YOHANES 18:4 - WUKE SUSI WATTI'U AL᷊AL᷊USASSA

⁴ Mawu Yesus masingkattu sarangkanambone apan sarun mariaddi su watangan-Ne. Ne i Tou nangundanite manga taumata udde wuṛṛu naiwal᷊o, “I yamiu maddea'a sisai?”

YOHANES 18:4 Iomraidhean Croise

1 MARARATU 18:10

Ringannu arannu Mawu apan biakka, Ruata apan sassubbannu Iamangnga, i ya'u mamasingkatta manungku ratu buatte nandolo'u maddea'a si Iamangnga su alawo'u tampa. Amungkangngu su sambau wanua tembonanne mabbisara manungku Iamangnga tawe poiaroddi, i Ahab maddorongnga tadea'u tembonannu wanua udde massalu manungku Iamangnga atonna tawe niasangkal᷊anna isudde.

NEHEMIA 6:11

Arawe i ya'u sinumimbakka, “I ya'u indi wal᷊ine taumata apan apulune tuttal᷊angngu watanganne. Ere sangkatou taumata wiasa i ya'u tawe wotongnge sumutta su Wal᷊en Mawu, takkudde i ya'u mate. Tawe, i ya'u maddiri!”

DARALO 27:3

Salaiwe i ya'u tatalliwunannu tantara apan manambo, i ya'u tawe mata'utta. Salaiwe rumanta pangalo lumawanganga si ya'u, i ya'u sidutu uaantimma.

DARALO 3:6

I ya'u ual᷊allowanga wuṛṛu mattiilla ringannu matammuda, wuṛṛu napu'ote lai, ana waugu Mawu uaehetta si ya'u.

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 26:2

“I yamiu masingkatta tillorege Allo Wahewam Paskah, wuṛṛu Ana'u Taumata sarun itantilla iapaarussa!”

MATIUS 26:21

Tantal᷊anna i mangitou u'anna, Mawu Yesus nabbisara, “Paddaringikka: Sangkatou wuassu wallatti yamiu sarun mandal᷊eo si Ya'u.”

MATIUS 26:31

See Mawu Yesus nabbisarate su mallal᷊aṛṛenggen-Ne, “Ṛabbi indi lai yamiu sarangkanambone tumal᷊angnga manantang-Ku; ana waugu sulal᷊ummu Wuke Susi uawoṛṛetta, Ruata nabbisara, ‘I Ya'u sarun mamate mallal᷊u'adda udde, wuṛṛu ammul᷊annu dombane sarun massal᷊iawukka.’

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

YOHANES 13:1

Allo massallo tantal᷊anna taambe nia'omanna Allo Wahewam Paskah, Mawu Yesus naasingkatte manungku temponete i Tou manantangngu runia indi mabelengnga ringannu Iamang-Nge. I Tou mandangngu manga taumata apan tatahuanan-Ne su runia, wuṛṛu i Tou sidutu mandangngu si mangitou ma'oman sara panginsueanne.

YOHANES 13:11

Mawu Yesus masingkatte isai apan sarun mamate si Tou. Ana waugu udde i tou nabbisara, “I yamiu indi nawaresite arawe tawe sarangkanambone.”)

YOHANES 18:5

“Mawu Yesus, taumata Nazaret,” sasimbakki mangitou. “Ete i Ya'u indi,” sasimbakku Mawu Yesus. I Yudas mamamate udde uarisikka isudde ringanni mangitou.

YOHANES 18:7

Paassa lai Mawu Yesus naiwal᷊o si mangitou, “I yamiu maddea'a sisai?” “Mawu Yesus taumata Nazaret,” sasimbakki mangitou.

YOHANES 19:28

Mawu Yesus masingkatta manungku orassa udde sarangkanambone natipusse, wuṛṛu tadea'u apa apan uawoṛṛetta sulal᷊ummu Wuke Susi wotongngete mariaddi, i Tou nabbisara, “I Ya'u marou.”

YOHANES 6:64

Arawe pia lai su wallatti yamiu apan tawe mangngimanna.” (Mawu Yesus massingkatte ro'en paarorone isai-sai apan tawe mangngimanna wuṛṛu isai-sai sarun mamate si Tou.)

WATTI'U MANGA RASUL 2:28

I'o suete namantingidu lal᷊anna si ya'u ipatuddan wiakka apan tutune. Al᷊al᷊uassa sia'u ete niapangillembo ana waugu I'o sidutu uatantalongnga si ya'u.’

1 PETRUS 4:1

Ana waugu Kristus suete natataṛṛanga su ola'u wadanga, i yamiu lai ṛinone mannohassa ririnu ringannu apulu naugnga ereudde. Ana waugu taumata apan uatataṛṛanga su ola'u wadanga, tate lai ma'ola'a rosa.