YOHANES 16:2 - WUKE SUSI WATTI'U AL᷊AL᷊USASSA

² I yamiu sarun iapaasabangnga wuassu manga wal᷊em pattataṛṛamawuanna. Wuṛṛu sarun a'omanna tempone manungku taumata apan mamate si yamiu massunna i tou massubba Ruata.

YOHANES 16:2 Iomraidhean Croise

YESAYA 65:5

I mangitou mabbisara ‘Roote paarau, arie pangeṛṛetta si yami ana waugu i yami na'ukkassa wuṛṛu uaṛṛae wuassi yamiu!’ I Ya'u tawe maaṛṛaddanna maasilo pallal᷊aghu mangitou! Asasa'u-U si mangitou naal᷊ihidda putungnga apan tawe mappaddumma.

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

DANIEL 11:33

Manga taumata apan pande mamiaṛṛia'u tumanangnge sarun ma'ola'a manambo taumata maasunna. Arawe su manga pira tempo al᷊annune, manga pira suwallatti mangitou sarun iapate ana waugu pangalo wuṛṛu putungnga, wuṛṛu manga pirang katou lai sarun pangaṛṛoanna wuṛṛu niatawanna.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

MATIUS 24:9

Wua'udde i yamiu sarun sametanna wuṛṛu itantilla iapasansara wuṛṛu pateanna. Ahewallu runia sarun marantinni yamiu, ana waugu i yamiu mallal᷊aṛṛenggeng-Ku.

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!

YOHANES 12:42

Salaiwe aroddi, manambo taumata, ewe'e lai su wallattu tembonannu Yahudi lai mangngimanna Mawu Yesus. Arawe i mangitou tawe waṛṛani manga'u udde ringannu uahahati, ana waugu i mangitou matta'utta aṛṛengenne taumatan Farisi maningaddi mangitou sumutta su wal᷊em pattataṛṛamawuanna.

YOHANES 16:25

“Sarangkanambone indi Ta'u iwal᷊o si yamiu ringannu sasumandingnga. Arawe sarun a'omanna tempone, i Ya'u tate mappaattu sasumandingnga lai, arawe mabbisara uahahati si yamiu su ola'u Iamangnga.

YOHANES 16:32

Paanaunge! Tempone sarun rumanta, ewe'e nia'omante, i yamiu sarun massal᷊iawukka. I yamiu sarun mapul᷊e su wal᷊en sangkatou-sangkatou wuṛṛu manantang-Ku sassane. Arawe i Ya'u tawe sassane ana waugu Iamangnga udde ringang-Ku.

YOHANES 4:21

“Pangimante,” unnu Mawu Yesus si tou, “su sambau tempo taumata sarun massubba Iamangnga, wal᷊ine lai su wuidda indi, wuṛṛu wal᷊ine lai su Yerusalem.

YOHANES 4:23

Arawe tempone sarun dumanta, nirumantate, manungku ringannu taṛṛino Ghaṛṛahon Ruata manga taumata saru massubba Iamangnga maola'a Ruatane apan atonna ere lai ipa'apulun Iamangnga.

YOHANES 9:22

Inangnga iamangngu taumata udde sinumimbakka aroddi ana waugu i mangitou matta'uttu manga piaṛṛa'u Yahudi; ana waugu i mangitou na'irete, manungku taumata apan manga'u Mawu Yesus Ratum Punnu Sal᷊amatta, tate wotongnge sumutta su wal᷊em pattataṛṛamawuanna.

YOHANES 9:34

Sasimbakki mangitou, “Apa? I'o apan napenen rosa ro'e niariaddine, i'o ma'apulu mangngaṛṛa'a si yami?” Ne nanattakka orassa udde i tou isassingadde sumutta su wal᷊em pattataṛṛamawuanna.

WATTI'U MANGA RASUL 5:33

Su tempo manga Mallaṛṛuungngu Agama naaringikka udde, i mangitou mangke nasa'u, wuṛṛu i mangitou na'irete mamate manga rasul udde.

WATTI'U MANGA RASUL 7:56

“Pa'ellega” unni Stefanus, “i ya'u ma'asilo surga nawu'a wuṛṛu Ana'u Taumata uarisikka su samba'an uanannu Ruata!”

1 KORINTUS 4:13

amungkangngu taumata ma'umbilangngi yami, yami mabbal᷊issu wisara apan maal᷊uassa. I yami tawe nangillembo wuassu sapaddu runia indi; na'oman sara orassa indi yami ta'e aellehanna ere sapaddu runia.

FILIPI 3:6

I ya'u lembon mammanara maṛṛimada na'oman sara i ya'u mammate jamaatta. Amungkangu ellehanna wuassu titan agaman Yahudi, ya'u sangkatou taumata mapia apan tawe sal᷊ane.

SONDAPPA 6:9

Wua'udde Ana'u Domba udde namesangnga segele al᷊imane. Ne i ya'u naasilo su al᷊ungngu meddan sasamba pia ṛimuuddu manga taumata nate nipate ana waugu mannohassa tanatan Ruata sulal᷊ummu tiala mangitou.

MAL᷊AṚṚUUNGNGA 6:30

Ana see i mangitou nabbisara si Yoas, “Anangngu buatte nanggohakku mezbah ipassubba si Baal wuṛṛu niṛṛa'a diṛṛin hambarannu Dewi Asyera su samba'an mezbah udde. Ana waugu udde, apira'e anangngu udde pasabanga'a isindi. I tou ṛinone mate!”