YOHANES 3:16 - WUKE SUSI WATTI'U AL᷊AL᷊USASSA

¹⁶ Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

YOHANES 3:16 Iomraidhean Croise

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

PANDARIADDI 22:2

Unnu Ruata, “Roote watukku leta'u Moria su sambau ringanni Ishak, anangngu tinggassa udde, apan lembon arangnguannu. Isudde, su sambau wowone apan Ta'u ita'e si'o, onggol᷊a'e si ya'u anangu maola'a sambau sasamba itattambunna.”

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

MATIUS 9:13

Ṛingiṛṛa'o apa atappasannu wageangngu Wuke Susi indi: ‘I Ya'u mappandumma darangngu, wal᷊ine sasamba wuassu winatangnga’. Ana waugu i Ya'u nirumanta wal᷊ine mamaggo taumata apan massunna ririne mapiate, ewe'e taumata apan sassunanna maṛṛusal᷊a.”

MARKUS 12:6

Isai lai wotongnge irolokku tatahuannu wailla udde orassa indi? Ete sangkatou, eteudde anangnge sassane apan arangnguanne. Nariaddi panginsueanne i tou nandolokku anangnge ringannu mamamanara udde. ‘Ana'u sarun addatanni mangitou,’ su ṛingiṛṛanne.

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 1:18

Tawe saran sangkatou apan suete naasilo Ruata, tumba'u ana'u Iamangnga tinggassa, apan uasul᷊ungngu Iamangnga wuṛṛu uaaukka atonna ringanni Tou. Ete i Tou apan napaal᷊iatta'u Iamangnga si ite.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

YOHANES 10:28

I Ya'u mangngonggolu wiakka tutune wuṛṛu saran mal᷊annu-l᷊annu si mangitou, wuṛṛu sarangkal᷊o'engnge i mangitou tawe mate. Tawe saran sangkatou apan botongnge mangaṛṛo si mangitou wuassu lima-U.

YOHANES 3:15

tadea'u taumata nambo apan mangngimanna si Tou maasomba wiakka tutune wuṛṛu saran mal᷊annu-l᷊annu.”

YOHANES 3:18

Taumata apan mangngimanna si Tou tawe iṛṛuumanna. Arawe taumata apan tawe mangngimanna suete niṛṛuumannu Ruata, ana waugu i tou tawe mangngimanna Ana'u Ruata apan tinggassa udde.

YOHANES 3:36

Taumata apan mangngimanna Ana'a udde saru maasomba pabbawiakka tutune wuṛṛu saran mal᷊annu-l᷊annu. Arawe taumata apan tawe madaringikka Ana'a udde tawe maasomba wiakke. I tou iṛṛuumannu Ruata sarangkal᷊o'engnge.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

ROMA 5:10

Amungkangngu su tempo i ite uasaseettu Ruata, naasomba paddarame ringanni Tou sulal᷊ummu papaten Anang-Nge, lembonete orassa indi paa'aukki ite ringannu Ruata mapiate apia, natantunte i ite sarun masal᷊amatta lai sulal᷊ummu wiakki Kristus.

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

EFESUS 2:4

Arawe aroddi ahewalle darangngun Duata! I Tou aroddi marangngu si ite,

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

TITUS 3:4

Arawe Ruata, Punnu Sal᷊amatti ite napaal᷊iatta'u darangngu-Ne wuṛṛu apapian naung-Nge si ite.

IBRANI 2:9

Arawe i ite suete naasilo Mawu Yesus uataṛṛino! I Tou niwawo adio'a wuassu mala'ekatta tumba'u tal᷊ang kadio'a, tadea'u su apapia naungngu Ruata i Tou wotonge mate ana waugu anambon taumata. I ite ma'ellega i Tou orassa indi nionggol᷊annu aiananna apan mawantuga wuṛṛu lembon aaddatanna, ana waugu i Tou suete natataṛṛanga na'oman sara nate.

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.

1 YOHANES 4:19

I ite mandangngu, ana waugu Ruata doronete nandangngu si ite.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,