YOHANES 16:5 - WUKE SUSI WATTI'U AL᷊AL᷊USASSA

⁵ Arawe orassa indi Ya'u sarun inai ringanni Tou apan nandolo-U; wuṛṛu tawe saran sangkatou wuassi yamiu maiwal᷊o, watukkuapa i Ya'u inai.

YOHANES 16:5 Iomraidhean Croise

YOHANES 13:3

Mawu Yesus masingkatta manungku Iamangnga suete nanantillu al᷊awo'u taṛṛino si Tou. I Tou masingkatta lai manungku i Tou nirumanta wua dingannu Ruata wuṛṛu sarun mabelengnga lai ringannu Ruata.

YOHANES 13:36

“Mawu, Mawu inai watukkuapa?” aiwal᷊on Simon Petrus su Mawu Yesus. Mawu Yesus sinumimbakka, “Su tampa tuddang-Ku, i'o tawe maatantalongnga orassa indi. I'o sarun tumantalongnga si Ya'u sal᷊immurine.”

YOHANES 14:28

Yamiu suete naaringikka si Ya'u mabbisara, ‘I Ya'u sarun manantangngi yamiu, arawe i Ya'u sarun mabelengnga apia ringanni yamiu’. Amungkangngu i yamiu mandangngu si Ya'u, i yamiu sarun lumuassa ana waugu i Ya'u inai ringannu Iamangnga, ana waugu Iamangnga magewal᷊anna wuassia-U.

YOHANES 16:10

manungku i Ya'u atonna, ana waugu i Ya'u inai ringannu Iamangnga wuṛṛu i yamiu tate maasilo si Ya'u lai;

YOHANES 16:16

“Ete adio'a lai tempone, i yamiu tate maasilo si Ya'u, wuṛṛu ete adio'a lai tempone i yamiu sarun maasilo si Ya'u.”

YOHANES 16:17

Sire pira mallal᷊aṛṛenggennu Mawu Yesus uaaiwal᷊ote sangkatou ringannu waine, “Apa pandumanne i Tou nabbisara si ite, ‘Ete adio'a lai yamiu tate maasilo si ya'u, wuṛṛu ete adio'a lai yamiu sarun maasilo si Ya'u’? Apa lai pandummu wisara-Ne: ‘I Ya'u inai ringannu Iamangnga’?”

YOHANES 16:28

Atonna i Ya'u nirumanta wua dingannu Iamangnga, wuṛṛu suete nirumanta sulal᷊ummu runia. Arawe orassa indi Ya'u manantangken runia inai mabelengnga ringannu Iamangnga.”

YOHANES 17:13

Orassa indi i Ya'u rumanta ringannu Iamangnga. Sarangkanambone indi iwal᷊o'u tantal᷊anna i Ya'u ta'e su runia; tadea'u i mangitou ringannu nasuungnga mamendamma al᷊al᷊uassa wuassia-U.

YOHANES 17:4

I Ya'u suete namantuga Iamangnga su wowon dunia indi ringannu nanginsue manara apan nirolokku Iamangnga si Ya'u.

YOHANES 6:62

Ereapa olangnge amungkangngu i yamiu maasilo Ana'u Taumata masengkengnga apia su tampane apan paarorone?

YOHANES 7:33

Mawu Yesus nabbisara su taumata nambo su Wal᷊e Mawu, “Ete lai tal᷊ang kadio'a i Ya'u su sambau ringanni yamiu. Wua'udde i Ya'u sarun mabelengnga ringanni Tou apan nandolo-U.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.