YOHANES 3:32 - WUKE SUSI WATTI'U AL᷊AL᷊USASSA

³² I Tou mabbisara su ola'u apa apan suete niasiloanna wuṛṛu niaringiṛṛan-Ne, arawe tawe saran sangkatou apan mangngimanna tatiala-Ne.

YOHANES 3:32 Iomraidhean Croise

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YESAYA 53:1

Walahanna udde sinumimbakka, “Isai mangimanna apa apan buatte niaringiṛṛanni yami? Ete sisai buatte niapal᷊iatta'a taṛṛino Mawu?

MATIUS 7:8

Ana waugu taumata maddorongnga sarun manengkamma; taumata madea'a sarun maasomba; wuṛṛu taumata mannengkella sarun wu'anna ngara.

YOHANES 1:11

I Tou nirumanta su wanua-Ne sassane, arawe pabbawala-Ge maddiri manarimmatti Tou.

YOHANES 15:15

I Ya'u tate lai mamago si yamiu allangnga, ana waugu allangnga wagga apa apan tantal᷊anna mammanarannu mawune. I yamiu wagoangkute hawe, ana waugu sarangkanambone apan niaringiṛṛang-Ku wuassu Iamangnga, suete Ta'u niapaasingkatta si yamiu.

YOHANES 18:37

Ne i Pilatus naiwal᷊o si Tou, “Amungkangngu aroddi, I'o indi ratu?” Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”

YOHANES 3:11

Pangimante: i yami mabbisara tumba'u apa apan asingkatanni ami, wuṛṛu i yami mattiala tumba'u su ola'u apa apan niasiloanni ami; arawe i yamiu maddiri mangngimanna tatiala wuassi ami.

YOHANES 3:26

I mangitou inaite ringanni Yohanes, wuṛṛu nabbisara, “Iamangnga Huru, Iamangnga ta'e ma'anaungnga taumata apan su sambau ringannu Iamangnga su samba'an Sal᷊ukku Yordan udde, apan tina'en Iamangnga dorone? I tou orassa indi lai mannaṛṛani wuṛṛu manambo taumata rudanta ringanni-Tou!”

YOHANES 3:33

Taumata apan mangngimanna tatiala-Ne udde, mangnga'u manungku Ruata udde atonna.

YOHANES 5:20

Ana waugu Iamangnga mandangngu Ana'a wuṛṛu manantiro si Tou al᷊awo'u inolaan-Ne sassane. Ewe'e lai Iamangnga sarun manantiro si Tou manga inolaanna apan magewal᷊anna lai ma'oman sara i yamiu tumiangnga.

YOHANES 8:26

Ta'e manambo lai hatto su ola'i yamiu apan Ta'u iwisara wuṛṛu ipamarikissa. Arawe i Tou apan nandolo-U wotongnge apangimananna. Wuṛṛu i Ya'u mamasingkatta su runia apa apan Ta'u niaringiṛṛanna wuassi Tou.”