YOHANES 2:11 - WUKE SUSI WATTI'U AL᷊AL᷊USASSA

¹¹ Eteudde al᷊aṛṛindu'a paarorone apan niola'u Mawu Yesus. I Tou na'ola'a udde su wanua Kana su Galilea. Ringannu tanda udde i Tou mapaal᷊iatta'u awawantu-Ge. Ne mallal᷊aṛṛenggen-Ne nangimante si Tou.

YOHANES 2:11 Iomraidhean Croise

1 MARARATU 17:24

Wawine wal᷊u udde sinumimbakka, “Orassa indi ya'u masingkatte Iamangnga uddewe allangngu Ruatta wuṛṛu wisaran Iamangnga udde atonna wuassu Mawu!”

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

DARALO 96:3

Wattia'e awawantu-Ge su manga walahanna, wuṛṛu manga inolaan-Ne apan matohassa su umattu taumata.

SASABANGNGA 14:31

Napawe taumatan Israel naasilo ereapa Mawu ringannu taṛṛino-Ne apan bahewalla naparugin taumata Mesir, i mangitou tinumiangnga na'oman sara mangngimante si Tou wuṛṛu si Musa, allang-Nge udde.

SASABANGNGA 4:9

Amungkangngu i mangitou ta'e lai maddiri mangimanna si'o salaiwe buatte naasilo al᷊aṛṛindu'a darua indi, wuṛṛu i mangitou madiri maddaringikka manga wisaranu, panganu ua'e addio'a wuassu Sal᷊ukku Nil wuṛṛu lal᷊ina'a su leta'a. Ua'e udde sarun mawal᷊u mabal᷊i daṛṛa.”

MANNANASE 9:7

Wette, ante wuṛṛu lalluasse, pa'inumpe anggore ringannu lullala'a. Ruata tawe mamulo, ewe'e i tou lai mandolokka.

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

YOHANES 1:43

Su allo tiṛṛabbine Mawu Yesus naṛṛawessa inai watukku Galilea. I Tou nassombam Filipus, wuṛṛu nabbisara si tou, “Wette tantalongke si Ya'u!”

YOHANES 1:50

Mawu Yesus nabbisara, “I'o mangngimanna, tumba'u ana waugu i Ya'u nabbisara manungku i Ya'u naasilote si'o su al᷊ungngu alu ara udde? Manga inolaanna apan maggewal᷊anna wuassu inolaanna udde sarun asiloannu!”

YOHANES 10:41

Manambo taumata nirumanta ringanni Tou. I mangitou mabbisara, “I Yohanes tawe ma'ola'a manga al᷊aṛṛindu'a, arawe anambon bisara su ola'u taumata indi mangke atonna.”

YOHANES 11:15

Arawe i Ya'u lulluassa lai ana waugu i Ya'u tawe poiaroddi, ana waugu mappianne si yamiu, tadea'u i yamiu wotongnge mangngimanna. Wette i ite inaite orassa indi ringanni Lazarus.”

YOHANES 11:47

Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!

YOHANES 12:18

Ana waugu udde taumata nambo inaite ringannu Mawu Yesus ana waugu i mangitou naaringikka manungku ete i Tou apan na'ola'a al᷊aṛṛindu'a udde.

YOHANES 12:37

Salaiwe manambote al᷊aṛṛindu'a apan niola'u Mawu Yesus su saruanni mangitou, i mangitou tawe lai mangngimanna si Tou.

YOHANES 12:41

Yesaya nabbisara aroddi ana waugu i tou suete naasilo awawantugu Mawu Yesus wuṛṛu nabbatti'a su ola'i Tou.

YOHANES 14:13

Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a.

YOHANES 16:27

ana waugu Iamangnga sassane marangngu si yamiu. I Tou marangngu si yamiu ana waugu i yamiu marangngu si Ya'u, wuṛṛu mangngimanna manungku i Ya'u nirumanta wuassu Ruata.

YOHANES 16:30

wuṛṛu i yami masingkatta manungku Mawu masingkattu sarangkanambone. Ipa'ura lai taumata maiwal᷊o manga apa su Mawu. Ana waugu udde i yami mangngimanna Mawu nirumanta wua dingannu Ruata.”

YOHANES 2:1

Rua allo wua'udde pia andeangngu awingnga su soan Kana su Galilea, wuṛṛu inangngu Mawu Yesus isudde lai.

YOHANES 2:23

Tantal᷊anna Mawu Yesus ta'e su Yerusalem, su tempon Rameam Paskah, manambo taumata mangngimanna si Tou ana waugu manga al᷊aṛṛindu'a apan suete niolang-Nge.

YOHANES 3:2

Su sambau ṛabbi i tou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga nirolokku Ruata. Ana waugu tawe saran sangkatou apan wotongnge ma'aola'a tanda ma'aṛṛindu'a ere niola'u Iamangnga, amungkangngu Ruata tawe uaṛṛundinganna si tou.”

YOHANES 4:3

Napawe Mawu Yesus naasingkatta manungku manga taumatan Farisi naaringikke olangnge udde, i Tou inaite wuassu Yudea mabelengnga watukku Galilea.

YOHANES 4:46

Wua'udde Mawu Yesus nabelengke watukku Kana su Galilea, isudde i Tou suete namal᷊u ua'e nabal᷊i anggore. Su soa udde pia sangkatou mammamanaran tembonanne, anangnge marada'a su Kapernaum.

YOHANES 4:54

Eteudde al᷊aṛṛindu'a aruane apan niola'u Mawu Yesus su Galilea napawe i Tou nirumanta wuassu Yudea.

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.

YOHANES 6:14

Napawe taumata nambo udde naasilo al᷊aṛṛindu'a apan niola'u Mawu Yesus, i mangitou nabbisara, “Atonna, ete indi Nabi apan a'antimanna rumanta su runia!”

YOHANES 6:2

Napawe na'omate poiaroddi, manambote taumata uatantalongnga si Tou ana waugu i mangitou suete naasilo manga al᷊aṛṛindu'a apan niolang-Nge ringannu napaapian taumata marada'a.

YOHANES 6:26

Mawu Yesus sinumimbakka, “Atonna i yamiu madde'a si Ya'u wal᷊inewe ana waugu i yamiu naasunnate pandumannu manga al᷊arindu'a apan Ta'u niola'a, arawe ana waugu i yamiu suete inumanna na'oman sara nal᷊aidda.

YOHANES 6:30

“Amungkangngu aroddi,” unni mangitou, “tatiala apa apan ionggolli Iamangnga tadea'u i yami maasilo wuṛṛu mangngimanna Iamangnga? Apa apan sarun olaannu Iamangnga?

YOHANES 7:31

Manambo su wallattu manga taumata udde mannattakke mangngimanna si Tou, wuṛṛu mabbisara, “Amungkangngu Ratum Punnu Sal᷊amatta udde rumanta, apa i Tou wotongnge maaola'a mannamboanna al᷊aṛṛindu'a wuassu taumata indi?”

YOHANES 9:16

Manga pira su wallattu manga taumatan Farisi udde nabbisara, “Tawe mariaddi taumata na'ola'a indi darantane wuassu Ruata, ana waugu i Tou tawe mallaghun allon Sabatta.” Arawe taumata waine lai mabbisara, “Tawe mariaddi taumata marosa wotongnge maaola'a manga al᷊aṛṛindu'a ereindi?” See nasapputte patatatiakka su wallattu addapatti mangitou.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

TAHIUL᷊E 5:24

Unni mangitou, ‘Mawu Ruatan kite buatte namasilon ahahewalla wuṛṛu awawantu-Ge su tempo yami naaringikka si Tou mabbisara wuassu putungnga. Allo indi yami naasilote manungku wotongnge taumata sidutu mabbiakka, salaiwe Mawu Ruata buatte nabbisara si tou.

1 YOHANES 5:13

I ya'u namoṛṛetu suratta indi si yamiu apan mangngimanna Ana'u Ruata, tadea'u i yamiu masingkata manungku i yamiu piate biakka tutune wuṛṛu saran mal᷊annu-l᷊annu.