YOHANES 3:27 - WUKE SUSI WATTI'U AL᷊AL᷊USASSA

²⁷ I Yohanes sinumimbakka, “Taumata tawe maatahuanna al᷊awo'a amungkangngu tawe ionggolu Ruata si tou.

YOHANES 3:27 Iomraidhean Croise

YEREMIA 1:5

“Tantal᷊anna i Ya'u taambe nadiandi si'o sulal᷊ummu piolon inangngu, wuṛṛu tantal᷊anna i'o taambe nasungkangnga, i Ya'u buatte namile wuṛṛu maneneggu maola'a nabi su manga walahanna.”

YEREMIA 17:16

Arawe, oh Mawu, taambe saran paassa i ya'u namata'a tadea'u I'o mandantan asasilaka si mangitou. I ya'u lai maddiri tadea'u i mangitou aṛṛiaannu asasusa. I'o masingkattu udde, Mawu. I'o masingkattu wisara'u.

AMOS 7:15

Arawe Mawu nangal᷊appa si ya'u wuassu manara'u, wuṛṛu nandolo'u iapapasingkattu tanata-Ne su taumatan Israel.

REENGANNA 17:5

Ta'innu taumata apan i Ya'u nipile sarun massolla. Ringannu olangnge udde i Ya'u sarun mapata'allu manga sasamboṛṛen taumata apan sidutu sussamboṛṛe si yamiu.”

MATIUS 21:25

I Yohanes Mananaṛṛani ringannu taṛṛinon sai? Ruata ara'e taumata?” See manga imam tembonanne wuṛṛu manga piaṛṛa'u Yahudi mannattakke ma'ire, su wallatti mangitou. “Amungkangngu i ite mabbisara, ‘Ringannu taṛṛinon Ruata,’ i Tou sarun mabbisara, ‘Amungkangngu aroddi anio i yamiu tawe mangngimanna si Tou?’

MATIUS 25:15

Su sangkatou-sangkatou mangangimbe udde i tou nangagilla tumuṛṛuttu auatannu sangkatou-sangkatou. Su sangkatou i tou nangagillu lima ṛiwu roitta wul᷊awanna. Wuṛṛu su waine lai i tou nangagillu rua ṛiwu roitta wul᷊awanna. Wuṛṛu su sangkatou lai i tou nangagillu saṛṛiwu roitta wul᷊awanna. See i tou nassenggote.

MARKUS 13:34

Olangnge isumandingnga ere sangkatou apan nanantangngu wal᷊ene see inai su tampa marau. I Tou nandolokku manga ralol᷊oṛṛanne mandiaga wal᷊ene, wuṛṛu nangagillu manara si mangitou sangkatou-sangkatou. Su mandariaga ngara, i tou nananata tadea'u mandiaga mapia-pia.

YOHANES 10:41

Manambo taumata nirumanta ringanni Tou. I mangitou mabbisara, “I Yohanes tawe ma'ola'a manga al᷊aṛṛindu'a, arawe anambon bisara su ola'u taumata indi mangke atonna.”

YOHANES 6:65

See Mawu Yesus nabbisara apia, “Ana waugu udde i Ya'u mamasingkatta si yamiu manungku tawe saran sangkatou apan maaranta ringang-Ku, amungkangngu Iamangnga tawe mamala.”

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

ROMA 12:6

I ite sambau-sambau pia asingkattu manara apan uapapaṛṛala. Manga al᷊amatta udde nionggolu Ruata si ite tumuṛṛuttu darangngu-Ne. Ana waugu udde i ite sarun mappaattu asingkatta udde. Taumata apan pia asingkatta mamasingkatu Watti'a wuassu Ruata rinone mabbatti'u watti'a wuassu Ruata udde, tumuṛṛuttu atatohassi tou sassane.

1 KORINTUS 1:1

Manga tuṛṛangnga jamaattu Ruata su Korintus! Tuṛṛangnga buatte niwaggoannu Ruata maola'a al᷊aṛṛanang-Nge ana waugu tuṛṛangnga tatahuananni Kristus Yesus, su sampunna ringannu anambon taumata su al᷊awo'u tampa apan massubba Mawun kite Yesus Kristus, eteudde Mawu mangitou wuṛṛu Mawun kite lai. I ya'u, Paulus, wuṛṛu tuṛṛangngi ite Sostenes, mangngantimma doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu. I ya'u namoṛṛettu suratta indi ana waugu i ya'u rasulli Kristus Yesus, apan buatte nitenegu Ruata sassane wuṛṛu wuassu apulu-Ne sassane lai.

1 KORINTUS 12:11

Sarangkanambone udde mammanarannu Ghaṛṛaho apan sambau udde lai; sangkatou-sangkatou nionggol᷊annu al᷊amatta uapapaṛṛala tumuṛṛuttu apulun Ghaṛṛaho udde sassane.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

1 KORINTUS 3:5

Su ṛinone isai Apolos udde? Wuṛṛu isai Paulus? I yami tumba'u mangangimbe Ruata, apan suete nangehetta si yamiu see mangngimanna si Kristus. I yami tumba'u mappaamattu manara apan nirolokku Mawu si yami sangkatou-sangkatou.

1 KORINTUS 4:7

Isai apan na'ola'a si'o nangillembo wuassu taumata waine? Wal᷊inewe sarangkanambone sinengkammu wuassu Ruata? Nariaddi, anio i'o mapaatelengngu watangannu, paṛṛimaunnapa apa apan tatahuanannu udde wal᷊ine sambau apan nionggola?

GALATIA 1:1

Manga tuṛṛangnga manga jamaatta su wageangngu Galatia, i ya'u, Paulus, wuṛṛu anambon tuṛṛangnga taumatan Saṛṛani apan suadio'a ringangku, mangngantima doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu. I ya'u naola'a rasul wal᷊ine ana waugu wuassu taumata, ara'e ana waugu nitenegu taumata, ewe'e ana waugu Yesus Kristus Ruata Iamangngi ite apan suete napaawiakki Tou apia wuassu papate.

EFESUS 1:1

Al᷊aṛṛana'u Ruata su Efesus, apan matuṛṛutta Mawu Yesus Kristus!

1 TIMOTIUS 2:7

Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.