YOHANES 18:28 - WUKE SUSI WATTI'U AL᷊AL᷊USASSA

²⁸ Rua'allo maṛṛanggapa i mangitou nangapiddu Mawu Yesus wuassu wal᷊en Kayafas watukku wal᷊en gubernure. Manga taumatan Yahudi sassane tawe sinumutta sulal᷊ummu wal᷊en araratuanna, tadea'u i mangitou tawe mabbal᷊i marosa su ola'u agama, ana waugu i mangitou lai inai umanna annu Paskah.

YOHANES 18:28 Iomraidhean Croise

DARALO 35:16

I mangitou sidutu mangngal᷊uandaga sangkatou peṛṛo, wuṛṛu ma'ellega si ya'u ringannu maddantunna.

AMSAL 1:16

I mangitou tawe matatana'a mal᷊annabba amungkangu taambe na'ola'a al᷊al᷊eo. I mangitou apulune mal᷊iha-l᷊ihakka mamate.

AMSAL 4:16

Taumata lal᷊eo tawe maatiilla tantal᷊anna taambe na'ola'a al᷊al᷊eo. I mangitou tawe amatiil᷊anna tantal᷊anna taambe napanilaka taumata waine.

YEHEZKIEL 45:21

Su allo mapul᷊o appatta wul᷊anna paarorone, i yamiu ṛinone mallaghun Andeangngu Paskah. Pitu allo al᷊annune anambon taumata ṛinone umanna roti apan tawe ragine.

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

MATIUS 27:27

Wua'udde manga tantaram Pilatus nangapidde Mawu Yesus sumutta su wal᷊en gubernure, wuṛṛu anambon tantara udde naammulla namal᷊iwutta Mawu Yesus.

MARKUS 15:16

Mawu Yesus niapidde manga tantara su tampa mallaṛṛuungnga su wal᷊e gubernure. Wua'udde tantara niwagoante ma'ammulla.

LUKAS 22:66

Su rua'allone, manga piaṛṛa'u taumatan Yahudi, manga imam tembonanne, wuṛṛu manga hurun agama naammulla, see Mawu Yesus niapidda su saruannu Mallaṛṛuungngu Agama mangitou.

YOHANES 11:55

Tempo udde maranite Allo Wahewam Paskahn Yahudi. Manambo taumata wuassu manga ampungnga inai watukku Yerusalem mallaghum pamamaresi wadangnga tantal᷊anna taambe ramea udde.

YOHANES 18:13

Paarorone i mangitou nangapiddu Mawu Yesus ringanni Hanas, la'iananni Kayafas. I Kayafas eteudde sangkatou imam bahewa su tonna udde.

YOHANES 18:15

I Simon Petrus wuṛṛu sangkatou mallal᷊aṛṛenggenna waine tinumantalongnga Mawu Yesus. Mallal᷊aṛṛenggenna waine indi asingkatannu imam bahewa; nariaddi i tou sinumutta su sambau ringannu Mawu Yesus su rallakku wal᷊en imam bahewa,

YOHANES 18:33

I Pilatus sinumutta apia su wal᷊ene see namaggo Mawu Yesus wuṛṛu naiwal᷊o, “Atonna I'o ratun taumatan Yahudi?”

YOHANES 18:39

Arawe tumuṛṛuttu inanaramannu, i ya'u wiasane mammallossu sangkatou taumatan ṛuumanna su Allo Wahewam Paskah. I yamiu maapulu tadea'u i ya'u mamallossu ratun taumatan Yahudi si yamiu?”

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”

YOHANES 19:14

Tempo udde maranitem puulla mapul᷊o dua allattune, taambe Allo Wahewam Paskah. I Pilatus nabbisara su manga taumata udde, “Indi ratunu!”

YOHANES 19:9

Ne i tou nabelengnga sinumutta sulal᷊ummu wal᷊en araratuanna wuṛṛu napawe Mawu Yesus niapidde sulal᷊umme, i Pilatus naiwal᷊o si Tou, “I'o indi daranta-Nu wuassuapa?” Arawe Mawu Yesus tawe sinumimbakka.

WATTI'U MANGA RASUL 10:28

See i tou nabbisara si mangitou, “Manga tuṛṛangnga sassane masingkatta manungku taumatan Yahudi isassingadu agamane mattembo ara'e ma'ammulu manga taumata wuassu walahanna waine. Arawe Ruata suete namasingkatta si ya'u manungku i ya'u tawe wotongnge massunna taumata waine lal᷊eo wuṛṛu ipapalli.

WATTI'U MANGA RASUL 10:32

Nariaddi pandolokken taumata watukku Yope pamaggo taumata aranne i Simon Petrus, i tou tantal᷊anna uaintal᷊a su wal᷊en sangkatou mallal᷊aha pisi arannen Simon; wal᷊e udde su winggin tahal᷊oangnga.’

WATTI'U MANGA RASUL 11:3

“Anio i'o rudanta su wal᷊e manga taumata apan taambe nissunatta? Ewe'e i'o lai inumanna suadio'a ringanni mangitou!”

WATTI'U MANGA RASUL 3:13

Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou.

WATTI'U MANGA RASUL 4:27

Ana waugu i Herodes wuṛṛu i Pontius Pilatus suete na'ola'a ammula ringannu manga taumata apan tawe ma'aillal᷊a Mawu wuṛṛu ringannu taumatan Israel su soa indi. I mangitou ma'amulla lumawangnga Mawu Yesus allang-Ngu apan na'ukkassa udde, apan suete nitene-Gu maola'a Ratum Punnu Sal᷊amatta.

TAHIUL᷊E 16:2

Roote watukku tampa apan nipilen Mawu inai mamototta suwallatu sambau wuassu ambinga domba ara'e sapinu, maola'a sasamban Paskah ipangaddata Mawu Ruatanu.