YOHANES 20:17 - WUKE SUSI WATTI'U AL᷊AL᷊USASSA

¹⁷ “Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

YOHANES 20:17 Iomraidhean Croise

2 MARARATU 4:29

I Elisa nanaile si Gehazi ana see nabbisara, “Paal᷊ihakka! Anute ta'ingku wuṛṛu inaite asal᷊a su wal᷊en Inanga indi. Arie pattaala mattabea sisai-sai apan massombanu su lal᷊anna. Amungkangu taumata mattabea si'o, paal᷊ihakka mabbal᷊issa tabbeane. Napawe na'omate, pasaṛawutta mangaddon ta'ingku indi su wadangu ana'a udde.”

2 MARARATU 7:9

I mangitou uahahattote, “Inolaanni indi lal᷊eo. Watti'a indi watti'a apan mapia, wuṛṛu ṛinone iapasingkatti ite! Amungkangu i ite maṛaddo sara tiṛabbi, i ite sarun iṛuumanna. Mappianne i ite mamasingkattu olange indi watukku wal᷊en araratuanna.”

DARALO 22:22

I ya'u nallomete, pallosaawe i ya'u wuassu tatandu'u bantenga wuṛṛu wuassu moṛṛongu singa.

DARALO 43:4

Ne i ya'u sarun mattudan mezbah Duata, sumaruanna Ruata punnu al᷊al᷊ua'u. I ya'u sarun mangantari wuṛṛu mannalanga kecapi, ipaddalo Si'o, oh Ruata, Ruata'u.

DARALO 48:14

Panutukke darandungnge, parikisete tanda'a watune, tadea'u i yamiu wotongnge mabbatti'a su papapulunnu:

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

DARALO 89:26

Araratuanne sarun Ta'u hewal᷊anna, wuassu Tahal᷊oangngu Tangngane maddatingngu Sal᷊ukku Efrat.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YEREMIA 32:38

I mangitou sarun maola'a uma-U, wuṛṛu i Ya'u sarun maola'a Ruata mangitou.

YEHEZKIEL 36:28

Ne i yamiu sarun matana'a su leta'a apan buatte Ta'u nionggolla su iupungngu al᷊amonanu. I yamiu sarun maola'a uma-U wuṛṛu i Ya'u lai sarun maola'a Ruatanu.

YEHEZKIEL 37:27

I Ya'u sarun manata'a suadio'a ringanni mangitou, i Ya'u sarun maola'a Ruata mangitou wuṛṛu i mangitou uma-U.

MATIUS 12:50

Taumata apan ma'ola'a apulun Iamangku su surga, i tou tuṛṛang-Ku esakka, tuṛṛang-Ku wawine wuṛṛu inang-Ku.”

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 28:7

Orassa indi roote paal᷊iha-l᷊ihakka, pasingkata'a su mallal᷊aṛṛenggen-Ne, ‘I Tou nabangunte, wuṛṛu orassa indi i Tou inaite malliu ṛoro wuassi yamiu su Galilea. Poiaroddi yamiu sarun maasilo si Tou!’ Paanaungete apa apan suete ta'u niwal᷊o si yamiu.”

MARKUS 12:26

Wuṛṛu su ola'u taumata nate iapawangunna apia, i yamiu taambe naawasa sulal᷊ummu wuke Musa su ola'u anggaṛṛumunanne lukkenggamma udde? Sulal᷊ummu manga addoanne udde, uawoṛṛetta manungku Ruata nabbisara si Musa, ‘Ete I Ya'u Ruatan Abraham, Ruatan Ishak, wuṛṛu Ruatan Yakub.’

MARKUS 16:19

Napawe Mawu Yesus suete nagahatto mangitou, i Tou nasengkengke watukku surga. Poiaroddi i Tou uaparenta su sampunna ringannu Ruata.

LUKAS 10:4

Arie pangapiddu tampan roitta ara'e pato'am padaroronganna, ara'e sapatu. Arie mangillol᷊o su tangngan dal᷊anna ana mattabea su sangkatou taumata.

YOHANES 13:1

Allo massallo tantal᷊anna taambe nia'omanna Allo Wahewam Paskah, Mawu Yesus naasingkatte manungku temponete i Tou manantangngu runia indi mabelengnga ringannu Iamang-Nge. I Tou mandangngu manga taumata apan tatahuanan-Ne su runia, wuṛṛu i Tou sidutu mandangngu si mangitou ma'oman sara panginsueanne.

YOHANES 13:3

Mawu Yesus masingkatta manungku Iamangnga suete nanantillu al᷊awo'u taṛṛino si Tou. I Tou masingkatta lai manungku i Tou nirumanta wua dingannu Ruata wuṛṛu sarun mabelengnga lai ringannu Ruata.

YOHANES 14:2

Su wal᷊en Iamang-Ku manambo tampa atatanaanna. I Ya'u inai watukku tampa udde manaddia tampang kamiu. I Ya'u tawe mabbisara aroddi si yamiu amungkangngu udde tawe mariaddi.

YOHANES 14:28

Yamiu suete naaringikka si Ya'u mabbisara, ‘I Ya'u sarun manantangngi yamiu, arawe i Ya'u sarun mabelengnga apia ringanni yamiu’. Amungkangngu i yamiu mandangngu si Ya'u, i yamiu sarun lumuassa ana waugu i Ya'u inai ringannu Iamangnga, ana waugu Iamangnga magewal᷊anna wuassia-U.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 16:28

Atonna i Ya'u nirumanta wua dingannu Iamangnga, wuṛṛu suete nirumanta sulal᷊ummu runia. Arawe orassa indi Ya'u manantangken runia inai mabelengnga ringannu Iamangnga.”

YOHANES 17:11

Orassa indi i Ya'u nirumanta ringannu Iamangnga. I Ya'u tate lai matana'a su runia; arawe i mangitou su runia. Iamangnga apan naukkassa! Lu'arete i mangitou ringannu taṛṛinon arannu Iamangnga, eteudde aranna apan suete nionggolu Iamangnga si Ya'u – tadea'u i mangitou maola'a sambau, ere Iamangnga wuṛṛu i Ya'u sambau.

YOHANES 17:25

Iamangnga apan matul᷊idda! Runia tawe maaillal᷊a Iamangnga, arawe i Ya'u maaillal᷊a Iamangnga; wuṛṛu manga taumata indi masingkatta manungku ete Iamangnga, apan nandolo-U.

YOHANES 17:5

Iamangnga! Wantuhete i Ya'u orassa indi ringannu Iamangnga, ringannu awawantuga apan tatahuanang-Ku suadio'a ringannu Iamangnga ro'en runia indi taambe nariaddi.

YOHANES 20:27

Wua'udde Mawu Yesus nabbisara si Tomas, “Pa'ellege lima-U, wuṛṛu addoa'e tal᷊imadonu isindi. Ul᷊uṛṛa'e limanu wuṛṛu addoa'e su sandiṛṛang-Ku. Arie mapapadua lai ewe'e pangimante!”

YOHANES 7:33

Mawu Yesus nabbisara su taumata nambo su Wal᷊e Mawu, “Ete lai tal᷊ang kadio'a i Ya'u su sambau ringanni yamiu. Wua'udde i Ya'u sarun mabelengnga ringanni Tou apan nandolo-U.

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

2 KORINTUS 6:18

I Ya'u sarun maola'a Iamangngu, wuṛṛu i yamiu sarun maola'a al᷊aṛṛana-U ete aroddi wisaran Mawu Apan Lembon Mataṛṛino.”

GALATIA 3:26

Ana waugu i yamiu mangngimanna si Kristus Yesus, ne i yamiu uaaukka ringanni Tou; wuṛṛu ana waugu udde i yamiu maola'a al᷊aṛṛana'u Ruata.

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.