YOHANES 17:3 - WUKE SUSI WATTI'U AL᷊AL᷊USASSA

³ Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YOHANES 17:3 Iomraidhean Croise

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

2 TAWARIKH 15:3

Tumaniten mal᷊annu Israel tawe maddaringikka Ruata apan naṛṛino, tawe manga tita apan tinuṛṛutanne, wuṛṛu lai tawe manga imam apan mangngangaṛṛa'a si mangitou.

DARALO 9:10

Mawu udde tampa pattillummannu taumata apan aumpisananna, tampa passirunganna sutempon asasusa.

AMSAL 8:35

Isai apan maasomba si ya'u, sarun ma'ompa'a wiakka, ete si tou Mawu mal᷊uassa.

YESAYA 48:16

Rantate marani-U wuṛṛu paddaringikke, ro'en dorone i Ya'u mabbisara ringannu masemakka; wuṛṛu wisara-U sidutu Ta'u a'olaanna lumiatta'a.” Orassa indi Mawu Ruata nandolo'u wuṛṛu nangonggolla si ya'u taṛṛino-Ne sassane.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

MARKUS 9:37

“Taumata apan manarimmattu sangkatou ana'a ereindi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatta si Ya'u, i tou wal᷊ine tumba'u manarimmatta si Ya'u, arawe manarimmattu lai si Tou apan nandolo-U.”

LUKAS 9:48

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”

YOHANES 10:36

anio i yamiu mabbisara si Ya'u mangngadio'a Ruata ana waugu nabbisara i Ya'u Ana'u Ruata? Sumbal᷊i Ya'u nipilen Ruata wuṛṛu nirolokka watukku runia.

YOHANES 11:42

I Ya'u masingkatta I'o sidutu uararingikka si Ya'u, arawe I Ya'u mabbisara indi, hunane su manga taumata isindi; tadea'u i mangitou mangngimanna manungku ete I'o apan nandolo-U.”

YOHANES 14:26

Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.

YOHANES 17:18

Ere lai Iamangnga suete nandolo-U su runia, aroddi lai Ya'u mandolokki mangitou watukku runia.

YOHANES 17:21

I Ya'u sumal᷊ande, Iamangnga, tadea'u i mangitou sarangkanambone maola'a sambau, ere lai Iamangnga sambau ringang-Ku, wuṛṛu i Ya'u ringannu Iamangnga. Sal᷊andeanna i mangitou maola'a sambau ringanni Ite, tadea'u runia mangngimanna manungku ete Iamangnga apan nandolo-U.

YOHANES 17:23

I Ya'u ringanni mangitou, wuṛṛu Iamangnga ringang-Ku; tadea'u i mangitou atonna-tonna sambau. Ne runia indi sarun maasingkatta manungku ete Iamangnga apan nandolo-U, wuṛṛu manungku Iamangnga mandangngu si mangitou ere lai Iamangnga mandangngu si Ya'u.

YOHANES 17:25

Iamangnga apan matul᷊idda! Runia tawe maaillal᷊a Iamangnga, arawe i Ya'u maaillal᷊a Iamangnga; wuṛṛu manga taumata indi masingkatta manungku ete Iamangnga, apan nandolo-U.

YOHANES 17:8

Suete Ta'u niapaasingkatta si mangitou wisaran Iamangnga apan nionggolu Iamangnga si Ya'u; wuṛṛu suete nisengkammi mangitou. I mangitou masingkatta manungku i Ya'u atonna-tonna nirumanta wuassu Iamangnga wuṛṛu i mangitou lai mangngimanna manungku ete Iamangnga apan nandolo-U.

YOHANES 3:17

Ana waugu Ruata nandolokku Anang-Nge wal᷊ine maṛṛuungngu runia indi, arawe manal᷊amatta runia indi.

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

YOHANES 5:44

Ereapa i yamiu wotongnge apangimananna, amungkangngu i yamiu maddea'a daralo wuassu sansul᷊ungngu taumata, wuṛṛu tawe mappandumma maddea'a daralo wuassu Ruata apan Tinggassa?

YOHANES 6:57

Iamangnga apan wiakka udde, nandolo-U wuṛṛu i Ya'u lai mabbiakka sulal᷊ummu Iamangnga. Aroddi lai taumata apan umanna ṛeme-U sarun mabbiakka wuassia-U.

YOHANES 7:29

I Ya'u maaillal᷊a si Tou, ana waugu i Ya'u nirumanta wua dinganni Tou, wuṛṛu ete i Tou apan nandolo-U.”

YOHANES 8:19

“Iamangngu udde suapa?” aiwal᷊o mangitou. Mawu Yesus sinumimbakka, “I yamiu tawe maaillal᷊a si Ya'u aroddi lai Iamang-Ku. Unnu wisara i yamiu maaillal᷊a si Ya'u, i yamiu lai sarun maaillal᷊a Iamang-Ku.”

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

FILIPI 3:10

Tumba'u sambau apan ipaapulu'u eteudde tadea'u i ya'u maaillal᷊a si Kristus, wuṛṛu maapendamma taṛṛino apan napaawiakki Tou wuassu papate. I ya'u maapulu matataṛṛanga suaddio'a ringanni Tou wuṛṛu maola'a uasul᷊ungnga ere i Tou su ola'u papate-Ne.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

2 PETRUS 1:2

Doronganna Ruata mangonggolu al᷊amatta wuṛṛu paddarame si yamiu ringannu manambo-nambo, ana waugu i yamiu maaillal᷊a Ruata, wuṛṛu Yesus, Mawun kite.

2 PETRUS 1:3

Ruata suete nappaattu taṛṛino-Ne sassane wuṛṛu nangonggolu al᷊awo'u sarannapa si ite apan ipappaatta su patataṛṛamawuanna. Inolaanni Tou indi wuassu apa apan niasingkatanni ite su ola'u Mawu Yesus Kristus, apan suete namaggo si ite mamendamma awawantu-Ge wuṛṛu apapia-Ne.

2 PETRUS 1:8

Sarangkanambone eteudde manga pallal᷊agu apan pappandumanni yamiu. Amungkangu manga pallal᷊agu udde pia si yamiu ringannu manambo-nambo, i yamiu mabbal᷊i maṛṛimada wuṛṛu pia buane, wuṛṛu maaillal᷊a Yesus Kristus Mawun kite ringannu lembon mapia lai.

1 YOHANES 1:2

Su tempo wiakka udde niapaal᷊iatta'a, i yami naasilo. Ana waugu udde i yami nattiala su olange udde. I yami mammasingkata si yamiu su ola'u wiakka tutune wuṛṛu saran mal᷊annu-l᷊annu, apan su sambau ringannu Ruata Iamangnga, wuṛṛu apan suete niapaal᷊iatta'a si yami.

1 YOHANES 1:3

Apa apan suete niasiloanna wuṛṛu niaringiṛṛani yami, eteudde lai apan iappasingkati ami si yamiu, tadea'u i yamiu suadio'a ringanni ami wotongnge maapendamma wiakka uaaukka ringannu Iamangnga wuṛṛu ringannu Anang-Nge Yesus Kristus.

1 YOHANES 2:23

Taumata apan tawe manga'u Ana'a, atappasanne tawe manengkamma Iamangnga lai. Wuṛṛu taumata apan mangnga'u Ana'a, atappasanne mannengkama lai Iamangnga.

1 YOHANES 4:6

Arawe ete i ite indi al᷊aṛṛana'u Ruata; wuṛṛu taumata apan maaillal᷊a Ruata, madaringikka wisaran kite. Taumata wal᷊ine pussa'an Duata maddiri maddaringikka wisaran kite. Aroddiwe olangnge i ite maasingkattu paṛṛalanne Ghaṛṛaho apan mangngonggolu al᷊aṛṛa'a apan atonna, wuṛṛu ghaṛṛaho apan mangngal᷊iwu.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.