YOHANES 16:20 - WUKE SUSI WATTI'U AL᷊AL᷊USASSA

²⁰ Pangimante, i yamiu sarun lumuai wuṛṛu sumangitta, arawe runia sarun lumuassa. Naungngi yamiu sarun masusa, arawe asasusanu udde sarun mawal᷊u maola'a al᷊al᷊uassa.

YOHANES 16:20 Iomraidhean Croise

AYUB 20:5

al᷊al᷊uassu taumata lal᷊eo tumba'u tal᷊angkadio'a, wuṛṛu lal᷊umanna'u taumata mal᷊awangnga tumba'u sangkaṛṛondappa?

DARALO 30:11

Daringiṛṛewe, oh Mawu, wuṛṛu akkanaawe i ya'u. Mawu ontol᷊ewe i ya'u!”

DARALO 30:5

Pangantariten daralo su Mawu, ei walahan-Ne apan matuṛṛutta, wuṛṛu aal᷊iomante su Apan Lembonsusi.

DARALO 97:11

Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

MATIUS 21:38

Arawe su tempo mamamanaram bailla udde naasilo ana'u tatahuannu leta'a udde, i mangitou uawawisara sangkatou ringannu waine, ‘Ei, indete i tou apan manahuanna. Wette i ite mamate si tou tadea'u i ite maasomba wageangnge!’

MATIUS 5:4

Lal᷊umanna'a su taumata apan massusa naungnge; Ruata sarun malluassa naungngi mangitou!

MARKUS 14:72

Orassa udde lai manu'a inumu'u aruane. Wuṛṛu Petrus naanaungnga manungku Mawu Yesus suete nabbisara si tou. “Tantal᷊anna manu'a taambe inumu'u paarua, i'o paatallute massinaadu riri-U.” Ne Petrus lulluaite ringannu massusa atonna.

MARKUS 16:10

Ne i Maria Magdalena inaite namasingkattu arariadianna udde su manga hawe Mawu Yesus, apan tantal᷊anna massusa wuṛṛu lulluai. Wua'udde Mawu Yesus sassane nappaattu mallal᷊aṛṛenggen-Ne nabbati'a wuassu ra'i watukku waṛṛatta, watti'a susi wuṛṛu tawe panginsueanne su ola'u asasal᷊amatta apan saran mal᷊annu-l᷊annu.]

LUKAS 22:45

Napawe suete inumal᷊iomanna, Mawu Yesus nabelengke apia ringannu manga mallal᷊aṛṛenggen-Ne. I Tou naaratingnga si mangitou tantal᷊anna mattiilla ana waugu massusa.

LUKAS 22:62

Ne sinumabangke i Petrus wua'isudde wuṛṛu nilumuaite.

LUKAS 23:27

Manambo taumata uatantuṛṛutta liuddu Mawu Yesus – su wallatti mangitou pia sire pira wawine. Manga wawine udde lulluai wuṛṛu massusa Mawu Yesus.

LUKAS 24:17

See Mawu Yesus nabbisara, “Apa ipagahatong kamiu su tangngan dal᷊anna indi?” I mangitou natta'alla ringannu naungnga nasusa.

LUKAS 24:21

Sumbal᷊i yami mangngantimma manungku ete i Tou mamallossu Israel! Wuṛṛu allo indi allo atallune wuassu olangnge udde nariaddi.

LUKAS 6:21

Lal᷊umanna'a i yamiu apan mal᷊unussa orassa indi; i yamiu sarun iapaal᷊aidda! Lal᷊umanna'a i yamiu apan lulluai orassa indi; i yamiu sarun lumagge!

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

YOHANES 16:6

Orassa indi ewe'e naungngu niatambanna asasusane, ana waugu i Ya'u namasingkattu olangnge udde si yamiu.

YOHANES 20:20

Napawe suete nabbisara aroddi, i Tou namasiloten lima-Ne wuṛṛu sandiṛṛan-Ne si mangitou. Su tempo naasilo Mawu, i mangitou lembo nilumuassa.

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

ROMA 5:11

Wuṛṛu nangillembo wua isudde, i ite lai lullala'a ana waugu apapian Duata sulal᷊ummu Mawun kite Yesus Kristus. Ana waugu sulal᷊ummu Mawu Yesus, i ite orassa indi naapendampe paa'aukki ite apan mapia udde ringannu Ruata.

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

1 TESALONIKA 1:6

I yamiu uantantalongnga pallal᷊agun kami wuṛṛu tul᷊adan Mawu. Salaiwe i yamiu tumaniten uatataṛṛanga, i yamiu mannal᷊oho ringannu naungnga mal᷊uassa watti'a apan iwabbatti'i yami si yamiu. Al᷊al᷊uassa udde nionggolu Ghaṛṛahon Duata.

YAKOBUS 1:2

Manga tuṛṛangnga! Amungkangu yamiu sumaruanna al᷊awo'u hatin bawono'a, ṛinone itarimatti yamiu ere auntunganna.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

SONDAPPA 11:10

Tumana'u runia sarun lumuassa ana waugu inapateannu tiala darua udde. I mangitou sarun maddamea wuṛṛu sarun ma'a'agilu aonggola, ana waugu ruang katou nabi udde suete nandantan anambon asasusa su anambon taumata su runia.

SONDAPPA 18:7

Onggol᷊a'a si tou papaṛṛanga wuṛṛu asasusa apan anambone uasul᷊ungngu awawantuga wuṛṛu pa'a'ala apan nionggole su wadange sassane. Ana waugu i tou sidutu mabbisara su watanganne, ‘I ya'u indi ratu apan mammarenta: I ya'u wal᷊ine wawine wal᷊u; i ya'u sarun tawe mamendama asasusa!’