naola'a iamangngu manga taumata apan mangngimanna Ruata, wuṛṛu ana waugu i tou suete tinarimmattu Ruata maola'a sangkatou taumata apan maal᷊uassa naung-Nge, salaiwe i mangitou tawe tumuṛṛutta atorannu sunatta.

1 KORINTUS 9:2

Amungkangngu lai manga taumata waine maddiri manga'u si ya'u sangkatou rasul, adiongke i yamiu mangnga'u udde! Ana waugu wiakku ere sangkatou taumatan Saṛṛani maola'a tatiala manungku i ya'u sangkatou rasul.

2 KORINTUS 1:18

Ringannu arannu Ruata apan apangngimananna, paaire'u si yamiu wal᷊inewe “Ore” wuṛṛu “Tawe”.

2 KORINTUS 1:22

Ana waugu udde Ruata suete nanga'u si ite maola'a pussa'a-Ne wuṛṛu mangonggolu Ghaṛṛaho-Ne sulal᷊ummu naungngi ite, apan maola'a sambau wataṛṛu manungku i Tou sarun mangonggolu si ite sarangkanambone apan suete pina'iren Tou.

EFESUS 1:13

I yamiu lai buatte naola'a al᷊aṛṛana'u Ruata su tempo i yamiu naaringikka tanatan Duata, eteudde Watti'u Al᷊al᷊uassa apan nangonggolu asasal᷊amatta si yamiu. I yamiu mangngimanna Mawu Yesus Kristus, ana waugu udde Ruata nangonggolu tatiala pussa'a-Ne si yamiu, eteudde Ghaṛṛaho-Ne apan buatte pina'ire-Ne.

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

IBRANI 6:17

Ruata ma'apulu manualaga su manga taumata apan manengkamma paaire-Ne, manungku i Tou tawe mamal᷊u ṛiin-Ne. Ana waugu udde i Tou nanamba sasalu su pa'aire-Ne udde.

1 YOHANES 1:10

Arawe amungkangu i ite mabbisara manungku i ite tawe paddarosa, i ite maṛṛangngo manungku Ruata udde taṛṛa awusu wuṛṛu i ite tawe uaraddon wisaran Duata sulal᷊ummu naungngi ite.