YOHANES 20:14 - WUKE SUSI WATTI'U AL᷊AL᷊USASSA

¹⁴ Napawe wua nabbisara aroddi, i tou nanaile liudde wuṛṛu naasilo Mawu Yesus uarisikka isudde. Arawe i tou wagga manungku udde Mawu Yesus.

YOHANES 20:14 Iomraidhean Croise

PANDARIADDI 42:8

Salaiwe i Yusuf naaillal᷊a manga iaangnge, arawe i mangitou tawe naaillal᷊a si tou.

MATIUS 28:9

Inaṛṛombanganne Mawu Yesus nirumanta naisasomba manga wawine udde, wuṛṛu nabbisara, “Tabea!” See i mangitou nirumanta nangundanin Tou, wua'udde naṛṛa'uppa ledda-Ne wuṛṛu nassubba si Tou.

MARKUS 16:12

Wua'udde Mawu Yesus nattingkapasilom batangan-Ne su ruan katou mallal᷊aṛṛenggen-Ne ringannu olangnge apan paṛṛalane. Udde nariaddi su tempo ruan katou udde tantal᷊anna u'amatta mabatuku sambau ampungnga.

MARKUS 16:9

Napawe Mawu Yesus nabangunte wuassu papate, rua'allo atonna su allo Misa, i Tou paarorone nattingkapasilom batangan-Ne si Maria Magdalena. (Wuassi Maria udde Mawu Yesus suete napasabangngu sire pitu ghaṛṛaho lal᷊eo.) Manga wawine udde inaite ringanni Petrus wuṛṛu manga hawene, see nabbati'a ringannu maautta anambon apa apan suete niapasingkattu taumata umbasanna udde si mangitou.

LUKAS 24:16

I mangitou naasilo Mawu Yesus, arawe piaddu naal᷊imbatta na'oman sara i mangitou tawe naaillal᷊a Mawu Yesus.

LUKAS 24:31

Wua'udde naatutukke i mangitou manungku udde Mawu Yesus. Arawe i Tou nattingkawul᷊i wuassu aellegi mangitou.

LUKAS 4:30

Arawe Mawu Yesus nilumusi'a su tangngan taumata nambo udde wuṛṛu napul᷊e.

YOHANES 21:4

Napawe matannallo sussabangke, Mawu Yesus uarisikka su apanne, arawe i mangitou wagga manungku udde Mawu Yesus.

YOHANES 8:59

See manga taumatan Yahudi nanganute watu ipanuntungnga si Tou; arawe Mawu Yesus na'imbuni, see napul᷊ete nanantangngu Wal᷊e Mawu.