YOHANES 16:16 - WUKE SUSI WATTI'U AL᷊AL᷊USASSA

¹⁶ “Ete adio'a lai tempone, i yamiu tate maasilo si Ya'u, wuṛṛu ete adio'a lai tempone i yamiu sarun maasilo si Ya'u.”

YOHANES 16:16 Iomraidhean Croise

MARKUS 16:19

Napawe Mawu Yesus suete nagahatto mangitou, i Tou nasengkengke watukku surga. Poiaroddi i Tou uaparenta su sampunna ringannu Ruata.

YOHANES 12:35

Mawu Yesus sinumimbakka, “Tumba'u tantal᷊anna adio'a semakka udde su wallatti yamiu. Nariaddi amatte tantal᷊anna semakka udde ta'e pia, tadea'u i yamiu tawe aratingannu randumma. Taumata apan u'amatta su ararandumma wagga suapa pattudanne.

YOHANES 13:3

Mawu Yesus masingkatta manungku Iamangnga suete nanantillu al᷊awo'u taṛṛino si Tou. I Tou masingkatta lai manungku i Tou nirumanta wua dingannu Ruata wuṛṛu sarun mabelengnga lai ringannu Ruata.

YOHANES 13:33

Manga al᷊aṛṛana-U, i Ya'u tate matana'a mal᷊annu lai ringanni yamiu. I yamiu sarun maddea'a si Ya'u, arawe ere suete niwal᷊o-U su manga tembonannu Yahudi, aroddi lai iwal᷊o-U si yamiu; su tampa patuddang-Ku, i yamiu tawe maaranta isudde.

YOHANES 16:10

manungku i Ya'u atonna, ana waugu i Ya'u inai ringannu Iamangnga wuṛṛu i yamiu tate maasilo si Ya'u lai;

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

YOHANES 16:28

Atonna i Ya'u nirumanta wua dingannu Iamangnga, wuṛṛu suete nirumanta sulal᷊ummu runia. Arawe orassa indi Ya'u manantangken runia inai mabelengnga ringannu Iamangnga.”

YOHANES 16:5

Arawe orassa indi Ya'u sarun inai ringanni Tou apan nandolo-U; wuṛṛu tawe saran sangkatou wuassi yamiu maiwal᷊o, watukkuapa i Ya'u inai.

YOHANES 17:13

Orassa indi i Ya'u rumanta ringannu Iamangnga. Sarangkanambone indi iwal᷊o'u tantal᷊anna i Ya'u ta'e su runia; tadea'u i mangitou ringannu nasuungnga mamendamma al᷊al᷊uassa wuassia-U.

YOHANES 17:5

Iamangnga! Wantuhete i Ya'u orassa indi ringannu Iamangnga, ringannu awawantuga apan tatahuanang-Ku suadio'a ringannu Iamangnga ro'en runia indi taambe nariaddi.

YOHANES 7:33

Mawu Yesus nabbisara su taumata nambo su Wal᷊e Mawu, “Ete lai tal᷊ang kadio'a i Ya'u su sambau ringanni yamiu. Wua'udde i Ya'u sarun mabelengnga ringanni Tou apan nandolo-U.

WATTI'U MANGA RASUL 1:3

Napawe i Tou wua nate, al᷊annune appatu pul᷊o su allone i Tou masokka mapaal᷊iatta'u inolaan-Ne apan masemakka su manga rasul udde manungku i Tou atonna-tonna wiakka. I mangitou ma'asilo si Tou, wuṛṛu i Tou lai uahahatto mangitou su ola'u ereapa Ruata mamarenta ere sangkatou Ratu.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.