YOHANES 17:20 - WUKE SUSI WATTI'U AL᷊AL᷊USASSA

²⁰ Wal᷊ine tumba'u i mangitou sassane I Ya'u u'al᷊iomanna. I Ya'u lai u'al᷊iomannu manga taumata apan mangngimanna si Ya'u sulal᷊ummu tatialan mangitou indi.

YOHANES 17:20 Iomraidhean Croise

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

YOHANES 17:19

Su hausanni mangitou, i Ya'u nanantillu riri-U maola'a pussa'an Iamangnga sassane, tadea'u i mangitou lai maola'a pussa'an Iamangnga sassane sulal᷊ummu atatul᷊idda.

YOHANES 17:21

I Ya'u sumal᷊ande, Iamangnga, tadea'u i mangitou sarangkanambone maola'a sambau, ere lai Iamangnga sambau ringang-Ku, wuṛṛu i Ya'u ringannu Iamangnga. Sal᷊andeanna i mangitou maola'a sambau ringanni Ite, tadea'u runia mangngimanna manungku ete Iamangnga apan nandolo-U.

WATTI'U MANGA RASUL 2:41

Manambo taumata mangngimanna watti'i Petrus, see i mangitou naisaṛṛanite. Ne reengannu taumata mangngimanna su allo udde niatambanna lai tallu ṛiwu su atoune.

WATTI'U MANGA RASUL 4:4

Arawe manga taumata apan naaringikke al᷊aṛṛa'u manga rasul udde, manambonampangimanna. Ne reenganni mangitou niatambanna na'oman sara iraṛṛangngo lima ṛiwu su atoune.

ROMA 16:26

Arawe orassa indi, wuassu darolokku Ruata sassane, pandumanne udde buatte niapaal᷊iatta'a wuṛṛu niapasingkata su anambon walahanna ere suete niwoṛṛettu manga nabi, tadea'u i mangitou sarangkanambone mangngimanna wuṛṛu tumuṛṛutta Ruata.

EFESUS 4:11

Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.