YOHANES 2:2 - WUKE SUSI WATTI'U AL᷊AL᷊USASSA

² Mawu Yesus wuṛṛu mallal᷊aṛṛenggen-Ne niwal᷊oanna lai su andeangnga udde.

YOHANES 2:2 Iomraidhean Croise

MATIUS 12:19

I Tou sarun tawe matatiakka ara'e mangngintul᷊i, ara'e mabbisara su manga lal᷊anna.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 25:45

Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

YOHANES 2:12

Wua'udde Mawu Yesus inaite watukku Kapernaum su sampunna ringannu inang-Nge, manga tuṛṛang-Nge see manga mallal᷊aṛṛenggen-Ne. I mangitou natana'a poiaroddi manga pira allo al᷊annune.

YOHANES 2:17

Ne manga mallal᷊aṛṛenggen-Ne naanaungnga wageangngu Wuke Susi ereindi, “Naung-Ku su Wal᷊e-Nu, o Ruata, ma'atutungnga naung-Ku.”

YOHANES 2:22

Wua'udde, napawe Mawu Yesus niapawangunna wuassu papate, naanaungke manga mallal᷊aṛṛenggen-Ne manungku hatto udde suete niapasingkatti Tou. Ne i mangitou nangimante apa apan uawoṛṛetta sulal᷊ummu Wuke Susi wuṛṛu apa apan niapaasingkattu Mawu Yesus.

YOHANES 2:3

Napawe anggore nasuete, inangngu Mawu Yesus nabbisara si Tou, “I mangitou niasueannu anggore.”

YOHANES 3:22

Wua'udde Mawu Yesus wuṛṛu mallal᷊aṛṛenggen-Ne inaite watukku Yudea. I tou natana'a poiaroddi manga pira allo al᷊annune ringanni mangitou wuṛṛu mannaṛṛani.

YOHANES 4:2

Mawu Yesus sassane tawe mannaṛṛani ewe'e tumba'u mallal᷊aṛṛenggen-Ne.)

YOHANES 4:33

Ne manga mallal᷊aṛṛenggen-Ne mannattake uaaiwal᷊o, “Apa pia taumata uaapiddu anni Tou?”

YOHANES 6:12

Napawe sarangkanambone suete inumanna na'oman sara nal᷊aidda, Mawu Yesus nabbisara su manga mallal᷊aṛṛenggen-Ne, “Ammul᷊a'e lambeng kanna udde; arie ma'oman sara piaddu maramme.”

YOHANES 6:16

Napawe allo maṛṛabite, manga mallal᷊aṛṛenggennu Mawu Yesus sinumossokke watukku rano.

YOHANES 6:60

Napawe suete naddaringikka manga wisara Mawu Yesus udde, manambo su wallattu mallal᷊aṛṛenggen-Ne nabbisara, “Tatantiro indi tumanite masahadda. Isai wotongnge maasunna!”

YOHANES 6:66

Nanattakka orassa udde manambo mallal᷊aṛṛenggen-Ne manantangngi Tou, wuṛṛu maddirite mallal᷊aṛṛenggenna si Tou.

YOHANES 6:67

See Mawu Yesus naiwal᷊o su sire mapul᷊o dua mallal᷊aṛṛenggen-Ne, “Apa i yamiu ma'apulu lai manantang-Ku?”

YOHANES 6:70

Mawu Yesus sinumimbakka, “Wal᷊inewe i Ya'u apan namile si yamiu mapul᷊o dua indi? Arawe sangkatou wuassu wallatti yamiu eteudde ghaṛṛaho lal᷊eo!”

YOHANES 6:71

Apan su pandumannu Mawu Yesus eteudde i Yudas ana'i Simon Iskariot. Ana waugu salaiwe i Yudas sangkatou wuassu sire mapul᷊o dua mallal᷊aṛṛenggennu Mawu Yesus, ete i tou apan namate Mawu Yesus.

YOHANES 6:8

Sangkatou mallal᷊aṛṛenggennu Mawu Yesus apan baine eteudde i Andreas, tuṛṛangngi Simon Petrus nabbisara,

YOHANES 7:3

Ne manga tuṛṛangngu Mawu Yesus nabbisara si Tou, “Tantanga'e tampa indi wuṛṛu roote su Yudea, tadea'u manga mallal᷊aṛṛenggen-Nu maasilo lai manara-Nu.

WATTI'U MANGA RASUL 11:26

Napawe nassombaten Saulus, i tou nangapidi Saulus watukku Antiokhia wuṛṛu santonna al᷊annune i mangitou uaammulla ringannu jamaatta poiaroddi lapiddu mangngaṛṛa'a taumata nambo. Ete su Antiokhia udde, manga taumata apan mangngimanna Mawu Yesus paarorone nisago taumatan Saṛṛani.

WATTI'U MANGA RASUL 11:29

Ne anambo mallal᷊aṛṛenggennu Mawu Yesus na'ire mapaapiddu sumbala su manga tuṛṛangnge apan uatana'a su Yudea, sangkatou-sangkatou nangonggolla tumuṛṛuttu asombangnge.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

1 KORINTUS 7:39

Sangkatou wawine apan buatte naawingnga tatahuanannu awingnge esakka tumba'u tantal᷊anna awingnge udde wiakka. Arawe amungkangngu awingnge natete, wawine udde wotongngete maawingnga apia ringannu sangkatou esakka apan ipaapulune; sambal᷊iate paa'awingnga udde paa'awingngu taumatan Saṛṛani.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

SONDAPPA 3:20

Pa'ellega! I Ya'u uarisikka su saruannu ngara wuṛṛu manengkela. Amungkangu pia taumata apan naaringikka tingi-U, wuṛṛu namu'a ngara, i Ya'u sarun sumutta maisasomban tou; i Ya'u sarun umanna suadio'a ringanni tou wuṛṛu i tou umanna suadio'a ringang-Ku.