YOHANES 18:36 - WUKE SUSI WATTI'U AL᷊AL᷊USASSA

³⁶ Mawu Yesus nabbisara, “Araratuang-Ku wal᷊ine wuassu runia indi. Unnu wisara araratuang-Ku wuassu runia indi, manga taumata-U sarun mando'appa, tadea'u i Ya'u tawe itantilla su manga tembonannu Yahudi. Arawe atonna araratuang-Ku wal᷊ine wuassu runia indi!”

YOHANES 18:36 Iomraidhean Croise

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

MATIUS 26:53

Su naungngu i Ya'u tawe maarorongnga tul᷊unganna wuassi Iamangku, wuṛṛu i Tou ringannu mal᷊ihakka mandolokku mapul᷊o dua pia lebbene wageangngu tantara mala'ekatta?

LUKAS 12:14

Mawu Yesus sinumimbakka, “Tuṛṛangnga, isai namile si ya'u maola'a mallaṛṛuungnga ara'e matatahia darotongnga pussa'a su wallatti raddua?”

YOHANES 18:35

I Pilatus sinumimbakka, “Antimannu ya'u indi taumatan Yahudi? Apan nanantillu riri-Nu si ya'u udde walahannu sassane wuṛṛu manga imam tembonanne. Apa apan suete niolangngu?”

YOHANES 6:15

Mawu Yesus masingkatte i mangitou nirumanta tuddane mamata'i Tou maola'a ratu mangitou. Ana waugu udde i Tou inaite nassal᷊iu watukku wageangnge pia wuidda.

YOHANES 8:15

I yamiu mammarikissa taumata ringannu apulun taumata; i Ya'u tawe mamarikissa saran sangkatou.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

1 TIMOTIUS 6:13

Wuṛṛu orassa indi su saruannu Ruata apan nangonggolu niawa su al᷊awo'u sarannapa, wuṛṛu su saruanni Kristus Yesus apan nangonggolu tatiala atonna si Pontius Pilatus, i ya'u madorongnga indi wuassi'o: