YOHANES 18:11 - WUKE SUSI WATTI'U AL᷊AL᷊USASSA

¹¹ Ne Mawu Yesus nabbisara si Petrus, “Sutta'a apia hal᷊elenu su romane! Apa i'o maṛṛingidda i Ya'u tawe maainumma ua'en asasusa apan nionggolu Iamangnga si Ya'u?”

YOHANES 18:11 Iomraidhean Croise

2 SAMUEL 16:10

Arawe ratu nabbisara si Abisai wuṛṛu si Yoab iaangnge, “Ariete paddaringiṛṛe. Wala'e aroddi i tou mantal᷊a'u. Ana waugu amungkangu Mawu nandolokki tou, isai apan pia taṛṛino maiwal᷊o anio inolaanni tou aroddi?”

DARALO 75:8

Arawe ete Ruata sassane apan makkuungnga, i Tou mapawawon sangkatou wuṛṛu mapatanggaku waine.

YEHEZKIEL 23:31

I'o nangaṛṛussa iaangngu, ana waugu udde i'o sarun Ta'u iṛṛuumanna ringannu ṛuumanna apan uasul᷊ungnga.”

MATIUS 20:22

“I yamiu wagga apa apan raddoronganni yamiu,” wisara Mawu Yesus si mangitou. “Wotongngewe i yamiu ma'inumma wuassu mangkon asasusa apan sarun Ta'u inumanna?” “Wotongnge,” sasimbakki mangitou.

MATIUS 26:39

Wua'udde Mawu Yesus inaite marau addio'a, see i Tou inumal᷊intuda su leta'a wuṛṛu inumal᷊iomanna. “Iamangnga,” wisara-Ne, “amungkangngu wotongnge, paaraua'a wuassia'u asasusa apan maṛṛia'a si Ya'u indi. Arawe arie tumuṛṛuttu apulu-U, arawe tumuṛṛuttu apulun Iamangnga sassane.”

MATIUS 26:42

Apia lai Mawu Yesus inaite inumal᷊iomanna, wisara-Ne, “Iamangnga, amungkangngu asasusa indi sarun maṛṛia'a si Ya'u wuṛṛu tate ial᷊inda'a, apulu-Nu ariadite Iamangnga.”

LUKAS 12:30

Sarangkanambone udde raddeaannu taumata apan waggan Ruata. Arawe Iamangngu masingkatta manungku i yamiu mappandumma sarangkanambone udde.

LUKAS 22:42

see inumal᷊intuda wuṛṛu inumal᷊iomanna, “Iamangnga,” wisara-Ne, “amungkangngu wotongnge, paaraua'a wuassia-U sansara apan sasaruanang-Ku indi. Arawe arie tumuṛṛuttu apulu-U, ewe'e tumuṛṛuttu apulun Iamangnga.” [

YOHANES 15:10

Amungkangngu i yamiu tuttuṛṛutta manga parenta-U, i yamiu sidutu matammuda su darangngu-U ere lai sidutu matuṛṛutta su darangngun Iamangnga ana waugu tuttuṛṛutta manga parenta-Ne.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

YOHANES 18:36

Mawu Yesus nabbisara, “Araratuang-Ku wal᷊ine wuassu runia indi. Unnu wisara araratuang-Ku wuassu runia indi, manga taumata-U sarun mando'appa, tadea'u i Ya'u tawe itantilla su manga tembonannu Yahudi. Arawe atonna araratuang-Ku wal᷊ine wuassu runia indi!”

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

2 KORINTUS 10:4

Manga ahidda apan ipappaatti yami sulal᷊ummu manaran kami wal᷊inewe ahidda wuassu runia indi, arawe ahidda wuassu Ruata uataṛṛino. Ringannu manga ahidda udde i yami maṛṛimunsa'a manga tampa mangitou; i yami manniko'u manga patatatiakka

2 KORINTUS 6:7

wuṛṛu ringannu mabbatti'a watti'u Ruata wuṛṛu ringannu taṛṛinon Duata, i yami mapaal᷊iatta'a manungku i yami indi allangngu Ruata. I yami uaagassa apulu Ruata maola'a ahiddi ami ipamangalo ara'e ipannohassa wadangngi yami.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.