YOHANES 20:31 - WUKE SUSI WATTI'U AL᷊AL᷊USASSA

³¹ Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 20:31 Iomraidhean Croise

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 2:7

Unnu ratu, “I ya'u maapulu mamasingkattu apa apan buatte nitantunu Mawu. wisara-Ne si ya'u, ‘I'o ana-U esakka, allo indi i Ya'u maola'a Iamangu.

MATIUS 16:16

I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”

MATIUS 27:54

Tembonannu tantara wuṛṛu manga tantara apan tantal᷊anna uariaga Mawu Yesus, mangke matta'utta su tempo naapendamma linukka wuṛṛu al᷊awo'u apa apan suete nariaddi udde. I mangitou nabbisara, “Atonna, i Tou indi Ana'u Ruata!”

MATIUS 4:3

Setanna nirumanta wuṛṛu nabbisara, “I'o Ana'u Ruata? Ana waugu udde doloṛṛa'e manga watu indi maola'a roti.”

MARKUS 16:16

Taumata apan tawe mangngimanna sarun iṛṛuumanna. Arawe taumata apan mangngimanna wuṛṛu saṛṛanianna, sarun masal᷊amatta.

LUKAS 1:35

Mala'ekatta udde sinumimbakka, “Ghaṛṛahon Ruata sarun rumanta si'o, wuṛṛu taṛṛinon Ruata sarun mangintaṛṛo si'o. Ana waugu udde ana'a apan sarun iunsiwenu udde sarun isago Naukkassa, Ana'u Ruata.

LUKAS 1:4

I ya'u namoṛṛetta udde, tadea'u i Tuangnga masingkatta manungku apa apan suete niaṛṛa'a si Tuangnga udde atonna.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

YOHANES 10:10

Taṛṛa ta'o rumanta tumba'u manna'o, mamate, wuṛṛu manggohakka. Arawe i Ya'u nirumanta tadea'u taumata maasomba wiakka – wiakka apan tawe masue.

YOHANES 19:35

Taumata apan naasilo sassane arariaddianna udde, ete i tou apan namasingkattu olangnge udde, tadea'u i yamiu lai mangngimanna. Wuṛṛu tatialane udde atonna, wuṛṛu i Tou masingkatta manungku olangnge udde atonna.

YOHANES 20:28

I Tomas nabbisara Mawu Yesus, “Mawu'u wuṛṛu Ruata'u!”

YOHANES 3:18

Taumata apan mangngimanna si Tou tawe iṛṛuumanna. Arawe taumata apan tawe mangngimanna suete niṛṛuumannu Ruata, ana waugu i tou tawe mangngimanna Ana'u Ruata apan tinggassa udde.

YOHANES 3:36

Taumata apan mangngimanna Ana'a udde saru maasomba pabbawiakka tutune wuṛṛu saran mal᷊annu-l᷊annu. Arawe taumata apan tawe madaringikka Ana'a udde tawe maasomba wiakke. I tou iṛṛuumannu Ruata sarangkal᷊o'engnge.

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

WATTI'U MANGA RASUL 10:43

Anambo manga nabi mabatti'i Tou. I mangitou mabbisara manungku anambon taumata apan mangngimanna Mawu Yesus, sarun ampunganna rosane ringannu taṛṛino wuassu Ruata.”

WATTI'U MANGA RASUL 3:16

Manga tuṛṛangnga suete naasilo wuṛṛu nattiala apa apan nariaddi su taumata lome indi. I Tou nabal᷊i matohassa, wuṛṛu napia ana waugu mangngimanna Mawu Yesus wuṛṛu taṛṛino-Ne. Ana waugu mangngimanna Mawu Yesus, ne taumata indi napiate apia su saruannu manga tuṛṛangnga sarangkanambone.

WATTI'U MANGA RASUL 8:36

Su pattangngannu amatanne, itarua na'omate su sambau tampa pia ua'e. Tembonanne udde nabbisara, “Pa'ellega udde pia ua'e! apa lai auranganne tadea'u i ya'u saṛṛanianna?” [

WATTI'U MANGA RASUL 8:37

I Filipus nabbisara, “Amungkangngu i Tuangnga mangngimanna ringannu naungnga atonna, i Tuangnga wotongnge saṛṛanianna.” “I Ya'u mangngimanna manungku Mawu Yesus Kristus eteudde Ana'u Ruata,” unnu tembonanne wuassu Etiopia udde.]

WATTI'U MANGA RASUL 9:20

I tou lapiddu rudanta su manga wal᷊em pattataṛṛamawuanna wuṛṛu mannattake mabatti'a manungku ete Mawu Yesus udde Ana'u Ruata.

1 PETRUS 1:9

Ana waugu tuddam pangangimannu nia'omanna, eteudde asasal᷊amattu niawanu.

1 YOHANES 4:15

Isa-sai apan mangnga'u manungku Yesus udde Ana'u Ruata, Ruata mabbiakka uaaukka ringannu taumata udde, wuṛṛu taumata udde lai mabbiakka uaaukka ringannu Ruata.

1 YOHANES 5:1

Taumata apan mangngimanna manungku Yesus udde Ratun Punnu Sal᷊amatta apan pina'iren Duata, taumata udde ana'u Ruata. Taumata apan mandangngu sangkatou Iamangnga, marangngu lai anangnge.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

2 YOHANES 1:9

Taumata apan tawe uaaggassa al᷊aṛṛa'i Kristus, arawe sinumewada wuassu apa apan niaṛṛa'i Kristus, taumata udde tawe maatuahanna Ruata. Taumata apan siddutu uatundeeta su al᷊aṛṛa'i Kristus, atappasanne uatahuanna Ruata Iamangnga aroddi lai Ana'a.

SONDAPPA 2:18

“Su mala'ekattu jamaatta su Tiatira, woṛṛetta'a arendi: Ete indi tanata wuassu Ana'u Ruata, apan mata-Ne lukkenggama naal᷊ihida putungnga, wuṛṛu ledda-Ne lukkena naal᷊ihidda witu'a nitambuna.