YOHANES 21:2 - WUKE SUSI WATTI'U AL᷊AL᷊USASSA

² Su sambau allo i Simon Petrus, i Tomas apan isassago lai i Ṛindua, i Natanael wuassu Kana su Galilea, al᷊aṛṛana'i Zebedeus, wuṛṛu ruang katou mallal᷊aṛṛenggennu Mawu Yesus apan waine tantal᷊anna uaammulla.

YOHANES 21:2 Iomraidhean Croise

MATIUS 10:3

Wua'udde i Filipus wuṛṛu i Bartolomeus, see i Tomas, see i Matius, mallal᷊uṛṛu wose, see i Yakobus ana'i Alfeus, wuṛṛu i Tadeus;

MARKUS 1:19

Mawu Yesus lapiddu inumamatta, see naasilote lai rua sangkatuṛṛangnga apan baine eteudde i Yakobus wuṛṛu i Yohanes, al᷊aṛṛana'i Zebedeus. I mangitou sulal᷊ummu saalanna, wuṛṛu tantal᷊anna mannapia soma.

LUKAS 5:10

Aroddi lai ringannu manga hawen Simon, eteudde i Yakobus wuṛṛu i Yohanes, al᷊aṛṛana'i Zebedeus. Mawu Yesus nabbisara si Simon, “Arie pa'ata'utta! Manattakka orassa indi i'o sarun maola'a mananoma taumata.”

YOHANES 1:45

I Filipus nassomba Natanael wuṛṛu nabbisara si tou, “Yami suete nassomban taumata apan iwabal᷊o Musa sulal᷊ummu Wuken Titan Ruata, wuṛṛu niapaasingkattu manga nabi. I Tou eteudde Mawu Yesus wuassu Nazaret ana'i Yusuf.”

YOHANES 11:16

I Tomas isassago “I Ṛindua” nabbisara su manga ringanne mallal᷊aṛṛenggennu Mawu Yesus, “Wette i ite tumantalongnga, salaiwe i ite mate su sambau ringanni Tou!”

YOHANES 2:1

Rua allo wua'udde pia andeangngu awingnga su soan Kana su Galilea, wuṛṛu inangngu Mawu Yesus isudde lai.

YOHANES 2:11

Eteudde al᷊aṛṛindu'a paarorone apan niola'u Mawu Yesus. I Tou na'ola'a udde su wanua Kana su Galilea. Ringannu tanda udde i Tou mapaal᷊iatta'u awawantu-Ge. Ne mallal᷊aṛṛenggen-Ne nangimante si Tou.

YOHANES 20:28

I Tomas nabbisara Mawu Yesus, “Mawu'u wuṛṛu Ruata'u!”

YOHANES 4:46

Wua'udde Mawu Yesus nabelengke watukku Kana su Galilea, isudde i Tou suete namal᷊u ua'e nabal᷊i anggore. Su soa udde pia sangkatou mammamanaran tembonanne, anangnge marada'a su Kapernaum.

YOSUA 19:28

Ebron, Rehob, Hamon, wuṛṛu Kana, araune maddatingngu Sidon.