YOHANES 18:37 - WUKE SUSI WATTI'U AL᷊AL᷊USASSA

³⁷ Ne i Pilatus naiwal᷊o si Tou, “Amungkangngu aroddi, I'o indi ratu?” Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”

YOHANES 18:37 Iomraidhean Croise

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

MATIUS 26:64

Mawu Yesus sinumimbakka, “Aroddite ere su wisaranu. Arawe pangimante: manattakka orassa indi yamiu sarun maasilo Ana'u Taumata uma'ianna su samba'an uanannu Ruata Lembo Mataṛṛino, wuṛṛu rumanta sulal᷊ummu winabbawa wuassu langitta!”

MATIUS 27:11

Su tempo Mawu Yesus sinumaruanna Pilatus, gubernure su wanua udde, i Pilatus naiwal᷊o, “Apa i'o ratun taumatan Yahudi?” “Ere su wisaranu,” sinimbakku Mawu Yesus.

MARKUS 14:62

“Ete i Ya'u,” sasimbakku Mawu Yesus, “wuṛṛu i yamiu sarangkanambone sarun maasilo Ana'u Taumata uma'ianna su uanannu Ruata Apan Lembo Mataṛṛino wuṛṛu rumanta sulal᷊ummu winabbawa wuassu langitta!”

MARKUS 15:2

Pilatus naiwal᷊o Mawu Yesus, “Atonna I'o ratun taumatan Yahudi?” “Aroddi ere su wisaranu,” sasimbakku Mawu Yesus.

LUKAS 22:70

I mangitou sarangkanambone nabbisara, “Amungkangngu aroddi, I'o indi Ana'u Ruata?” Mawu Yesus sinumimbakka, “Aroddi ere su wisarang kamiu.”

LUKAS 23:3

See i Pilatus naiwal᷊o Mawu Yesus, “Atonna I'o ratun taumatan Yahudi?” Mawu Yesus sinumimbakka, “Aroddi ere su wisaranu.”

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 3:32

I Tou mabbisara su ola'u apa apan suete niasiloanna wuṛṛu niaringiṛṛan-Ne, arawe tawe saran sangkatou apan mangngimanna tatiala-Ne.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

YOHANES 8:14

Mawu Yesus sinumimbakka, “Salaiwe i Ya'u mangngonggolu tatiala su ola'u riri-U sassane, tatiala-U udde atonna; ana waugu i Ya'u masingkatta wuassuapa i Ya'u nirumanta wuṛṛu watukku apa i Ya'u inai. I yamiu wagga wuassuapa i Ya'u nirumanta wuṛṛu watukku apa i Ya'u inai.

YOHANES 8:45

Arawe i Ya'u mabatti'u atatul᷊idda, wuṛṛu ana waugu eteudde i yamiu maddiri mangngimanna si Ya'u.

YOHANES 8:46

Isai su wallatti yamiu wotongnge maatiala manungku i Ya'u pia dosa? Amungkangngu i Ya'u mabatti'u atatul᷊idda, anio i yamiu tawe mangngimanna si Ya'u?

YOHANES 8:47

Taumata apan darantane wuassu Ruata, madaringikka wisaran Ruata. Arawe i yamiu wal᷊ine wuassu Ruata, ana waugu udde i yamiu maddiri madaringikka.”

1 TIMOTIUS 6:13

Wuṛṛu orassa indi su saruannu Ruata apan nangonggolu niawa su al᷊awo'u sarannapa, wuṛṛu su saruanni Kristus Yesus apan nangonggolu tatiala atonna si Pontius Pilatus, i ya'u madorongnga indi wuassi'o:

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 YOHANES 2:21

Nariaddi ya'u namoṛṛetu suratta indi si yamiu wal᷊inewe ana waugu i yamiu waggan al᷊aṛṛa'a apan naṛṛino, arawe ana waugu i yamiu naaillal᷊ate wuṛṛu i yamiu lai masingkate manungku tawe awusune sulal᷊ummu al᷊aṛṛa'a apan naṛṛino udde.

1 YOHANES 3:14

I ite masingkata manungku i ite nal᷊iute wuassu papate, wuṛṛu nabbiakke apia. I ite masingkatu udde, ana waugu i ite u'akkannu sansul᷊ungngu taumata. Taumata apan tawe umakkana, atappasanne ta'e tataṛṛinoannu papate.

1 YOHANES 3:19

Aroddiwe olangnge i ite maasingkatta manungku i ite nareengnga al᷊aṛṛana'u Ruata apan atonna, wuṛṛu naungngi ite wotongnge matammuda su saruannu Ruata.

1 YOHANES 4:6

Arawe ete i ite indi al᷊aṛṛana'u Ruata; wuṛṛu taumata apan maaillal᷊a Ruata, madaringikka wisaran kite. Taumata wal᷊ine pussa'an Duata maddiri maddaringikka wisaran kite. Aroddiwe olangnge i ite maasingkattu paṛṛalanne Ghaṛṛaho apan mangngonggolu al᷊aṛṛa'a apan atonna, wuṛṛu ghaṛṛaho apan mangngal᷊iwu.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.