YOHANES 2:19 - WUKE SUSI WATTI'U AL᷊AL᷊USASSA

¹⁹ Mawu Yesus sinumimbakka, “Hohaṛṛa'a Wal᷊e indi, wuṛṛu sulal᷊ummu tallu allo i Ya'u sarun mapararisikka apia.”

YOHANES 2:19 Iomraidhean Croise

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 27:40

I mangitou mabbisara, “I'o apan manggohakku Wal᷊e Mawu, wuṛṛu mapararisikka apia sulal᷊ummu tallu allo! Amungkangngu I'o Ana'u Ruata, lintukke wuassu alu arussa udde, wuṛṛu panal᷊amatte riri-Nu!”

MATIUS 27:63

wuṛṛu nabbisara, “Mawu, i yami maanaungnga su tempo taṛṛa awusu udde ta'e wiakka, i Tou suete nabbisara, ‘Napawe tallute allo i Ya'u sarun mabangunna apia.’

MARKUS 14:58

“I yami naaringikka taumata indi mabbisara, ‘I Ya'u sarun manggohakku Wal᷊e Ruata indi apan suete niola'u taumata, wuṛṛu napawe tallute allo i Ya'u sarun mapararisikku waine lai, apan wal᷊ine niola'u taumata.’ ”

MARKUS 15:29

Manga taumata apan sussabbi isudde mangke uapapa'ilingnga wuṛṛu manggal᷊usa'a Mawu Yesus. I mangitou nabbisara, “Ei, I'o apan manggohakku Wal᷊en Ruata wuṛṛu mapaarisikka sulal᷊ummu tallu allo.

MARKUS 8:31

Wua'udde, Mawu Yesus nanattakke mangngaṛṛa'a mallal᷊aṛṛenggen-Ne manungku Ana'u Taumata sarun matataṛṛangngu anambon asasusa, wuṛṛu ipaseettu manga tembonanne, manga imam tembonanne wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

YOHANES 11:25

“Ete i Ya'u apan mangngonggolu wiakka wuṛṛu mapaawangunnu taumata nate,” wisara Mawu Yesus si Marta. “Taumata apan mangngimanna si Ya'u sarun mabbiakka, salaiwe i tou natete.

YOHANES 5:19

Mawu Yesus sinumimbakka su manga taumata udde arendi, “Pangimante, Ana'a tawe mapa'ola'a al᷊awo'u inolaanna ringannu taṛṛino-Ne sassane. I Tou tumba'u maaola'a apa apan niasiloanni Tou niola'u Iamang-Nge. Ana waugu apa apan niola'u Iamangnga, udde lai a'olaannu Ana'a.

WATTI'U MANGA RASUL 2:24

Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate.

WATTI'U MANGA RASUL 2:32

Ete Mawu Yesus udde apan niapaawiakku Ruata apia wuassu papate. Iami sarangkanambone suete naasilo sassane olangnge udde.

WATTI'U MANGA RASUL 3:15

Manga tuṛṛangnga namate si Tou, sumbal᷊i ete i Tou punnu wiakku taumata nambo. Wuṛṛu Ruata suete napaawiakki Tou apia wuassu papate. Wuṛṛu i yami suete naasilo sassane olangnge udde.

WATTI'U MANGA RASUL 3:26

Ana waugu udde Ruata namile Allang-Nge, see nandolokki Tou nirumanta ringanni yamiu paarorone, tadea'u i Tou mangal᷊amatta si yamiu. Olangnge i Tou mangal᷊amatta eteudde na'ola'a manga tuṛṛangnga sarangkanambone nawal᷊u wuassu ola'u wiakki yamiu apan lal᷊eo.”

WATTI'U MANGA RASUL 6:14

I yami suete naaringikka si tou mabbisara, manungku Mawu Yesus wuassu Nazaret udde sarun mangngohakku Wal᷊e Mawu indi, see mamal᷊u anambon inanaramanna apan nisossokki Musa si ite!”

ROMA 4:24

arawe si ite lai. I ite sarun itarimmata ere sangkatou taumata apan maal᷊uassa naungngu Ruata, ana waugu i ite mangngimanna Ruata apan suete napaawiakku Mawu Yesus, Mawu kite wuassu papate.

ROMA 6:4

Ringannu sasaṛṛani udde i ite nilabingnga su sambau ringanni Kristus wuṛṛu nate suadio'a ringanni Tou, tadea'u su ereapa Kristus niapaawiakka wuassu papate, wuassu taṛṛinon Iamangnga apan mawantuga, aroddi lai i ite wotongnge maapendama wiakka apan wakku.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

1 KORINTUS 15:12

Amungkangngu iwabbatti'i yami eteudde manungku Kristus buatte niapaawiakka wuassu papate, anio pia wuassu wallatti yamiu mabbisara manungku taumata nate tawe iapaawiakka apia?

KOLOSE 2:12

Ana waugu su tempo i yamiu nissaṛṛani, yamiu nilabbingnga su sambau ringanni Kristus; wuṛṛu ringannu sasaṛṛani udde lai yamiu niapaawiakka apia su sambau ringanni Kristus ana waugu i yamiu mangngimanna taṛṛinon Duata apan suete napaawiakki Kristus wuassu papate.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.