YOHANES 20:15 - WUKE SUSI WATTI'U AL᷊AL᷊USASSA

¹⁵ Mawu Yesus naiwal᷊o si tou, “Inangnga, anio lulluai? Inangnga maddea'a sisai?” I Maria massunna manungku udde mabawailla, nariaddi i tou nabbisara, “Iamangnga, amungkangngu Iamangnga nangingkatti Tou wua isindi, tul᷊unga'a wal᷊o'a si ya'u suapa Iamangnga nangadon Tou, tadea'u i ya'u wotongnge mangal᷊appa si Tou.”

YOHANES 20:15 Iomraidhean Croise

ANTARI MAWANTUGA 3:2

I ya'u mappulute mapu'o wuṛṛu mamal᷊iwutta soa, mamal᷊intaddu anambon dal᷊anna wuṛṛu pappisu'anne. I ya'u mappulute maddea'a tatuno naungku; nireaangku i tou, arawe tawe gunane.

ANTARI MAWANTUGA 6:1

Watukkuapa arangnguannu inai, ei maṛṛuala apan aṛṛamahanne? Watukkuapa arangnguannu inai, tadea'u i yami wotongnge maddea'a si tou?

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

MATIUS 28:5

Mala'ekatta udde nabbisara manga wawine udde, “Arie pa'ata'utta! I Ya'u masingkatta i yamiu maddea'a Mawu Yesus apan suete niarussa udde.

MARKUS 16:6

Taumata umbasanna udde nabbisara, “Arie pa'ata'utta! I ya'u masingkatta i yamiu maddea'a Mawu Yesus taumata Nazaret apan suete niarussa. I Tou tate baddia isindi. I Tou nabangunte! Pa'ellega, indi tampane, i mangitou napal᷊allowangngi Tou.

LUKAS 2:44

I mangitou massunna i Tou uatantalongnga suadio'a ringannu ammul᷊anna su amatanna. Napawe suete inumamatta allo massallo wakkute udde i mangitou naddea'a si Tou su wallattu manga tuṛṛangnge see hawe mangitou.

LUKAS 24:5

I mangitou mangke nata'utta, see inumal᷊intuda su leta'a, tantal᷊anna ruang katou udde mabbisara si mangitou, “Anio i yamiu maddea'a taumata wiakka su tampan taumata nate?

YOHANES 1:38

Mawu Yesus nanaile su liudde, wuṛṛu naasilo si mangitou uatantalongnga si Tou, i Tou naiwal᷊o, “Yamiu maddea'a apa?” I mangitou sinumimbakka, “Rabi, Rabi uatana'a suapa?” (Wisara ‘Rabi’ atappasanne huru.)

YOHANES 18:4

Mawu Yesus masingkattu sarangkanambone apan sarun mariaddi su watangan-Ne. Ne i Tou nangundanite manga taumata udde wuṛṛu naiwal᷊o, “I yamiu maddea'a sisai?”

YOHANES 18:7

Paassa lai Mawu Yesus naiwal᷊o si mangitou, “I yamiu maddea'a sisai?” “Mawu Yesus taumata Nazaret,” sasimbakki mangitou.

YOHANES 20:13

Manga mala'ekatta udde naiwal᷊o, “Inangnga, anio lulluai?” I Maria sinumimbakka, “Mawu'u suete nianu, wuṛṛu i ya'u wagga i Tou niaddo suapa.”

1 SAMUEL 1:16

Ariewe i yamiu indi massunna si ya'u wawinen dal᷊anna. I ya'u niumal᷊iomanna ereindi ana waugu ya'u tumaniten massusa.”