YOHANES 20:19 - WUKE SUSI WATTI'U AL᷊AL᷊USASSA

¹⁹ Su allo Misa udde lai, su tempo ṛabbite, manga mallal᷊aṛṛenggennu Mawu Yesus uaammulla su sambau wal᷊e apan ngarane uaṛṛuudda, ana waugu i mangitou matta'uttu manga tembonannu Yahudi. Inaṛṛombanganne Mawu Yesus nirumanta wuṛṛu dirumarisikka su pattangnganni mangitou wuṛṛu nabbisara, “Sal᷊amatta wuṛṛu paddarame si yamiu.”

YOHANES 20:19 Iomraidhean Croise

DARALO 122:8

Ana waugu wawosoanna tuṛṛangnga wuṛṛu hawe'u i ya'u mabbisara, “Doronganna i'o su lal᷊umanna'a!”

MATIUS 10:13

Amungkangngu manga taumata su wal᷊e udde manarimmatta si yamiu, wala'e tabeanu udde matatana'a ringanni mangitou. Arawe amungkangngu i mangitou tawe manarimmatta si yamiu, welenga'a apia tabeanu udde.

MATIUS 18:20

Ana waugu suapa pia darua ara'e sire tallu uaammulla ana waugu i Ya'u, i Ya'u isudde su pattangnganni mangitou.”

MARKUS 16:14

Panginsueanne, Mawu Yesus nattingkapasilom batangan-Ne su sire mapul᷊o assa mallal᷊aṛṛenggen-Ne, su tempo i mangitou tantal᷊anna u'anna. I Tou namo'a si mangitou ana waugu pangangimanni mangitou lome, wuṛṛu tumanite maattikka puane na'oman sara tawe mangngimanna su manga taumata apan suete naasilo sassane manungku Mawu Yesus nabbiakke apia.

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

YOHANES 20:21

See Mawu Yesus nabbisara si mangitou paassa lai, “Sal᷊amatta wuṛṛu paddarame si yamiu. Ere lai Iamangnga nandolo-U aroddi lai Ya'u mandolokki yamiu.”

YOHANES 20:26

Sangkamisa nal᷊iudda, manga mallal᷊aṛṛenggennu Mawu Yesus naammulla apia su tampa udde, wuṛṛu i Tomas isudde lai. Anambo ngara uaṛṛuudda. Arawe Mawu Yesus nirumanta wuṛṛu nirumarisikka su pattangnganni mangitou, see nabbisara, “Sal᷊amatta wuṛṛu paddarame si yamiu.”

YOHANES 21:1

Wua'udde Mawu Yesus namasilon batangan-Ne paassa lai su Ranon Tiberias su manga mallal᷊aṛṛenggen-Ne. Arendi wattinge:

YOHANES 21:14

Indi atallune Mawu Yesus maipasilon batangan-Ne su manga mallal᷊aṛṛenggen-Ne napawe i Tou niwangunna wuassu papate.

YOHANES 7:13

Arawe tawe saran sangkatou waṛṛani mabbisara uasasaruanna su ola'i Tou ana waugu i mangitou matta'uttu manga tembonannu Yahudi.

WATTI'U MANGA RASUL 1:3

Napawe i Tou wua nate, al᷊annune appatu pul᷊o su allone i Tou masokka mapaal᷊iatta'u inolaan-Ne apan masemakka su manga rasul udde manungku i Tou atonna-tonna wiakka. I mangitou ma'asilo si Tou, wuṛṛu i Tou lai uahahatto mangitou su ola'u ereapa Ruata mamarenta ere sangkatou Ratu.

ROMA 15:33

Antimanna Ruata, apan nangonggolu paddarame su taumata, uatana'a ringanni yamiu sarangkanambone. Amin.

1 KORINTUS 15:5

I ya'u namasingkata lai si yamiu manungku Kristus apan buatte niapaawiakka apia udde nattingka pasilon batangan-Ne lai si Petrus, wua'udde su mapul᷊o dua rasul.

EFESUS 2:14

Ana waugu Kristus sassane mandaramen kite. I Tou napaaukku manga taumatan Yahudi wuṛṛu manga taumata wal᷊ine Yahudi naola'a sambau walahanna. Tanda'a passaranna su wallatti mangitou, eteudde pasaseetta, buatte niṛṛimunsa'i Kristus ringannu nanantillu watangan-Ne sassane.

EFESUS 6:23

Sal᷊andeanna su Ruata Iamangnga, wuṛṛu Mawu Yesus Kristus mamalan anambon jamaatta uaaukka wuṛṛu uararangngu wuṛṛu sidutu mangngimanna si Kristus.

FILIPI 1:2

mangantimma doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu.

2 TESALONIKA 3:16

Eteudde Mawu punnu paddaramen kite. Doronganna i Tou siddutu mangonggolu paddarame si yamiu su al᷊awo'u inolaanna. Doronganna Mawu makkundinganna tuṛṛanga sarangkanambone.

IBRANI 7:2

Ne i Abraham nangonggola si Melkisedek sambau wuassu mapul᷊o apan niaaṛṛon tou. (Aranna Melkisedek atappasanne, paarorone, “Ratun Atatul᷊idda”; pia atappasanne lai “Ratum Paddarame”.)

3 YOHANES 1:14

I ya'u mangantimma lai tate mal᷊annu i ite massomba, wuṛṛu i ite wotongnge maggahatto suaddio'a.

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,