YOHANES 18:1 - WUKE SUSI WATTI'U AL᷊AL᷊USASSA

¹ Napawe Mawu Yesus sueten inumal᷊iomanna aroddi, i Tou wuṛṛu manga mallal᷊aṛṛenggen-Ne inaite su samba'an Sal᷊ukku Kidron. Isudde pia sambau wailla, ne Mawu Yesus wuṛṛu manga mallal᷊aṛṛenggen-Ne sinumuttate su wailla udde.

YOHANES 18:1 Iomraidhean Croise

PANDARIADDI 2:15

Wua'udde Ruata napatana'u taumata udde su waillu Eden iapamanara wuṛṛu iapapaddul᷊i wailla udde.

PANDARIADDI 3:23

Ne Ruata nallimbuakka taumata wuassu waillu Eden wuṛṛu nirolokka itarua mattinsahadda su leta'a apan naola'a inasapputanni mangitou.

2 SAMUEL 15:23

Tumanangnge sarangkanambone lulluai ringannu ma'ikkatta napawe manga tantaran Daud nanantangngu soa. Wua'udde ratu tinumumbete ana'u Sal᷊ukku Kidron tatantalongannu tantarane, ana see niumamatte i mangitou su wadda'a.

1 MARARATU 15:13

Iupungnge wawine, i Maakha, niapaaddone wuassu manarane Inangngu ratu, ana waugu i tou buatte na'ola'a paaluanna sassubbanna apan masandaga hunan Asyera, mongannu asasuwukka. I Asa napaṛṛa'a paal᷊uanna udde wuṛṛu nisoṛṛobba su Wawal᷊annu Kidron.

1 MARARATU 2:37

Amungkangngu i'o waṛṛani sumabbangnga wuṛṛu inai sumabbi ana'u Sal᷊ukku Kidron, i'o sarun pateanna; wuṛṛu ete i'o sassane apan mamasanna pasasal᷊a udde.”

2 MARARATU 23:12

Manga mezbah apan niola'u manga ratun Yehuda su atuppa su wowon manga wallo'an Datu Ahas, nihohakka. See lai manga mezbah apan niola'i Ratu Manasye su darua rallaku Wal᷊en Mawu, nihohakki Yosia, ana see niramme su Wawal᷊annu Kidron.

2 MARARATU 23:4

Wua'udde ratu namarenta si Imam Bahewa Hilkia, manga imam masasumbalane, manga mandariaga apan mammanara su ngaran Wal᷊en Mawu, tadea'u niapasabbanga wuassu Wal᷊en Mawu anambon saranapa apan nipaatta ipassubba si Baal, Dewi Asyera, wuṛṛu manga anumpitanna. Anambon saranapa udde nitambunni Ratu Yosia su liuddu soa maranin Bawal᷊annu Kidron, ana see awune niapidda watukku Betel.

2 MARARATU 23:6

Paal᷊uannu Dewi Asyera niapasabbangi tou wuassu, Wal᷊en Mawu, wuṛṛu niapidda su liuddu soa watukku Wawal᷊annu Kidron. Poiaroddi paal᷊uanna udde nitutunga, ana see munsinge tinumma'a al᷊ussa, wuṛṛu awune nisal᷊iawukka su labbingu awada'alla.

2 TAWARIKH 15:16

Wua'udde i Ratu Asa napaillol᷊on iupungnge i Maakha, wuassu manarane Inangngu Ratu ana waugu i tou buatte nallanginnu paal᷊uanna sassubanna apan masandaga si Asyera, mongannu asasuwukka. Asa napaṛṛa'a wuṛṛu nakkimunsa'a paal᷊uanna udde ana see tinutungnga su wawal᷊annu Kidron.

2 TAWARIKH 30:14

Manga mezbah su Yerusalem apan nipaatta pangangadoannu sasamba wuṛṛu panambunannu amania su manga monganna, sarangkanambone nianu wuṛṛu niramme su Wawal᷊annu Kidron.

NEHEMIA 2:15

Nariaddi, i yami sinumossokka watukku Wawal᷊annu Kidron wuṛṛu nanassu amatanna su ṛabbi udde lai, lapiddu mammarikissa darandungngu soa. Wua'udde udde i yami nabbeṛṛo wuṛṛu nabbelengnga watukku soa niumamatta Ngara Wahewallu Wawal᷊anne.

YEREMIA 31:40

Ahewallu wawal᷊anne udde, apan nipaatta naola'a pallabbinganna wuṛṛu tampa pandammeannu sapadda, wuṛṛu anambon wawail᷊anna su wiwikku Sal᷊ukku Kidron maddatingngu Ngara Pasallanganna Awal᷊o watukku ra'i, sarun iṛṛa'e si Ya'u. Soan Yerusalem tate ihohakka apia ara'e ṛimunsaanna.”

IMAMATTA 2:6

Roti apan nionggola udde rinone pesanganna, ana see lal᷊inannu lanan zaitun.

MATIUS 26:30

Wua'udde i mangitou nangantarin sambau antari daralo. Wuṛṛu wua'udde i mangitou inaite watukku Wuiddu Zaitun.

MATIUS 26:36

Wua'udde Mawu Yesus inaite ringannu manga mallal᷊aṛṛenggen-Ne su sambau tampa aranne Getsemani. Poiaroddi i Tou nabbisara si mangitou, “A'iante isindi tantal᷊anna i Ya'u inai umal᷊iomanna.”

MARKUS 14:26

Wua'udde i mangitou nangantarin sambau antari daralo. Wuṛṛu wua'udde i mangitou inaite su Wuiddu Zaitun.

MARKUS 14:32

I mangitou na'omate su sambau tampa aranne Getsemani, wuṛṛu Mawu Yesus nabbisarate mallal᷊aṛṛenggen-Ne, “A'iante isindi tantal᷊anna i Ya'u inai umal᷊iomanna.”

MARKUS 14:42

Pabbangunte, wette i ite inaite. Pa'ellega! Taumata apan mamate Sia'u uddete!”

YOHANES 14:31

Arawe sarangkanambone udde sarun mariaddi tadea'u runia maatutukka manungku i Ya'u marangngu Iamangnga wuṛṛu tuttuṛṛutta al᷊awo'u apa apan nirolokku Iamangnga si Ya'u. Ne, wette i ite inaite mangingkatta wua isindi.”

YOHANES 18:26

Sangkatou allangngu imam bahewa, eteudde walahannu taumata tal᷊ingane niponggo'i Petrus, nabbisara, “Wal᷊inewe i ya'u naasilo si'o su wailla udde suadio'a ringanni Tou?”

WATTI'U MANGA RASUL 21:11

I tou nirumanta ringanni yami ana see nanganu papeṛṛetti Paulus. Ringannu papeṛṛetta udde i tou nama'issa ledda wuṛṛu limane sassane ana see nabbisara, “Ete indi apan niapaasingkattu Ghaṛṛahon Ruata: Tatahuannu papeṛṛetta indi sarun ṛapusannu manga taumatan Yahudi ereindi su Yerusalem, wuṛṛu itantilla su manga taumata wal᷊ine Yahudi.”